2 Samuele 24:1 - Tonga Bible 1986

¹ Ndipo ukari wa Ambuya ungukore so pa ŵaYisraele, angusoska Davidi kumikana nayo, akuti, “Ruta, ukaŵerenge ŵaYisraele ndi ŵaYuda.”

2 Samuele 24:1 ပူးပေါင်းရင်းမြစ်များ

Chiyambo 45:5

Ndipo sono rekani kujisuzga pamwenga kukaripa paku mwaŵeni, chifukwa mungundiguliska kuno; pakuti Chiuta wangundituma kumudanjiriyani kwachitaska umoyo.

Chiyambo 50:20

Nge nkhwaku imwe, khumbu linu lenga lakundichitiya uheni ine, kweni Chiuta wangung'anamuwa umampha, kuti ichi chichitike alinga ŵanandi ŵasungike ŵamoyo, nge ndimo ŵalili msana wale.

2 Samuele 12:11

Viyo atiti Ambuya, ‘Ehe, nkhakuyuskiyanga uheni kutuliya mu nyumba yaku wamweni, nkhatonga ŵawoli ŵako iwe uchilereska, ndiŵapaskenge ku mwanasi wako, ndipo wakalakwanga nawo pa mtandasanya.

2 Samuele 16:10

Kweni karonga wanguti, “Kumbi ndendi kanthu uli ine ndi imwe, mwa ŵana ŵaku Zeruya? Asani watukiya pa chifukwa chakuti Ambuya amunene kuti, ‘Mutuki Davidi,’ ndiyani nanga yo wakambenge chifukwa, ‘Nchine wachita viyo?’ ”

2 ŴaKaronga 3:6

Viyo karonga Jehoramu wangutuwa mu Samaria pa nyengu iyi ndi wanguwungang'a Yisraele yose.

1 Mikoka 21:1

Satana wangumikana ndi Yisraele, wangusosomo Davidi kuŵerenga Yisraele.

1 Mikoka 7:2

Ŵana ŵaku Tola: Uzi, Refaya, Jayili, Yahamai, Ibsamu, ndi Shemueli, mitu ya nyumba za auskeu, yaŵa mbaku Tola, ngwazi za nthazi mu mgonezi wawo, mu mazuŵa ghaku Davidi unandi wawo wenga vikwi machumi ghaŵi ndi viŵi, pachanya machumi pe chumi ghankhonde ndi limoza (22,600).

1 Mikoka 7:40

Yaŵa wose ŵenga ŵanthu ŵaku Ashere, mitu ya nyumba za auskeu, ŵakusankhika, ngwazi za nkhondo, ŵara ŵa mafumu, mu kawi ka mikoka yawo wo ŵangurongosoleke mlimu wa nkhondo, ŵenga vikwi machumi ghaŵi ndi vinkhonde ndi chimoza (26,000).

2 Mikoka 32:25

Kweni Hezekiya kuti wangu ŵawezge kwakulingana ndi umampha wo ungumchitikiya cha, chifukwa mtima wake ungujikwezga. Pa chifukwa ichi kangumziya kandundu, ndi paku Yuda ndi Yerusalemu.

Chituwa 7:3

Kweni ndamunonopeska mtima waku Farao ndipo chingana ndamukwandaniska visimikizgu vyangu ndi vyakuziziswa mu charu cha Egipiti,

Ezekiele 14:9

Ndipo asani mchimi wanyengeka, ndi wakamba kanthu, ine, Ambuya, ndine ndapusika mchimi yuwa, ndipo nkhanyoroskiyanga janja langu paku iyo, nkhamuparghang'anga mukati mu ŵanthu ŵangu ŵaYisraele.

Ezekiele 20:25

Pachanya paku cho ndinguŵapaska virunguchizgu vyo kuti vyenga vyamampha cha ndi malangulu mwaku ghenigho kuti ŵangaŵa ndi umoyo cha,

ŴaLevi 10:6

Mosese wanguti kwaku Aroni ndi Eleazara ndi Itamara ŵana ŵake, “Mungafwatuwanga sisi la mitu yinu cha, ndipo mungaparuwanga saru zinu cha, vinu mungafwa, ndi vinu ukari ungaza pa mpingu wose; kweni ŵana ŵanyinu, wose ŵamu nyumba yaku Yisraele, ŵatenjere pa moto wo Ambuya akozga.

Maŵerengedu 1:19

ndimu Ambuya angulanguliya Mosese. Ndimu wanguŵaŵerenge mu bozwa la Sinai.

Machitidu gha Ŵakutumika 4:28

kwachichitiya vyo vyose janja linu ndi khumbu linu linguteme limu kuŵapo.

2 ŴaTesalonika 2:11

Ndipo chifukwa chenichi Chiuta waŵatumiya kachitidu ka urandizgi, alinga kuti ŵavwaniye iwo mu utesi:

Ŵeruzgi 2:14

Viyo ukari wa Ambuya ungukole paku Yisraele, ndipo anguŵapereka ku ŵamawongo wo ŵanguŵayora; ndipo anguŵaguliska ku nthazi ya ŵakupindikana ŵawo ŵakuŵazunguliya, alinga kuti ŵangalimbana nawo so cha ŵakupindikana ŵawo.

Ŵeruzgi 2:20

Viyo ukari wa Ambuya ungukole paku Yisraele; ndipo anguti, “Chifukwa chakuti ŵanthu yaŵa ŵaswa phanganu langu lo ndingulanguliya auskeu, ndipo ŵalivi kuvwiya mazu ghangu.

1 Samuele 26:19

Mu chifukwa ichi vwani mbuyangu karonga ku mazu gha mteŵeti winu. Asani mba Mbuya wo amuyuskani mtima kumikana ndi ine, iko aronde chisopo; kweni asani mbanthu, ŵaŵe ŵakutembeka pa maso pa Ambuya, chifukwa zuŵa linu ŵandidikiskiya kutali mwakuti ndireke kuŵa ndi chigaŵa mu ufumu wa Ambuya, ndikuti, ‘Ruta, ukateŵete ŵachiuta ŵanyake.’