2 Samuele 24:14 - Tonga Bible 1986

¹⁴ Penipo Davidi wangunena ndi Gadi, “Ndafinyikizgika ukongwa; mphanyi tawa waka mu janja la Ambuya, pakuti ngukuru ukongwa wezi wawo; kweni kuti ndiwe mu janja la munthu cha.”

2 Samuele 24:14 ပူးပေါင်းရင်းမြစ်များ

2 Samuele 9:8

Ndipo iyo wangumulambiya, wanguti, “Nkhanthu uli ndamuŵanda winu, kuti mulereske pa garu wakufwa nge ndine?”

2 ŴaKaronga 6:15

Penipo mteŵeti wa munthu waku Chiuta wanguyuka ndi mlenjilenji kutuliya kubwaro, awonani, liŵanja la ŵankhondo ndi ŵakavalo ndi magareta linguzinga msumba wo. Ndipo mteŵeti yo wanguti, “Karonga ine, mbuyangu! Tikachitanganji?”

1 Mikoka 21:13

Ndipo Davidi wanguti kwaku Gadi, “Ndafyekeka ukongwa; ndiwe mu janja la Ambuya, chifukwa lisungu lawo ndikuru ukongwa; kweni kuwiya mu janja la munthu ndiko cha.”

Sumu 119:156

Kweni chisungusungu chinu, Ambuya, nchikuru ukongwa, viyo nditaskeni kwakuyana ndi cheruzgu chinu.

Sumu 130:4

Kweni mutitigowoke, alinga kuti timopeni imwe.

Sumu 130:7

A! Yisraele, gomekezga mu Ambuya! Chifukwa mwaku iwo mwe chifundu cha muyaya, mu Ambuya mwe uwombozi wakuzara.

Sumu 145:9

Ambuya mbamampha kwaku wose, ndi achitima paku vyose vyo akulenga.

Sumu 51:1

Ndichitiyeni wezi A Chiuta, kwakuyana ndi chifundu chinu; uli mbunandi wa vya lisungu vinu sisitani mamphuru ghangu.

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

Sumu 86:5

Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.

Nthanthi 12:10

Munthu murunji waphwere umoyo wa chiŵetu chake, kweni lisungu la wamphulupulu ndi nkhaza.

Yesaya 47:6

Ndingukaripa ndi ŵanthu ŵangu wo ndinguŵasankha, ndi ndinguŵakazuzga. Ndinguŵapereka mu janja linu, kuti munguŵarongo lisungu cha; pa makhongwe munguŵikapo goŵa lizitu kwakurutiriya.

Yesaya 55:7

muheni wareke nthowa yake, ndi wakuwura urunji maghanaghanu ghake; wawere ku Ambuya, kuti amuŵiye ndi lisungu, ndi kwaku Chiuta widu, pakuti wagowokiyenge kwakuzala.

Yeremiya 39:17

Kweni ndikakutaskanga iwe mu zuŵa leniliya, atiti Ambuya, ndipo kuti ukaperekekanga mu janja la ŵanthu wo utopa cha.

Chitenje 3:22

Chifundu cha Ambuya kuti chimera cha, malisungu ghawo kuti ghagota cha;

Danyele 9:9

Ku Ambuya Chiuta widu, kwe lisungu ndi chigowoke; chifukwa tamunangiya,

Yona 4:2

Ndipo wanguromba ku Ambuya ndi wanguti, “Ndimurombani, Ambuya, ndatinge uku ndiko kunguŵa kukamba kwangu, penipo ndenga ndeche mu charu changu? Pa chifukwa cho ndinguthaŵiya ku Tarshishi; chifukwa ndinguziŵa kuti ndimwe Chiuta walisungu, ndi wawezi, wachizita kukalipa, ndipo wakuzala chanju, ndi wakugowoke uheni.

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Mika 7:19

Ŵakaŵanga so nafwe ndi chitima, wakakandirizgiyanga pasi pamarundi ghake maulakwi ghidu. Mukatayanga mu zindimba za nyanja mauheni ghidu ghose.

Zekariya 1:15

Ndipo nditundiya ukongwa ndi mitundu yakufwasa; chifukwa penipo ndingukaripa kamanavi, iwo ŵangurutizga suzgu.

Yohane 12:27

“Sono usuzgika mzimu wangu; ndipo ndikambengenji? ‘Ada, nditaskeni ku ora lenili?’ Awa pakuti pa chifwa chenichi ndikuziya ku ora lenili.

ŴaFilipi 1:23

Kweni nde mu gangang'u pakugho ghaŵi. Linweka langu nda kuruta ndi kujariya pamoza ndi Kristu; chifukwa ichi nchamampha ukongwa kwakuruska:

1 Samuele 13:6

ŴaYisraele ŵanguti ŵawona kuti ŵafinyikizgika pakuti ŵangunyekezgeka ukongwa, ŵangubisama mu zimphanji, mu majarawi, mu masano, ndi mu zingarande,