2 Samuele 22:31 - Tonga Bible 1986

³¹ Chiuta uyu nthowa yake njakufikapo phanganu la Ambuya la woneka kuti ndauneneska; nguru ndiyo kwaku wose wo ŵadingang'a mwaku iyo.

2 Samuele 22:31 ပူးပေါင်းရင်းမြစ်များ

2 Samuele 22:3

Chiuta wangu, jarawi langu, mwaku mweniyo ndidingang'a, nguru yangu, ndi mtaski wangu wa nthazi, linga langu ndi chakudingang'amo changu, mtaski wangu, imwe mutinditaska ku mbembe.

Nehemiya 9:8

ndipo mungusaniya kuti wenga wa mtima wamagomekezgeka paurongo pinu, ndipo munguchita nayo phanganu pakupaska mphapu yake charu cha ŵaKanani, ŵaHiti, ŵaAmoni, ŵaPerezi, ŵaYebusi ndi ŵaGirgashi. Ndipo mukufiska phanganu linu pakuti mwe ŵarunji.

Jobu 34:10

“Chifukwa ichi, mundivwe, imwe mwa ŵanthu ŵavinjeru, chiŵe kutali ndi Chiuta kuti iyo wachiti ubendezi, ndipo chiŵe kutali ndi Wanthazizose kuti wabudi.

Sumu 119:140

Ndakufikapo mbwenu phanganu linu! Mteŵeti winu watitanja ukongwa!

Sumu 12:6

Mapanganu ghaku Chiuta ndi mapanganu ghakutowa, siliva wakwengeka mu ng'anjo pa charu, kwengeka kankhonde ndi kaŵi.

Sumu 145:17

Ambuya mbakurunjika mu nthowa zawo zose, mbalisungu mu nchitu zawo zose.

Sumu 18:30

Chiuta uyu nthowa yake njamampha kwakufikapo; phanganu la Ambuya lawoneka la uneneska; ndi nguru kwaku wose wo ŵadingang'a mwaku iwo.

Sumu 2:7

Ndikambenge vya langulu la Ambuya: Angundinene, “Ndiwe mwana wangu, msana wale ndakubara iwe.

Sumu 35:2

Koni nguru ndi chivekeru, ndiposokani kundovya!

Sumu 84:9

Tumbikani karonga widu, A Chiuta, karonga yo imwe mukusankha!

Sumu 91:4

Wakubenekeriyenge ndi mapapiku ghake, pa kuphwerereka ndi iyo ukaŵanga umamphavi. Ukongorekwa wake ndi nguru ndi chivekeru.

Nthanthi 30:5

Mazu ghose ghaku Chiuta ghasimika uneneska; iyo ndi nguru kwaku wo ŵabisama mwake.

Wakutaula 3:14

Ndiziŵa kuti chose cho Chiuta wachita chikajaririyanga muyaya; kuti kakasazgikiyangako kanyake nanga nkhutuzgapo kanthu kanyake kwaku cho cha; Chiuta wachichita ichi mwakuti ŵanthu wopenge paurongo pake.

Danyele 4:34

Pa umari wa mazuŵa, ine Nebukadanezara, ndinguyinuskiya maso ghangu kuchanya, ndipo zeru zangu zinguweremu. Ndingutumbika Wapachanya Limu, ndingumuthamika ndi kumukankhuska mweniyo wajaririya muyaya: chifukwa muwusu wake ndi muwusu wambura kumara, ndipo ufumu wake ujaririya ku migonezi;

Danyele 4:37

Sono ine, Nebukadanezara ndikankhuska, ndi kukuzga, ndi kutumbika Karonga wakuchanya, chifukwa nchitu zake zose zakurunjika; ndipo wo ŵatenda kwakujikuzga waziŵa kuŵayuyuwa.

Mateyu 5:48

Viyo muŵenge ŵarunji imwe, nge ndimo Auskemwe ŵakuchanya ŵaliri ŵarunji.

Marangu 32:4

“Jarawe liya, nchitu yake njakufiskika, pakuti nthowa zake zose za urunji. Chiuta ndiyo mukongorekwa ndi wambura kalema, murumji ndi wakunyoroka.

Chivumbuzi 15:3

Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!