2 Samuele 19:5 - Tonga Bible 1986

⁵ Sono Yoabu wangusere mu nyumba ku karonga wanguti, “Mwachitiska soni visku vya ŵanyamata ŵinu msana wale, wo ŵataska umoyo winu, ndi umoyo wa ŵana ŵinu ŵanthurumi ndi ŵana ŵinu ŵanthukazi, umoyo wa ŵawoli ŵinu ndi mbiligha zinu.

2 Samuele 19:5 ပူးပေါင်းရင်းမြစ်များ

2 Samuele 15:30

Kweni Davidi wangukwera mu phiri la ma Olive, uku waliya masozi wachenda, wambura skapato ku marundi wangufuka mutu wake; ndipo ŵanthu wose wo ŵanguŵa nayo pamoza ŵangufuka mitu yawo, ŵaliyanga uku ŵakwera.

2 Samuele 18:17

Ndipo ŵanguto Absalomu, ŵangumupong'a mu chizenji chikuru ku dondo, ndi kuwunjikapo ndundu yikuru ya mya; ndipo ŵaYisraele wose ŵanguthaŵa munthu yose nyumba yake.

2 Samuele 19:13

Muneniyeni Amasa, ‘Kumbi asi ndiwe chiwanga changu ndi nyama yangu? Chiuta wandichitiye ndipo wasazgiyepo so, asani iwe kuti ukaŵanga nduna ya nkhondo yangu cha, kutuwa ku sono, mu malo mwaku Yoabu.’ ”

2 Samuele 19:4

Karonga wangubenekere chisku chake, ndipo wangubongo ndi mazu gha mkankha, “Owe mwana wangu Absalomu, Owe Absalomu mwana wangu, mwana wangu!”

2 Samuele 19:6

Chifukwa mutanja wo ŵatimutinkhani ndi kutinkha wo ŵatimwanjani. Pakuti msana wale mwarongo pakweru kuti zinduna za nkhondo ndi ŵanyamata ŵinu, kuti nkhanthu cha, chifukwa ndasimikizga pa nyengo iyi kuti asani Absalomu wenga wamoyo ifwe tose tingufwa, ndipo imwe mwatinge mukondwenge.

2 Samuele 3:39

Ndipo ine ndatomboroka msana wale nanga nde karonga wakupakika; ŵanthu yaŵa, ŵana ŵaku Zeruya mbanonono kwangu. Ambuya achitiye wakuchita uheni kwakuyana ndi uheni wake.”

Nehemiya 9:27

Chifukwa cho munguŵapereka mu janja la ŵakupindikana ŵawo, ŵeniwo ŵanguŵapaska suzgu; ndipo mu nyengo ya masuzgu ghawo ŵangukuliriyani ndipo munguŵavwa ko kuchanya, ndi malisungu ghinu ghakuru mungaŵapaska ŵapozomoski wo ŵanguŵapozomoska kujanja la ŵakupindikana ŵawo,

Sumu 3:8

Utaski weku Ambuya; chitumbiku chiŵe pa ŵanthu ŵinu!