2 Samuele 23:10 - Tonga Bible 1986

¹⁰ Wangusoka wangukosore pasi ŵaFilisti mpaka po janja lake linguvuka, ndi kukaniliya ku lipanga, ndipo Ambuya anguchita upundi ukuru zuŵa liya, ŵanthu wanguwere vuli kwachizuwa vya ŵakufwa wati wamara iyo.

2 Samuele 23:10 ပူးပေါင်းရင်းမြစ်များ

2 Samuele 23:12

Kweni iyo wanguma gwa mukati mu munda, wanguwuvikiriya, ndipo wangukoso ŵaFilisti, ndipo Ambuya anguchita upundi weni ukuru.

2 ŴaKaronga 5:1

Namani wakulanguliya liŵanja la nkhondo la karonga ŵaSiriya wenga munthu wakuzirwa ku mbuyake ndi wamagomekezgeka ukongwa, chifukwa mwaku iyo Ambuya angupaska upundi kwaku Siriya. Wenga ngwazi ya nkhondo, kweni wamakhate.

1 Mikoka 11:13

Wanguŵa pamoza ndi Davidi pa Pasdamimu penipo ŵaFilisti ŵanguwungana kwenikuwa kurwa nkhondo kwenga munda wakuzaza ndi barile, ŵanthu ŵanguthaŵa ku ŵaFilisti.

Sumu 108:13

Ndi Chiuta kuchiri kwidu tikapundanga; chifukwa ndiyo wakathereskanga ŵarwani ŵidu.

Sumu 144:10

mupaska upundi ku ŵakaronga, ndi kuwombo mteŵeti winu Davidi.

Sumu 68:12

ghakuti, “Ŵakaronga ndi nkhondo, zawo ŵathaŵa, ŵathaŵa!” Ŵanthukazi mu muzi ŵangugaŵana muskowo;

Yesaya 53:12

Chifukwa chenichi ndikamugaŵiyanga chigaŵa pamoza ndi ŵakuzirwa, wakagaŵananga vyakuskoŵa ndi virimbi, chifukwa wangupunguliya mzimu wake ku nyifwa, ndipo wenguŵerengeke pamoza ndi ŵakulakwa; kweni ndipuuli wangunyamuwa uheni wa ŵanandi, ndi kupepeske ŵakulakwa.

ŴaRoma 15:18

Chifukwa kuti ndamgangiya kurongoro kanthu cha, kweni kaku vyo Kristu wangutataliya mwaku ine, kuti ŵamuvwiye ŵaMitundu mu mazu ndi milimu,

2 ŴaKorinte 4:5

Chifukwa vyo titaula kuti vyaku taŵeni cha, kweni Kristu Yesu nge ndi Mbuya, ndi taŵeni ulaka mbateŵeti ŵinu pa chifwa chaku Yesu.

Yoswa 10:10

Ndipo Ambuya anguŵayungwiska paurongo paku Yisraele yo wanguŵabaya kuŵamara kukuru pa Gibeoni ndi kuŵadikiskiya ku nthowa ya sendemu yaku Bete-horoni, wanguŵakoso mpaka ku Azeka ndi Makeda.

Yoswa 10:42

Yoswa wanguto ŵakaronga yaŵa wose ndi charu chawo pa nyengo yimoza, chifukwa Ambuya Chiuta waku Yisraele wangurwiya Yisraele.

Yoswa 11:8

Ndipo Ambuya anguŵapereka mu janja laku Yisraele, yo wanguŵakoso ndi kuŵadikiska mpaka kwachifika ku Sidoni mukuru ndi Misirefoto-maimi, ndi kuchiri ku vuma mpaka ku dambo la Mizpa; wanguŵabaya, mpaka po wengavi kusiyako nanga njumoza.

Ŵeruzgi 15:14

Po wanguza ku Lehi, ŵaFilisti ŵanguza ndi kuwawata kuzachikumana nayo; ndipo mzimu wa Ambuya unguza ndi nthazi paku iyo, ndipo vingwe vyo vyenga pa manja ghake vinguwa nge ndi vinthembwe vyo vitufya ndi moto, ndipo mafundu ghake ghanguthwamuka ku manja ghake.

Ŵeruzgi 15:18

Ndipo wangukoreka ukongwa ndi nyota wangudana ku Ambuya wanguti, “Mwapaska chipozomosko ichi chikuru ndi janja la mteŵeti winu; ndipo kumbi sono ndikafwanga ndi nyota, ndi kuwa mu manja gha ŵambura kuchinjika?”

1 Samuele 11:13

Kweni Sauli wanguti, “Palivi munthu yo wangabayika msana wale, chifukwa ndi zuŵa lo Ambuya ataskiya Yisraele.”

1 Samuele 14:23

Viyo Ambuya angupozomoska ŵaYisraele zuŵa liya; nkhondo yingurutiliya ndi kujumpha pa Bete-avene.

1 Samuele 14:6

Ndipo Jonafani wangukamba ndi munyamata wakupinga vidya vyake, “Tiye tambukiye ku linga la ŵanthu ŵambura kuchinjika yaŵa panyake Ambuya atichitiyenge nchitu; chifukwa palivi ko kangakanizga Ambuya kureka kutaska, manyi mpha unandi pamwenga pa umana.”

1 Samuele 17:53

Ndipo ŵaYisraele ŵanguwe kukudikiska ŵaFilisti.

1 Samuele 19:5

Pakuti wanguŵika umoyo wake mu chikufi chake; ndipo wangubaya muFilisti, ndipo Ambuya anguchita utaski ukuru paku Yisraele yose. Munguwona, mungukondwere, na chifukwa nchine mulakwenge kumikana ndi ndopa zambura kafukwa, pakubaya Davidi wambura kafukwa?”