2 Samuele 19:19 - Tonga Bible 1986

¹⁹ wangunena ndi karonga, “Mbuyangu wareke kundiŵerenge uheni wangu nanga nkhukumbuka mo mteŵeti winu wanguchitiya uheni zuŵa liya po mbuyangu watuliyanga mu Yerusalemu; ndimuŵeyani karonga mureke kuvisunga ku mtima.

2 Samuele 19:19 ပူးပေါင်းရင်းမြစ်များ

2 Samuele 13:20

Mzichi wake Absalomu wangunena nayo, “Kumbi Amunone mzichi wako waŵa nawe? Sono jiko mtima, ndi mzichi wako; reka kuchiŵika pa mtima ichi.” Viyo Tamara wanguja pakuyija mu nyumba ya mzichi wake Absalomu.

2 Samuele 13:33

Pa chifukwa ichi mbuyangu karonga wareke kuŵa ndi mtima wa maghanghano kuti ŵana ŵake wose ŵamara, ndi Amunone pe yo wafwa.”

2 Samuele 19:18

ndipo ŵangwambuka kwachilowoska ŵamunyumba ya karonga, ndi ku mkondwereska. Shimei mwana waku Gera wanguwa paurongo pa karonga, po wambanga kwambuka Yordane,

Sumu 32:2

Wakutumbikika ndi munthu yo Ambuya kuti atimpimiya kubende cha, yo mu mzimu wake mulivi urghargha.

Sumu 79:8

Rekani kusuzga ifwe pa uheni wa auskefwe, kweni tichitiyeni lisungu le, chifukwa tasiskikiya pasi ukongwa.

Wakutaula 10:4

Asani ukari wa wakuwusa wakuyukiya ureke kusiya malo ghako, pakuti kujiŵika pasi kupembuzga mphambanu yikuru.

Yesaya 43:25

“Ine, Ndine Iyo mweniyo wasisita mautimbanizi ghinu chifukwa cha zina langu, ndipo kuti ndikakumbukanga mauheni ghinu cha.

Yeremiya 31:34

Ndipo munthu kuti warunguchizgenge so mwanasi wake nanga ndi mwana munyake cha kuti, ‘Ziŵa Ambuya,’ pakuti wose ŵakandiziŵanga, kutuwa ku mumana mpaka ku mura, atiti Ambuya; pakuti ndikagowokiyanga mautimbanizi ghawo, ndipo uheni wawo kuti ndikawukumbukanga so cha.”

Maŵerengedu 12:11

Sono Aroni wanguti kwaku Mosese, “Owe, mbuyangu, mureke kutilanga chifukwa chakuti tachita ubereŵeza ndi tananga.

Mateyu 27:4

wakuti, “Ndalakwa, ndawakupachiya ndopa zizirakalema.” Kweni iwo ŵatinge, “Nchine, kwaku ifwe? Kweniko wamweni.”

2 ŴaKorinte 5:19

nge nkhuti Chiuta wenga mwaku Kristu wakwanjaniskiya charu kwaku yija, wakuŵapimiya vilakwa vyawo cha, ndi wakutipazgiya ifwe mazu gha chanjanisku cho.

1 Samuele 22:15

Kumbi zuŵa linu ndi nyengo yakwamba yo ndamufumbiya kwaku Chiuta, Awa! Karonga mureke kuŵika kafukwa ke kose pa mteŵeti winu, nanga mphaku wose ŵamu myumba ya ada; chifukwa nda mteŵeti winu kuti ndiziŵapo nanga nkhamoza cha kaku vyose ivi, kakuru pamwenga kamana.”

1 Samuele 25:25

Wareke mbuyangu, kuphwere munthu wa umoyo uheni uyu Nabala; pakuti mo liliri zina lake, ndimu waliri ndi iyo mweneko; Nabala ndi zina lake, ndipo we nako kupusa kukuru; kweni ine ndamteŵeti munthukazi, winu kuti ndi nguŵawona ŵanyamata wo mungutuma cha.

1 Samuele 26:21

Sauli wanguti, “Ndananga; weko, mwana wangu Davidi, pakuti, kuti ndikuchitiyenge so uheni cha, chifukwa zuŵa linu wazirwa umoyo wangu mu maso ghako; awona, ndachita kwakupusa, ndipo ndananga ukongwa.”