2 Samuele 21:1 - Tonga Bible 1986

¹ Ndipo kunguwa chilara mu mazuŵa ghaku Davidi kwa virimika vitatu, chirimika kulondo chirimika; ndipo Davidi wangupenja chisku cha Ambuya. Ambuya anguti, “Pe mrandu wa ndopa paku Sauli ndi pa nyumba yake, chifukwa ŵanguŵika ku nyifwa ŵaGibeoni.”

2 Samuele 21:1 ပူးပေါင်းရင်းမြစ်များ

Chiyambo 12:10

Sono kwenga chilala mu charu cho. Viyo Abramu wanguruta ku Egipiti kwachitandara kwenikuwa, pakuti chilala cho chenga chikuru mu charu cho.

Chiyambo 26:1

Sono mwenga nja mu charu, ya pade pa nja yakale yeniyo yengako mu mazuŵa ghaku Abrahamu. Ndipo Yisaki wanguya ku Gerara kwaku Abimeleke karonga wa ŵaFilisti.

Chiyambo 41:57

Ndipo so ŵanthu wose mu charu chapasi ŵanguza ku Egipiti kwaku Yosefe kuzachigula trigu, pakuti chilala chenga chizitu pa charu chose chapasi.

Chiyambo 42:5

Viyo ŵana ŵaku Yisraele ŵanguza kuzachigula mukati mwa ŵanthu ŵanyake ŵeniwo ŵanguzako, pakuti chilala chenga mu charu cha Kanani.

Chiyambo 43:1

Sono chilala chinguŵa chikuru ukongwa mu charu cho.

2 Samuele 16:8

Ambuya awezga nduzga paku iwe, ndopa zose za nyumba yaku Sauli, pa malo ghaku mweniyo iwe wausa; ndipo Ambuya apereka ufumu mu janja la mwana wako Absalomu. Ehe, kupasuka kwe paku iwe; chifukwa we munthu wa ndopa.”

2 Samuele 20:26

Ndipo Ira mu Yairi wenga so mzukuru waku Davidi.

2 Samuele 21:5

Ŵangwamuka karonga, “Munthu yo wakutimara ndipo wangunozga kutiparghang'a, alinga kuti tiulevi malo mu chigaŵa chose cha Yisraele,

2 Samuele 24:1

Ndipo ukari wa Ambuya ungukore so pa ŵaYisraele, angusoska Davidi kumikana nayo, akuti, “Ruta, ukaŵerenge ŵaYisraele ndi ŵaYuda.”

2 Samuele 5:19

Ndipo Davidi wangufumba ku Ambuya, “Kumbi ndikwere kurwana ndi ŵaFilisti, kumbi muŵaperekenge mu janja langu?” Ndipo Ambuya angwamuka Davidi anguti, “Rutanga, chifukwa kwakuneneska ndiperekenge ŵaFilisti mu janja lako.”

2 Samuele 5:23

Davidi wanguti wafumba ku Ambuya, anguti, “Ungakweriyangako cha; zunguliya kuvuli kwawo, uziye paku iwo pakulereskana ndi miti ya balasama.

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

1 ŴaKaronga 18:2

Viyo Eliya wanguruta kwachijirongo kwaku Ahabu. Pa nyengo iyi chilala chenga chikuru mu Samaria.

2 ŴaKaronga 6:25

Ndipo mwenga chilala chikuru mu Samaria penipo wanguwuzinga, mpaka penipo mutu wa mbunda wasaskikanga pa mashekelo machumi ghankhonde ndi ghatatu gha siliva, ndipo chigaŵa chimoza cha vinayi cha mweso wa matongolo gha nkhunda chasaskikanga pa mashekelo ghankhonde gha siliva.

2 ŴaKaronga 8:1

Sono Elisha wanguti ku munthukazi yuwa mwana wake wangumuyuskiya ku umoyo, “Soka, urutenge ndi ŵa nyumba yako ukaje kweniko kose ungakhumba pakuti Ambuya arongoso chilala, ndipo chikazanga pa charu kwa virimika vinkhonde ndi viŵi.”

Jobu 10:2

Nkhatinge kwaku Chiuta, Rekani kundisuska; ndiziŵiskeni chifukwa cho murimbirana nane,

Sumu 27:8

Imwe munguti, “Penjani chisku changu.” Mtima wangu kwaku imwe utiti, “Chisku chinu, Ambuya, ndichu ndipenja.”

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Sumu 91:15

Ŵakandidananga, ndikaŵamukanga; ŵachiŵa musuzgu, ndikaŵanga pamoza nawo ndiŵapozomoskenge ndi kuŵatumbika.

ŴaLevi 26:26

Panyengo yo nkhadumuwanga uzali wa vyakurgha, ŵanthukazi chumi ŵakamubikiyaninga chiŵande mu zenji limoza, ndipo ŵakachitanga kupima chiŵande chinu; mukarghanga kweni kuti mukagutanga cha.

Maŵerengedu 27:21

Ndipo wakamanga panthazi paku Eleazara mzukuru, mweniyo wakamufumbiyanga ndi keruzgidu Urimi paurongo pa Ambuya; pa mazu ghake ŵakatuwanga, ndipo pa mazu ghake ŵakaserenga, wose iyo ndi ŵaYisraele pamoza ndi wumba wose.”

Yoswa 7:1

Kweni ŵaYisraele ŵangutaya kugomezgeka pa vinthu vyakupaskikiya ku unangiku; pakuti Akani mwana waku Karimi, mwana waku Zabdi, mwana waku Zera, wa fuku laku Yuda, wangutopo vinthu vyakupaskikiya ku unangiku, sono ukari wa Ambuya ungukore pa ŵaYisraele.

Yoswa 9:20

Cho tikaŵachitiyanga ndi ichi, Tikaŵasiyanga ŵamoyo, vinu ukari ungaŵa paku ifwe, chifukwa cha rapu lo tinguŵarapiya.”

Ruti 1:1

Mu mazuŵa mwaku gho ŵeruzgi ŵayeruzgiyanga mwenga chilala mu charu, ndipo munthu yumoza wamu Betelehemu waku Yuda wanguruta mu charu cha Moabu, iyo ndimuwoli wake ndi ŵana ŵake ŵaŵi ŵanthurumi.

1 Samuele 10:22

Viyo wangufumba so ku Ambuya, “Kumbi munthu uyu walipo panu?” Ambuya anguti, “Awonani, wabisama mukati muŵakatundu.”

1 Samuele 23:11

Kumbi ŵanthu ŵake Keila ŵandiperekenge mu janja lake? Kumbi wazenge nadi Sauli, nge ndimo ndamteŵeti winu ndavwiya? A! Ambuya, Chiuta waku Yisraele ndimpemphani, muneniyeni mteŵeti winu.” Ndipo Ambuya anguti, “Wakazanga nadi.”

1 Samuele 23:2

Sono Davidi wangufumba ku Ambuya, “Kumbi ndirute kwachirwana ndi ŵaFilisti aŵa?” Ambuya anguti kwaku Davidi, “Ruta karwane ndi ŵaFilisti ndipo utaske Keila.”

1 Samuele 23:4

Davidi wangufumba so ku Ambuya. Ambuya angumwamuka, “Soka, sikiya ku Keila; chifukwa ndiŵaperekenge ŵaFilisti mu janja lako.”