2 Samuele 22:44 - Tonga Bible 1986

⁴⁴ “Imwe mungundipozomoska ku kulimbana ndi ŵanthu; imwe mungundisunga nge ndi mutu wa mutundu; ŵanthu wo ndengavi kuŵaziŵa ŵangunditeŵete.

2 Samuele 22:44 ပူးပေါင်းရင်းမြစ်များ

2 Samuele 19:14

Ndipo wanguguza mitima ya ŵaYuda wose nge ndi munthu yumoza; mwakuti ŵangutuma mazu ku karonga, “Weniko imwe ndi ŵateŵeti ŵinu wose.”

2 Samuele 19:9

Ndipo ŵanthu wose mu mafuku ghose gha ŵaYisraele ŵenga pa mlimbalimba ŵakuti, “Karonga wangutipozomoska ifwe mu janja laku wose ŵarwani ŵidu, wangutitaska ifwe mu janja la ŵaFilisti, ndipo sono wathaŵa mu charu chifukwa chaku Absalomu.

2 Samuele 20:22

Munthukazi mu vinjeru vyake wanguruta ku ŵanthu wose ndipo wangudumuwa mutu waku Sheba mwana waku Bikri, ndi kuwupong'a kwaku Yoabu. Sono wangumba mbata, ndipo wangutuwako ku msumba munthu yose ku nyumba yake. Yoabu wanguwere ku Yerusalemu ku karonga.

2 Samuele 3:1

Panguŵa nkhondo nyengo yitali pakati pa nyumba yaku Sauli ndi nyumba yaku Davidi; ndipo Davidi wakuwanga-kuwanga mu nthazi, po nyumba yaku Sauli yatomborokangatomborokanga.

2 Samuele 5:1

Penipo mafuku ghose ghaku Yisraele ghanguza kwaku Davidi pa Hebroni wangunena nayo, “Ehe, ifwe techiwanga chinu ndi nyama yinu.

Sumu 110:6

Akaperekanga cheruzgu pa mitundu ndi kuzaza malo gha nkhondo ndi viŵanda; athereskenge ŵakaronga pa charu chose chapasi.

Sumu 18:43

Imwe mungundipozomoska mu kulimbana ndi ŵanthu; mungundisanduska kuŵa mutu wa mitundu; ŵanthu wo ndengavi kuŵaziŵa ŵangunditeŵete.

Sumu 2:8

Ufumbe kwangu, ndipo ndichitenge mitundu kuŵa chihara chako, ndi nge nchakusakata chako vigoti vya charu chapasi.

Yesaya 55:4

Ehe, ndingumuchita kuŵa kaboni ku ŵanthu, murongozgi ndi wakulamula, wa ŵanthu.

Yesaya 55:5

Ehe, ukadananga mitundu yo kuti utiyiziŵa cha, ndipo mitundu yo yengavi kukuziŵa yikachimbiyanga kwaku iwe, chifukwa cha Ambuya Chiuta wako, ndi cha Mtuŵa Yumoza waku Yisraele, pakuti wakukankhuska iwe.

Yesaya 60:12

Pakuti mtundu ndi ufumu wo urekenge kumutataliyani ukamaranga; mitundu yaviyo yikachitikanga mapopa kumariya limu.

Yesaya 65:1

Ndenga wakurongosoleka kupenjeka ndi wo ŵengavi kundifumbiriya; ndenga wakurongosoleka kusanirika ndi wo ŵengavi kundipenja. Ine ndinguti, “Ndine pano, ndine pano,” ku mtundu weniwo wengavi kudana pa zina langu.

Danyele 7:14

Ndipo mtufu, unkhankhu, ndi ufumu, vingupaskika kwaku iyo, kuti ŵanthu wose, mitundu yose, ndi makambidu ghose ŵamutataliye, muwusu wake ndi muwusu wamuyaya, wo kuti umarenge cha. Ndipo ufumu wake kuti ubwangandukenge cha.

Hoseya 2:23

ndipo nkhamupandanga mu charu chifukwa chaku ndamweni. Ndipo nkhaŵanga ndi lisungu paku yo ‘Wambura kuchitikiya lisungu,’ ndipo nditinge ku ŵanthu ŵangu cha. ‘Ndimwe ŵanthu ŵangu’; ndipo iyo watinge, ‘Imwe mwe Chiuta wangu.’ ”

ŴaRoma 15:12

Ndipo so Yesaya watiti, “Kuŵengepo nkhorozu yaku Jese, ndiyo wayukiyenge kwachiusa Mitundu; mwaku iyo yigomekezgiyenge Mitundu.”

ŴaRoma 9:25

Uli ndimo wanene so mwaku Hoseya, “Ndilitamurenge khamu, langu lo kuti lenga khamu langu cha; ndi yo wengavi kwanjiwa, nyankhwanjiwa.

Marangu 28:13

Ambuya akamuchitaninga kuŵa mutu, muchiya cha, ndipo mukaŵanga pachanya pe, pasi cha, asani muvwiya marangu gha Ambuya Chiuta winu gho ndimutauliyani zuŵa ili, mu kuphwere pakughachita,

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”