2 Samuele 24:13 - Tonga Bible 1986

¹³ Gadi wanguza kwa ku Davidi ndi kumukambiya, wangunena nayo, “Kumbi vikuziye iwe virimika vitatu vya chilala mu charu chako? Pamwenga kumbi ungathaŵa myezi yitatu paurongo pa ŵarwani ŵako, iwo ŵachikudikiska? Pamwenga asi kungaŵa chideru pa charu chako kwa mazuŵa ghatatu? Ndipo ughanaghane, ufikepo nkhwamuka uli ko ndiwezgiyenge ku ŵakundituma.”

2 Samuele 24:13 ပူးပေါင်းရင်းမြစ်များ

2 Samuele 21:1

Ndipo kunguwa chilara mu mazuŵa ghaku Davidi kwa virimika vitatu, chirimika kulondo chirimika; ndipo Davidi wangupenja chisku cha Ambuya. Ambuya anguti, “Pe mrandu wa ndopa paku Sauli ndi pa nyumba yake, chifukwa ŵanguŵika ku nyifwa ŵaGibeoni.”

2 Samuele 24:12

“Ruta kakambi ndi Davidi, ‘Viyo atiti Ambuya, nditukupaska vinthu vitatu; usankhepo chimoza chaku vyo mwakuti ndicho ndikuchitiye.’ ”

2 ŴaKaronga 8:1

Sono Elisha wanguti ku munthukazi yuwa mwana wake wangumuyuskiya ku umoyo, “Soka, urutenge ndi ŵa nyumba yako ukaje kweniko kose ungakhumba pakuti Ambuya arongoso chilala, ndipo chikazanga pa charu kwa virimika vinkhonde ndi viŵi.”

1 Mikoka 21:12

Pamwenga virimika vitatu vya chilala, pamwenga myezi yitatu kuparghang'ika paurongo pa ŵamawongo ŵako, ndipo penipo ŵamawongo ŵako ŵakukosonge ndi malipanga ghawo, pamwenga mazuŵa ghatatu gha lipanga la Ambuya, cho nchideru chakupopeska pa charu, ndi mungelo wa Ambuya wakuparghang'a mu charu chose cha ŵaYisraele.’ Sono ughanaghane ndi mazu uli gho ndi wezgiyenge kwaku yo wandituma.”

Sumu 91:6

ku videru vyo vikhazga mu mdima, pamwenga maurwani gho ghabaya ndimsana.

Chituwa 7:25

Ghangukapo mazuŵa ghankhonde ndi ghaŵi Ambuya ati apuma maji gha Nile.

Ezekiele 14:13

Mwana wa munthu, asani charu chandinangiya pa kuchita uwura magomezgeka, ndipo ine nditambasuliya janja langu paku cho, ndi kufyo ndodo yake yachiŵande ndi kutuma chilala paku cho, kudumuwako munthu ndi chakuŵeta,

ŴaLevi 26:20

Mukatayanga nthazi zinu pa ŵaka, chifukwa charu chinu kuti chipasenge vyakuzala cha, ndipo miti yamu charu cho kuti yikapasanga vipasi vyake cha.

ŴaLevi 26:25

Ndipo nkhatolenga nkhondo paku imwe yo yikatayiyanga thayu phanganu lo. Asani mukawungananga mu misumba yinu nkhatumanga zinthenda mukati mwinu, ndipo mukaperekekanga mu janja la murwani winu.

Luka 4:25

Kweni kwakuneneska ndikuneniyani, mwenga vyoko vinandi mu Yisraele mu mazuŵa ghaku Eliya penipo kuchanya kungujarika virimika vitatu ndi myezi yinkhonde ndi umoza, po chinguŵiyapo chilala chikuru pa charu chose.

Marangu 28:22

Ambuya akamupumaninga ndi nthenda ya kamphumu, ndi ya kufunda mu liŵavu, ya kutupa, ndi yakocha ukongwa liŵavu, ndi chilangalanga, chimphunga, ndi chuku. Ivi vikamurondoninga mpaka mumare.

Marangu 28:25

“Ambuya akamuchitaninga kuti mupundike paurongo pa ŵamawongo ŵinu, mukaŵayukiyanga nthowa yimoza ndipo mukathaŵanga nthowa zinkhonde ndi ziŵi paurongo pawo, ndipo mukagwedukiyanga pasi pa maufumu ghose gha charu chapasi.

Marangu 28:27

Ambuya akamupamaninga ndi nthenda ya mapumba ghaku Egipiti; ndi vironda, ndi viphere, ndi kamukono, kwaku zo kuti muziŵa kuchizgika cha.

Marangu 28:35

Ambuya akamupumaninga pa makongono ndi pa musolonthi ndi mapumba ghakuŵaŵa ukongwa kwaku gho kuti mungaziŵa kuchizgika cha, kutuwa ku phazi la rundi linu kufika pachanya pa mutu winu.

Marangu 28:52

Ŵakamuzinganinga mu mizi yinu yose, mpaka malinga ghinu ghakukho gho ghawe pasi mu charu chinu chose; ndipo ŵakamuzingiyaninga mu mizi yinu yose yamu charu chinu, chenicho Ambuya Chiuta winu wakupaskani.

1 Samuele 25:17

Mu chifukwa ichi uziŵe ndi ughanaghane paku cho ungachita; pakuti uheni wasimikizgika kuchitikiya pa mbuyafwe ndi pa nyumba yake yose, ndipo we ndi umoyo uheni mwakuti yumoza kuti wangakamba nayo cha.”