2 Samuele 18:19 - Tonga Bible 1986

¹⁹ Penipo Ahimazi mwana waku Zadoki wanguti, “Rekani ndichimbiye, ndipingiyi makani karonga kuti Ambuya amupozomoska ku nthazi ya ŵarwani ŵake.”

2 Samuele 18:19 ပူးပေါင်းရင်းမြစ်များ

2 Samuele 15:27

Karonga wangunena so ndi Zadoki mzukuru, “Awona, were ku muzi mu chimangu, iwe ndi Abiatara, ndi ŵana ŵinu ŵanthurumi ŵaŵi Ahimazi mwana wako ndi Jonafani mwana waku Abiatara.

2 Samuele 15:36

Awona, ŵana ŵawo ŵanthurumi ŵaŵi ŵe nawo kweniko, Ahimaza mwana waku Zadoki ndi Jonafani mwana waku Abiatara; mwaku iwo unditumiyenge chose cho wavwa.”

2 Samuele 17:17

Kweni Jonafani ndi Ahimazi ŵalindanga pa Enerogele; mteŵeti munthukazi ndiyo warutanga kwachiŵanene, sono iwo ŵarutanga kwachikambiya karonga Davidi; pakuti kungukhumbikwa kuti iwo ŵawoneke kusere mu msumba cha.

2 Samuele 18:20

Yoabu wangunena nayo, “Ungapinganga makani msanawale cha, makani upinge zuŵa linyake, msana wale cha, chifukwa mwana wa karonga wafwa.”

2 Samuele 18:23

“Cho chakhumba kuchitika chichitike,” iyo wanguti, “Ndichimbiyenge.” Yoabu wanguti, “Chimbiya.” Penipo Ahimazi wanguchimbiya mu nthowa ya dambo ndipo wangujumpha muKushi.

2 Samuele 18:31

Ndipo awonani, muKushi wanguza; ndipo wanguti, “Makani ngamampha ghambuyangu karonga! Pakuti Ambuya ampozomoskani msana wale ku nthazi yaku wo ŵangumuyukiyani.”

Sumu 10:14

Imwe mwawona; inya, mwapanikizga suzgu ndi chigwinini, mwakuti muvitore mu manja ghinu; wakusauka watijipereka kwaku imwe; imwe mwaŵa movya wa ŵaranda.

Sumu 10:18

mwakuti mweruzgi umampha muranda ndi wakuphwatikiya pasi. Ndikuti munthu wa charu chapasi wareke kuŵa so wakofya.

Sumu 7:6

Sokani, Ambuya, mu ukari winu, mujiyinuskiye pakumikana ndi ukari wa ŵakupindikana nane, yukani, A Chiuta wangu, imwe mwamika cheruzgu.

Sumu 9:16

Ambuya ajiziŵiska ŵeneko, achita cheruzgu; ŵaheni ŵawira mu nchitu za manja ghawo.

Sumu 9:4

Pakuti imwe mungukhozga urunji wa mlando wangu; munguja pa chitengo kupereka cheruzgu chakurunjika.

Yeremiya 51:31

Wakuchimbiya wachimbiya kwachikumana ndi munyake, ndipo nthumi yimoza kwachikumana ndi yinyake, kwachinene karonga wa Babiloni kuti msumba watoreka kosekose;

ŴaRoma 12:19

Mwaŵakwanjiwa, mungajitayiya thayu cha, kweni ndereni malo ku kandundu kaku Chiuta; pakuti kwalembeka, “Thayu ndaku ine; ine ndamwerezgapo, watiti Mbuya.”