2 Samuele 2:1 - Tonga Bible 1986

¹ Pavuli paku ichi Davidi wangufumbiya ku Ambuya, “Kumbi ndingakweriyako kwe kose mu misumba yaku Yuda?” Ambuya angunena nayo, “Rutanga.” Davidi wanguti, “Ndikwere ku muzi nuwu?” Ambuya anguti, “Ku Hebroni.”

2 Samuele 2:1 ပူးပေါင်းရင်းမြစ်များ

Chiyambo 13:18

Viyo Abramu wangutuzgapo hema lake ndi wanguza ndi wanguja pafupi ndi miti ya misolo yamu Mamre, yeniyo yemu Hebroni, ndipo penipa wanguzenga jochero ku Ambuya.

Chiyambo 32:2

ndipo penipo Yakobe wanguŵawona wanguti, “Ili ndi liŵanja la nkhondo laku Chiuta!” Viyo wangudana zina la malo gha Mahanaimu.

2 Samuele 15:7

Ndipo pavuli pa virimika vinayi Absalomu wangunena ndi karonga, “Ndizomerezgeni kuti nkhafiske rapu langu ku Hebroni, lo ndikurapa ku Ambuya.

2 Samuele 2:11

Nyengo yo Davidi wanguŵiya karonga pa nyumba yaku Yisraele mu Hebroni yenga virimika vinkhonde ndi viŵi ndi mwezi yinkhonde ndi umoza.

2 Samuele 5:19

Ndipo Davidi wangufumba ku Ambuya, “Kumbi ndikwere kurwana ndi ŵaFilisti, kumbi muŵaperekenge mu janja langu?” Ndipo Ambuya angwamuka Davidi anguti, “Rutanga, chifukwa kwakuneneska ndiperekenge ŵaFilisti mu janja lako.”

2 Samuele 5:23

Davidi wanguti wafumba ku Ambuya, anguti, “Ungakweriyangako cha; zunguliya kuvuli kwawo, uziye paku iwo pakulereskana ndi miti ya balasama.

1 ŴaKaronga 2:11

Ndipo nyengo yo Davidi wanguwusiya pa ŵaYisraele yenga virimika machumi ghanayi (40); wanguwusa virimika vinkhonde ndi viŵi (7) mu Hebroni, ndi virimika machumi ghatatu pachanya vitatu (33) mu Yerusalemu.

1 Mikoka 29:7

Ŵangupereka ku mlimu wa nyumba yaku Chiuta vikiwi vinkhonde (5,000) vya matalente ndi vikwi chumi (10,000) vya ndrama za golide, vikwi chumi (10,000) vya matalente gha siliva, vikwi chumi ndi vinkhonde ndi vitatu (18,000) vya mkuŵa, ndi vikiwi machumi pe chumi (100,000) vya matalente gha visulo.

2 Mikoka 11:10

Zora, ndi Ajaloni, ndi Hebroni, mizi ya malinga mwaku Yuda ndi mwaku Benjamini.

Sumu 143:8

Ndigomekezga mwaku imwe; ku mlenji ndikumbuskeni vya chifundu chinu. Ndirongoni nthowa yo ndendengemo, marombu ghangu ghakwere ko kwinu.

Sumu 27:4

Chinthu chimoza ndafumba ku Ambuya, chenicho ndicho ndikapenjanga; kuti ndijaririye mu nyumba ya Ambuya mazuŵa ghose gha umoyo wangu, kudaŵira kunozga kwa Ambuya, ndi kupenjeska mu nyumba yawo yakupaturika.

Ezekiele 36:37

“Viyo atiti Ambuya Chiuta; Ichi nacho so ndikazomerezganga kuti nyumba yaku Yisraele ŵandipemphe cho ndingaŵachitiya: kwandaniska ŵanthu ŵawo nge ndi mskambu.

Maŵerengedu 13:22

Ndipo ŵangufika ku charu chaku mwela, ŵangufika ku Hebroni; kweniko ŵenga Ahimana, Sesai, ndi Talmai ŵa mphapu yaku Anaka. (Hebroni wanguzengeka virimika vinkhonde ndi viŵi wenga wandazengeke Zoani mu Egipiti).

Maŵerengedu 27:21

Ndipo wakamanga panthazi paku Eleazara mzukuru, mweniyo wakamufumbiyanga ndi keruzgidu Urimi paurongo pa Ambuya; pa mazu ghake ŵakatuwanga, ndipo pa mazu ghake ŵakaserenga, wose iyo ndi ŵaYisraele pamoza ndi wumba wose.”

Yoswa 15:13

Kwakuyana ndi langulu la Ambuya kwaku Yoswa, wangupaska Kalebe mwana waku Yefuni chigaŵa mu ŵaYuda, Kiriata-araba, yo ndi Hebroni (Arba wenga wiske waku Anaki).

Ŵeruzgi 1:1

Pavuli pa nyifwa yaku Yoswa ŵanthu ŵangufumba ku Ambuya, “Ndiyani yo wakadanganga kutikwere ifwe kwachimikana ndi ŵaKanani kurwana nawo?”

1 Samuele 10:22

Viyo wangufumba so ku Ambuya, “Kumbi munthu uyu walipo panu?” Ambuya anguti, “Awonani, wabisama mukati muŵakatundu.”

1 Samuele 23:2

Sono Davidi wangufumba ku Ambuya, “Kumbi ndirute kwachirwana ndi ŵaFilisti aŵa?” Ambuya anguti kwaku Davidi, “Ruta karwane ndi ŵaFilisti ndipo utaske Keila.”

1 Samuele 23:4

Davidi wangufumba so ku Ambuya. Ambuya angumwamuka, “Soka, sikiya ku Keila; chifukwa ndiŵaperekenge ŵaFilisti mu janja lako.”

1 Samuele 30:31

mu Hebroni, mu malo ghose mo Davidi ndi ŵanthu ŵake ŵangwenda.