2 Samuele 20:6 - Tonga Bible 1986

⁶ Davidi wangunena ndi Abishai, “Sono Sheba mwana waku Bikri ŵakatichitiyanga uheni kwakuruska Absalomu; uto ŵateŵeti ŵa mbuyako, mulondo, vinu wangajitore mizi ya malinga ghakukho ndikutiserezga mu masuzgu.”

2 Samuele 20:6 ပူးပေါင်းရင်းမြစ်များ

2 Samuele 10:14

ŴaAmoni ŵanguti ŵawona kuti ŵaSiriya ŵathaŵa, nawo so ŵanguthaŵa pa maso paku Abishai, ŵangusere mu muzi. Sono Yoabu wanguwe ku kurwana ndi ŵaAmoni, wanguza ku Yerusalemu.

2 Samuele 11:11

Uriya wanguti, “Bokosi la Ambuya ndi Yisraele ndi Yuda ŵaja mu misasa; ndipo mbuyangu Yoabu ndi ŵateŵeti ŵa mbuyangu wagona pa bwalo mu dondo; sono ine ndingaruta ku nyumba yangu, kwa chirgha ndi kumwa, ndi kugona ndi muwoli wangu? Po muliri ŵamoyo imwe, ndimo uliri wamoyo mzimu winu, kuti ndichitenge chinthu ichi cha.”

2 Samuele 18:12

Kweni munthu yuwa wangunena ndi Yoabu, “Nanga ndatinge ndirondenge mashekelo gha siliva gha mweso wa uzitu chikwi mu janja langu, kuti ndatinge ndisoskenge janja langu pa mwana wa karonga cha; chifukwa tingujivwiya ndi makutu ghidu langulu la karonga paku imwe ndi, Abishai ndi Itai, kuti, ‘Mujikanizge ku mhurwa yo Absalomu.’

2 Samuele 18:2

Ndipo Davidi wangutuma nkhondo, chigaŵa chimoza cha vigaŵa vitatu pasi paurongozgi waku Yoabu, chigaŵa chimoza cha vigaŵa vitatu pasi paurongozgi waku Abishai mwana waku Zeruya, mwana munyake ndi Yoabu, ndi chigaŵa chimoza cha vigaŵa vitatu pasi paurongozgi waku Itai muGiti. Ndipo karonga wanguŵanene ŵanthu, “Ine ndamweni nane nkharutanga namwe.”

2 Samuele 19:7

Mu chifukwa ichi sono sokani, tuwani ŵateŵeti ŵinu mukarongoro nawo umampha, pakuti, ndarapa Ambuya, asani mureka kuruta, palivi munthu yumoza yo wajenge namwe usiku wuno; ndipo ichi chikamuŵiyaninga chiheni kwakuruska, kuruska uheni wose wo wamuŵiyani kutuliya pa uhurwa winu mpaka sono.”

2 Samuele 2:18

Ŵana ŵatatu ŵaku Zeruya ŵenga penipa, Yozbu, Abishai ndi Asahele. Kweni Asahele wenga mpusu kuchimbiya nge ndi mphoyo ya mu dondo.

2 Samuele 21:17

Kweni Abishai mwana waku Zeruya wangumovya, wangukoso mufilisti ndi kumubaya. Penipo ŵanthu ŵaku Davidi ŵangumurapiya, “Kuti utuliyenge so pamoza nafwe ku nkhondo cha, vinu ungazimwa lumbuni laku Yisraele.”

2 Samuele 23:18

Sono Abishai mwana munyake ndi Yoabu, mwana waku Zeruya, wenga fumu paku ŵa machumi ghatatu. Ndipo iyo wangusoska mkondo wake pa ŵanthu machumi pe chumi ghatatu (300) wanguŵabaya, ndipo wanguŵa ndi lumbiri pade pa ŵatatu ŵa.

2 Samuele 3:30

Viyo Yoabu ndi mbali wake Abishai ŵangubaya Abnere, chifukwa wangubaya mbali wawo Asahele pa nkhondo yapa Gibeoni.

2 Samuele 3:39

Ndipo ine ndatomboroka msana wale nanga nde karonga wakupakika; ŵanthu yaŵa, ŵana ŵaku Zeruya mbanonono kwangu. Ambuya achitiye wakuchita uheni kwakuyana ndi uheni wake.”

1 ŴaKaronga 1:33

Ndipo karonga wanguti kwakuwo, “Jitoliyeni pamoza namwe ŵaŵanda ŵa mbuyamwe, ndipo mumukwezge Solomoni mwana wangu pa nyulu yangu, ndipo mumutole ku Gihoni;

1 Mikoka 11:20

Ndipo Abshayi, mbali waku Yoabu, wenga mura wa ŵanthu machumi ghatatu, wanguzungung'a mkondo wake pa ŵanthu machumi pe chumi ghatatu wo wangubaya, ndipo nayo wanguŵa walumbiri pamoza ndi ŵatatu wo.

1 Mikoka 18:12

Ndipo Abishai, mwana waku Zeruya wangubaya ŵaEdomu vikwi chumi pachanya vinkhonde ndi vitatu (18,000) mu dambo la mche.

Yeremiya 8:14

Chifukwa chine tija chisisi? Unjikanani pamoza tirutenge, kwachisere mu mizi ya malinga, tikafwiye mwenimo, pakuti Ambuya Chiuta widu ŵatiteme kufwa, ndipo ŵatipaska maji gha nduru kuti timwe, chifukwa talakwiya Ambuya.

Marko 3:24

Asani ufumu ungagaukana mwaku wija, kuti ngwanthazi ku ufumu wo cha.

1 Samuele 26:6

Davidi wangunena ndi Ahimeleke mu Hiti, ndi mbali waku Yoabu Abishai, mwana waku Zeruya, “Ndiyani yo wangasikiya pamoza nane ku ugoŵi waku Sauli?” Abishai wanguti, “Ndirutenge namwe.”