2 Samuele 18:18 - Tonga Bible 1986

¹⁸ Absalomu weche wamoyo wangujitore ndi kujimikiya mzati wo we mu Dambo la Karonga, pakuti “Ndilivi mwana munthurumi wakuti wasungi zina langu mwakuti likumbukikenge?” Viyo wanguwudana mzati uwa zina lake; ndipo udanika chikumbusku chaku Absalomu mpaka ku zuŵa lino.

2 Samuele 18:18 ပူးပေါင်းရင်းမြစ်များ

Chiyambo 11:4

Sono ŵanguti, “Tiyeni tijizenge msumba; ndi sonjo pachanya, wafike ku mtambo, ndipo tijichitiye zina, vinu tingamwaranikiya pa charu chose.”

Chiyambo 11:9

Chifukwa cho zina lake lingudanika Babele, chifukwa pa Ambuya angutimbanizga lilime la charu chose; ndipo kutuliya penipa Ambuya anguŵaparghang'a pa charu chose chapasi.

Chiyambo 14:17

Pavuli wati waweko kukuthereska Kedorolomere ndi ŵakaronga wo ŵenga nayo, karonga wa Sodomu wangutuwa kwachikumana nayo pa dambo la Shave (lo ndi dambo la karonga).

2 Samuele 14:27

Absalomu wangupapa ŵana ŵanthurumi ŵatatu, ndi mwana munthukazi yumoza yo zina lake lenga Tamara; wenga munthukazi wakutowa ukongwa.

Sumu 109:13

Mphapu yake yose yakuza kuvuli yifwe, ndipo mu mgonezi wo utuza zina lake liruwike.

Sumu 49:11

Miunda yawo ndiyo mizi yawo muyaya, malo ghawo ghakujamo ku migonezi yose, nanga ŵanguzumbuwa vyaru kuŵa vyaku iwo ŵeneko.

Yesaya 22:16

Uchitanji kuno ndipo njani yo we nayo, pakuti kuno wachongako muunda waku wamweni, iwe wakuchonga muunda munena, ndi kujiseme chakujamo wamwene mu jarawe?

Yeremiya 22:30

Viyo atiti Ambuya: “Umulembe munthu uyu kuti ngwambura mwana, munthu mweniyo kuti wakasakatanga cha mu mazuŵa ghake: pakuti palive wa mphapu yake yo wakajanga pa chitengo chaku Davidi, ndi kuwusa so mwaku Yuda.”

Danyele 4:30

ndipo wanguti, “Asi uyu ndiyo Babiloni mukuru yo ndazenga ndi nthazi zangu zikuru kuŵa msumba wa ufumu, kuwoneskiyamo unkhankhu wa mazaza ghangu?”

Maŵerengedu 32:42

Ndipo Noba wangutuwa wangwachito Kenata ndi mizi yake, ndipo wanguyidana Noba, zina laku iyo mweneko.

1 Samuele 15:12

Samuele wangusoka ndi mlenji-lenji kwachikumana ndi Sauli; wanguziŵiskika kuti, “Sauli wanguza ku Karmele, awonani, wakujimikiya chikumbusku, wakuzunguliya, ndi kurutiliya kusikiya ku Gilgala.”