2 Samuele 21:16 - Tonga Bible 1986

¹⁶ Ndipo Ishibibenobo, yumoza wa mphapu ya vinkhara, mweniyo uzitu wa mkondo wake wenga mashekele machumi pe chumi ghatatu (300) gha mkuŵa, mweniyo so wangumangiliya lipanga lifya, wangughanaghana kuti wabaye Davidi.

2 Samuele 21:16 ပူးပေါင်းရင်းမြစ်များ

Chiyambo 14:5

Mu chirimika cha chumi ndi vinayi (14) Kedorolomere ndi ŵakaronga wo wenga nayo pamoza ŵangupunda ŵaRefimi mu Ashtero-Karnaimi, ŵaZuzimi mu Hama, ŵaEmi, mu Shave-kiriathaimi,

Chiyambo 6:4

ŴaNefilimi ŵenga mu charu mu mazuŵa ghenigha, ndiso pavuli penipo ŵana ŵaku Chiuta ŵangusere mu ŵana ŵanthukazi ŵa ŵanthu, ndi ŵangupapa ŵana. Yaŵa ŵenga ŵanthu virimbi wo ŵenga ŵamwaka, ŵanthu ŵambiri.

2 Samuele 21:18

Pavuli paku ichi penga so nkhondo ndi ŵaFilisti pa Gobo; ndipo Sibekai muHushati wangukoso Safi yo wenga yumoza wa mphapu ya vinkhara.

2 Samuele 21:20

Kwenga so nkhondo pa Gata, ko kwenga munthu wa msinkhu ukuru, wenga ndi minwe nkhonde ndi umoza ku janja limoza, kujanja linyake naku viyo, ndi vikumbu nkhonde ndi chimoza ku phazi limoza, vyose pamoza vyenga machumi ghaŵi ndi vinayi (24); nayu so wenga wamu mphapu ya vikhara.

2 Samuele 21:22

Yaŵa ŵanayi ŵenga ŵakutuwa mu mphapu ya vinkhara mu Gata, ndipo ŵangubayika ndi janja laku Davidi ndi la ŵateŵeti ŵake.

2 Samuele 5:18

ŴaFilisti ŵanguza ndi kujindandiska mu dambo la Refaimi.

Maŵerengedu 13:22

Ndipo ŵangufika ku charu chaku mwela, ŵangufika ku Hebroni; kweniko ŵenga Ahimana, Sesai, ndi Talmai ŵa mphapu yaku Anaka. (Hebroni wanguzengeka virimika vinkhonde ndi viŵi wenga wandazengeke Zoani mu Egipiti).

Maŵerengedu 13:28

Kweni ŵanthu ŵakuja mu charu cho mbanthazi, mizi nja malinga njikuru ukongwa; pade paku ivi, tinguwona ŵa mphapu ya ŵina Anaka kwenikuwa.

Marangu 1:28

Tikwere nunkhu? Ŵabali ŵidu ŵagongoweska mitima yidu kuti, “Ŵanthu mbakuru ndi mbatali kwakuruska ifwe; mizi nayo njikuru ndipo ye ndi malinga ghakugota kuchanya, ndipo so tawonako ŵana ŵa Anakimu kwenikuwa.” ’

Marangu 2:10

(Ŵina Eme ŵajanga muwa nyengo yaruta, ŵanthu ŵakuru ŵanandi, ndi ŵatali nge mbena Anakimu,

Marangu 2:11

mitundu yose yo yingudanika ŵaRefa, kweni ŵaMoabu ŵanguŵadana ŵina Erne.

Marangu 2:21

Ndiwo ŵanthu ŵakuru, ŵanandi ŵatali nge mbena Anakimu, kweni Ambuya anguŵaparghang'a ndipo ŵaAmoni ŵanguŵaŵeta ndi kuja mwenimo mu malo ghawo.

Marangu 3:11

(Wangujako wamoyo Ogi pe, karonga waku Bashani, mu ŵaRefa. Chita chake chenga chavisulo, che mu Raba msumba ŵina Amoni. Utali wake wenga mikono yinkhonde ndi yinayi, usani wake mikono yinayi, nge nchipimo cha mkono wa munthu.)

Marangu 9:2

ŵanthu ŵakuru ndi ŵatali, ŵana ŵa Anakimu ŵeniwo muziŵa; ŵeniwo mwavwa ndi vyaku iwo, ‘Kumbi ndiyani yo wangamikana ndi ŵana ŵa Anakimu?’

Yoswa 11:22

Pengavi wakujapo wa ŵaAnakimu mu charu cha ŵaYisraele; kweni mu Gaza, mu Gata, ndi mu Ashidodi, ndimu ŵanyake ŵangujamo.

Yoswa 15:14

Ndipo Kalebe wangudikiskamo ŵana ŵatatu ŵaku Anaki, Sheshai, Ahimana, ndi Talmai, ŵazukuru ŵaku Anaki.

1 Samuele 17:7

Ndipo luti la mkondo wake lenga nge ndi mkoku wa muwomba-saru; chipapa cha mkondo wake chenga pa uzitu wa mashekelo machumi pe chumi ghankhonde ndi limoza (600) gha chisulu; ndipo wakupinga nguru yake wangudanjiya paurongo pake.