2 Samuele 2:26 - Tonga Bible 1986

²⁶ Sono Abnere wangudana Yoabu wanguti, “Kumbi lipanga likarghanga muyaya? Kumbi kuti uziŵa cha kuti umari ukaŵanga wakuŵaŵa ndipo mpaka zuŵanji uneniyenge ŵanthu ŵako kuti ŵareke kulondo ŵabali ŵawo?”

2 Samuele 2:26 ပူးပေါင်းရင်းမြစ်များ

2 Samuele 11:25

Davidi wangunena ndi thenga, “Yagha ndigho ukanene kwaku Yoabu, ‘Chinthu ichi chireke kukusuzga, pakuti lipanga liturgha uyu ndi yuwa; khozga nkhondo yako pa muzi wo, ndipo uwubwanganduwe,’ ndipo ukamukhwimiske.”

2 Samuele 2:14

Sono Abnere wangunena ndi Yoabu wanguti, “Zomera kuti ŵanyamata ŵasoke pakati pidu ŵaseŵenge.” Yoabu wanguti, “Ŵasoke.”

2 Samuele 2:16

Ndipo ŵangukorana uyu ndi munyake ku mutu, uyu wanguwewepuwa lipanga ndi kugwaza nalo mu mbaghara za munyake; sono wose ŵanguwa pasi ŵangufwa mu chifukwa ichi malo gha ghangudanika Helkate-hazurimi cho ching'anamuwa munda wa malipanga gha uyi gho ghe pa Gibeoni.

2 Samuele 2:25

Ndipo ŵaBenjamini ŵanguwungana pamoza pavuli paku Abnere, ndipo ŵanguŵa liŵanja limoza, ndipo ŵanguma pa chanya pa mthunthu.

2 Samuele 2:27

Yoabu wanguti, “Chiuta wamoyo asani wengavi kurongoro, kwakuneneska mphanyi ŵanthu ŵatinge ŵarekenge kulondo ŵabali ŵawo mawa ndi mlenji.”

Jobu 18:2

“Kumbi umarenge zuŵanji kupenja mazu? Ghanaghana, nafwe tikarongoronga.

Jobu 19:2

“Kumbi mpaka zuŵanji mukandisuzganga, ndi kundivikitavikita ndi mazu?

Sumu 4:2

Mwa ŵanthu mwe, mpaku zuŵanji ulemu wangu uŵenge wa soni? Mpaka zuŵanji mwanjenge mazu ghawaka, ndikupenja mautesi?

Nthanthi 17:14

Kwamba kwa ndeu kwe uli nkhutuzga maji, viyo tuwapo ndeu yenga yindayambe.

Yesaya 1:20

Kweni asani mukana ndi kugaruka, mukamaranga ndi lipanga, pakuti mlomo wa Ambuya wakamba.”

Yeremiya 12:12

Pa mitunthu yose ya chipalamba mu bozwa paza ŵaphasulu; pakuti lipanga la Ambuya limeza kutuwa ku chigoti chimoza cha charu kwachifika ku chigoti chinyake mu charu chose, kulivi chimangu.

Yeremiya 2:30

Ndaŵapuma ŵana ŵinu kwambura kakwanduwapo, ŵalivi kuphwere kuwere ku umampha. Lipanga laku wamweni labaya ŵamchimi ŵako, uli ndi nkharamu yakurazuka.

Yeremiya 4:21

Mpaka zuŵanji ndikawonanga mbendera, ndi kuvwa kuliya kwa mbata?

Yeremiya 46:10

Zuŵa liya ndi zuŵa la Ambuya Chiuta wa maŵanja, zuŵa la thayu, kujitayiya thayu pa ŵakupindikana ŵake. Lipanga likarghanga ndi kuguta, ndi kumwa kwakuguta ndopa zawo. Pakuti Ambuya Chiuta wa maŵanja wendi sembe mu charu cha ku nkhonde pa msinji Efrate.

Yeremiya 46:14

“Ziŵiskani mu Egipiti, memezani mu Migidoli, memezani mu Mempisi ndi Tapanesi; nenani, ‘Mume ndipo murongosoleke, pakuti lipanga likarghanga kwakuzunguliya imwe!’

Hoseya 11:6

Lipanga likaŵanga pa misumba yawo, kudumuwa mipiringizgu ya malikomo ghawo ndi kuŵamara mu malinga ghawo.

Machitidu gha Ŵakutumika 7:26

Ndipo la mawa wanguburika paku wo ŵalimbananga, ndipo wangwesa kuŵawojere ku chimangu, wakuti, ‘Mwaŵanthu, mwe ŵabali pe, chifukwa chine mubudirana?’