2 Samuele 19:39 - Tonga Bible 1986

³⁹ Ndipo khamu lose lingwambukiya kusirgha ku Yordane, karonga nayo wangwambuka; karonge wangufyofyontha Barzilai ndi kumutumbika, ndipo wanguwere ku muzi wake.

2 Samuele 19:39 ပူးပေါင်းရင်းမြစ်များ

Chiyambo 14:19

Ndipo wangumutumbika ndiwanguti, “Watumbikike Abramu ndi Chiuta Wapachanya Limu, Mlengi wa Kuchanya ndi pasi;

Chiyambo 28:3

Chiuta wanthazi zose wakutumbike ndipo wakupaske mphapu ndi kukwandaniska, alinga kuti uŵe mpingu wa ŵanthu.

Chiyambo 31:55

Ndi mlenji-lenji Labani wangusoka, ndiwangufyofyontha ŵazuku ŵake ndi ŵana ŵake ŵanthukazi ndi wanguŵatumbika; pavuli wanguruta wanguwere kwake.

Chiyambo 45:15

Ndipo wangufyofyontha ŵana ŵanyake wose ndi wanguliya paku wo; ndipo pavuli pake ŵana ŵanyake wangukamba nayo.

Chiyambo 47:10

Ndipo Yakobe wangutumbika Farao ndipo wangutuwako ku maso ghaku Farao.

Chiyambo 47:7

Viyo Yosefe wanguza ndi Yakobe awiske kwaku Farao, ndipo Yakobe wangutumbika Farao.

2 Samuele 13:25

Kweni karonga wangunena ndi Absalomu, “Awa mwana wangu, kuti tingaruta tose cha, vinu tingakuŵiya mphingu yizitu.” Wangumuchichizga, kweni karonga kuti wanguzomera kuruta cha kweni wangumpaska chitumbiko chake.

2 Samuele 14:33

Penipo Yoabu wanguruta ku karonga, kumunene; ndipo wangudana Absalomu. Viyo wanguza, wangukotama chisku chake pasi pauronga pa karonga; ndipo karonga wangumufyofyontha Absalomu.

2 Samuele 19:38

Ndipo karonga wanguti, “Chimhama wambukenge nane, ndipo ndikamchitiyanga chose cho nchamampha mu maso ghako; ndipo chose cho mungandifumba ndikuchitiyenge.”

2 Samuele 6:18

Penipo Davidi wangumara kupereka mipasku yakocha ndi mipasku ya chimangu wanguŵatumbika ŵanthu mu zina la Ambuya ŵamaŵanja.

2 Samuele 6:20

Davidi wanguwe kwazitumbika ŵamu nyumba yake. Mikala mwana munthukazi waku Sauli wangutuwa ku kumana ndi Davidi, wanguti, “A! Nako nkhukuzgika ko karonga wa ŵaYisraele wajikuzga nako msana wale kujizuwa mweneko pa maso pa ŵasungwana ŵa ŵateŵeti ŵake, nge njumoza wa ŵanthu ŵazereza kujizuwa iyo mweneko kwambura soni!”

1 ŴaKaronga 19:20

Ndipo wangujowo ng'ombe, ndi wanguchimbiriya Eliya, wanguti, “Akani nkhafyofyonthe ada ndi ama, pavuli ndikalondonga iwe.” Ndipo wanguti kwaku iyo, “Were so vuli, pakuti kumbi ndachitanji kwaku iwe?”

Maŵerengedu 24:25

Ndipo Balamu wangusoka wanguwere ku malo ghake, Balaki nayo wanguruta mu nthowa yake.

Luka 2:34

ndipo Simeoni wanguŵatumbika, ndi wanguti kwaku Mariya nyina, “Awona mwenuyu wajarikikiya ku chibwanganduka ndi chiyuka vya ŵanandi mwaku Yisraele; ndi ku chisimikizgu chakususkika;

Machitidu gha Ŵakutumika 20:37

Ndipo kunguŵa chilirizi chikuru chaku wose, ndipo ŵanguwa pa singu laku Paulo, ndi ŵamfyofyonthanga,

1 ŴaTesalonika 5:26

Tauzgani ŵabali wose ndi mfyofyonthu wakupaturika.

Ruti 1:14

Viyo ŵangusoska so mazu ghawo ndi ŵanguliya so; ndipo Oropa wangufyofyontha mpongozi wake, kweni Ruti wangukaniliya kwaku iyo.

1 Samuele 24:22

Ndipo Davidi wangurapa ichi paku Sauli. Sono Sauli wanguwere kumuzi; kweni Davidi ndi ŵanthu ŵake ŵangukwere mu linga.