2 Samuele 19:8 - Tonga Bible 1986

⁸ Sono karonga wangusoka, wanguja pa chitengo chake mu likomo. Ndipo ŵanthu wose ŵanguziŵiskika, kuti, “Awonani, karonga waja pa likomo,” ndipo wose ŵanguza paurongo pa karonga, ŵaYisraele ŵanguthaŵa munthu yose ku nyumba yake.

2 Samuele 19:8 ပူးပေါင်းရင်းမြစ်များ

2 Samuele 15:2

Ndipo Absalomu wasokanga ndi mlenji-lenji kuma pa mphepete pa nthowa yapa likomo; ndipo munthu we yose yo wenga ndi mrandu wachisere ku karonga kwacheruzgika, Absalomu wangumudana, wakuti, “Utuliya ku msumba nuwu?” Asani wanguti, “Mteŵeti winu ngwa mu mbumba yakuti mu Yisraele”,

2 Samuele 18:17

Ndipo ŵanguto Absalomu, ŵangumupong'a mu chizenji chikuru ku dondo, ndi kuwunjikapo ndundu yikuru ya mya; ndipo ŵaYisraele wose ŵanguthaŵa munthu yose nyumba yake.

2 Samuele 18:24

Davidi wajanga pakati pa malikomo ghaŵi; ndipo mlinda wangukwera pachanya pa bagha la linga, ndipo pakuyunuska maso ghake wanguwona munthu wachimbiya yija.

2 Samuele 18:4

Karonga wangunena nawo, “Cho chingaŵa chamampha mu maso ghinu ndichu ndichitenge.” Viyo karonga wanguma pamphepete pa chipata po nkhondo yose yatuwanga mu machumi pe chumi ndi mu vikwi.

2 Samuele 19:3

Pa zuŵa liya ŵanthu pakusere mu muzi ŵachitanga kuba nge ndimo ŵangajibiya ŵanthu wo ŵathaŵa ku nkhondo chifukwa cha soni.

1 ŴaKaronga 22:36

Pakuserekwa dazi kubangura kunguporota mu liŵanja la nkhondo, “We yose warutenge ku msumba wake, we yose ku charu chake!”

2 ŴaKaronga 14:12

Ndipo Yuda wanguthereskeka ndi Yisraele, ndipo munthu yose wanguthaŵiya ku muzi wake.

2 ŴaKaronga 8:21

Sono Yoramu wanguyambukiya kuzairi ndi magareta ghake ghose, ndipo wanguyuka ndi usiku, iyo ndi ŵakulamula magareta ghake, ŵangukoso ŵaEdomu wo ŵangumuzinga, kweni liŵanja lake la nkhondo linguthaŵiya ku muzi.

1 Samuele 4:10

Viyo ŵaFilisti ŵangurwa, ndipo ŵaYisraele ŵanguthera, ndi ŵanguthaŵa, munthu yose ku nyumba yake; ndipo kwenga kubayika kukuru, pakuti ŵakubayika mu Yisraele, ŵankhondo ŵake ŵakwenda pasi ŵenga vikwi machumi ghatatu (30,000).