2 Samuele 23:8 - Tonga Bible 1986

⁸ Yagha ndi mazina gha vinkhara vyo vyenga ndi Davidi; Yoshebashebete, mu Tahakemoni; wenga fumu ya ŵatatu; ndiyo wangurwa yija pa ŵanthu machumi pe chumi gha nkhonde ndi ghatatu (800) wo wangubaya pa nyengo yimoza.

2 Samuele 23:8 ပူးပေါင်းရင်းမြစ်များ

2 Samuele 10:7

Ndipo wanguti wavwa ichi Davidi wangutuma Yoabu ndi maŵanja ghose gha ŵanthu ŵanthazi.

1 ŴaKaronga 1:8

Kweni Zadoki mzukuru, ndi Benaya mwana waku Yehoyada, ndi Natani mchimi, ndi Shimei, ndi Rei ndi vinkhara vya nthazi vyaku Davidi kuti ŵenga pamoza ndi Adoniya cha.

1 Mikoka 11:10

Yaŵa ndiwo ŵaraŵara ŵanthu ŵanthazi ŵaku Davidi, ŵeniwo ŵangumovya mu ufumu wake, kumumika nge ndi karonga, pamoza ndi ŵaYisraele wose, kwakulingana ndi mazu gha Ambuya paku Yisraele.

1 Mikoka 27:1

Iyi ndi ndondomeko ya fuku laku Yisraele, ŵara ŵa nyumba za auskeu ŵakulamula ŵa vikwi ndi machumi pe chumi, ndi nduna zawo wo ŵatakatakiyanga karonga mu nchitu yose ya vigaŵa vyo vyaserenga ndi kutuwa, mwezi ndi mwezi mu chirimika chose, chigaŵa che chose chenga ndi vikwi machumi ghaŵi ndi vinayi (24,000).

1 Mikoka 27:2

Yashobeamu mwana waku Zebdieli wenga wakulamula chigaŵa chakudanga mu mwezi wakudanga; mu chigaŵa chake ŵengamo vikwi machumi ghaŵi ndi vinayi (24,000).

1 Mikoka 27:32

Yonafani msimbweni waku Davidi wenga mupifundu, wenga munthu wazeru ndi mlembi; iyo ndi Yehieli mwana waku Hakinoni wenga pamoza ndi ŵana ŵa karonga.

Ŵeruzgi 15:15

Ndipo wangubowozga chiwanga cha chibwanyo cha mbunda ndi wanguchito, ndipo ndi chenichi wangubaya ŵanthu chikwi (1,000).