2 Samuele 2:23 - Tonga Bible 1986

²³ Mweni Asahele wangukana mbwenu kupatuka; viyo Abnere wangumugwaza pa moyo ndi songo ya mkondo wake; mwakuti mkondo ungutuliya ku msana wake, ndipo wanguwa ndi wangufwiya penipa. Ndipo wose wo ŵangufika pa malo po Asahele wangufwiya, ŵanguma chisisi.

2 Samuele 2:23 ပူးပေါင်းရင်းမြစ်များ

2 Samuele 2:24

Kweni Yoabu ndi Abishai ŵangulondo Abnere; ndipo pa kusere kwa dazi ŵangufika ku mthunthu wa Ama, wo we paurongo pa Gia pa nthowa yaku bozwa la Gibeoni.

2 Samuele 20:10

Kweni Amasa kuti wanguliwona cha lipanga mu janja laku Yoabu; viyo Yoabu wangumungwaza nalo mu liŵavu, matumbu ghake ghangukhutukiya pasi, ndipo kwambura kumugwaza so kachiŵi, wangufwa. Yoabu ndi Abishai mbali wake ŵangurondo Sheba mwana waku Bikri.

2 Samuele 3:27

Po Abnere wanguti wawere ku Hebroni, Yoabu wangumtore ku mphepete mukati mwa likomo kurongoro nayo, pa ubende, penipa wangumugwaza pa moyo, ndipo wangufwa, pa chifukwa cha ndopa zaku Asahele mbali wake.

2 Samuele 3:30

Viyo Yoabu ndi mbali wake Abishai ŵangubaya Abnere, chifukwa wangubaya mbali wawo Asahele pa nkhondo yapa Gibeoni.

2 Samuele 4:6

Ndipo wonani, mulinda wa nyumba wapepetanga trigu, kweni wasiwanga ndi kugona turo; viyo Rekaba ndi mbali wake Bana ŵangusere chisisi.

2 Samuele 5:6

Karonga ndi ŵanthu ŵake ŵanguruta ku Yerusalemu kwa chirwana ndi ŵaYebusi, ŵeneko ŵa charu wo ŵangunena ndi Davidi, kuti, “Ukaserenga munu cha, kweni ŵachiburumutiya ndi ŵakupunduka ŵakujarizgiyenge kubwaro,” kughanaghana kuti, “Davidi wangasere munu cha.”