2 Samuele 17:8 - Tonga Bible 1986

⁸ Pakurutiliyapo Hushai wanguti, “Uziŵa iwe kuti ausu ndi ŵanthu ŵawo mbanthu ŵanthazi ukongwa, ndipo mitima yawo ye muchanya, nge ndi biyere yo wakwamphulika ŵana mu dondo. Pade paku ichi, ausu ndi ngwazi mu nkhondo; ndipo kuti ŵangagona mu usiku pamoza ndi ŵanthu cha.

2 Samuele 17:8 ပူးပေါင်းရင်းမြစ်များ

2 Samuele 15:18

Ŵateŵeti ŵake wose ŵangumujumpha; wose ŵaKareti ndi ŵaPeleti, ndi ŵaGiti wose machumi pe chumi nkhonde ndi limoza (600) wo ŵangumurondo kutuwa ku Gata, ŵangwenda paurongo pa karonga.

2 Samuele 17:9

Awona, chingana ndi sono ŵabisama mu limoza la mazenji pamwenga ku malo ghanyake. Ndipo asani ŵanyake ŵafwa pakurwana kwakudanga, yo yose wangachivwa wakambenge, ‘Kwaŵa kubayana mukati mu ŵanthu wo ŵalondo Absalomu.’

2 Samuele 23:16

Ndipo vinkhara vitatu vingusere mukati mu ugoŵi wa ŵaFilisti, ndi kunegha maji mu chisima chaku Betelehemu cho chenga pa chipata, ŵangughapingiya kwaku Davidi. Kweni kuti wangumwa cha, wangughapunguliya pasi pa Ambuya.

2 Samuele 23:18

Sono Abishai mwana munyake ndi Yoabu, mwana waku Zeruya, wenga fumu paku ŵa machumi ghatatu. Ndipo iyo wangusoska mkondo wake pa ŵanthu machumi pe chumi ghatatu (300) wanguŵabaya, ndipo wanguŵa ndi lumbiri pade pa ŵatatu ŵa.

2 ŴaKaronga 2:24

Wangung'anamuka, ndipo wanguti waŵaona, wanguŵatemba mu zina la Ambuya. Ndipo kungusotopoka ŵabera ŵaŵi ŵanthukazi ku dondo ŵanguparuwa machumi ghaŵi gha ŵahurwa wo.

Nthanthi 17:12

Mphanyi munthu wangawona chinyama cha biyere chenicho chapokeka ŵana ŵake, kwakuruska wakupusa mu kupusa kwake.

Nthanthi 28:15

Uli ndi nkharamu yakukoroma, pamwenga biyere wakurotoka, ndimu walili mweruzgi wa mphulupulu pa ŵanthu ŵakavu.

Ezekiele 19:2

Nadi, anyoko ŵenga nkharamu yinthukazi mukati mu zinkharamu! Yingugona pasi mukati mu zinkharamu za mpupuka, yaleranga ŵana ŵake.

Danyele 7:5

Ndipo ehe, chinyama chinyake chachiŵi, chakukozgana ndi biyere chingutundumuka kulwandi limoza, chenga ndi mbaghara zitatu mu mlomo wake, pakati pa minyu ghake; ndipo wanguchinene kuti, ‘Rotoka ndi urghe nyama yinandi.’

Hoseya 13:8

Ndiŵarotokiyenge nge ndi chipembere yo waphangika ŵana ŵake, ndiparuwenge nganga yawo, ndipo nkhaŵarghanga nge ndi nkharamu, nge ndimo chikoko cha mu dondo chiparuriya.

Ŵeruzgi 18:25

ŴaDani ŵanguti kwaku iyo, ghangavwikanga cha mazu ghako mukati mwidu, vinu wo mbakukaripa ŵangakuyukiya, ndipo ukatayanga umoyo wako ndi maumoyo gha ŵamu nyumba yako.

1 Samuele 16:18

Yumoza wa ŵahurwa wangwamuka wanguti, “Awonani, Ndawona mwana waku Jese waku Betelehemu; yo nchilimbi mu kumba, munthu yo ngwanthazi, ndipo ndi ngwazi ya kurwa, wa vinjeru mu kurongoro, munthu wakuma umampha; ndipo Ambuya ŵe nayo.”

1 Samuele 17:50

Viyo Davidi wangupunda muFilisti ndi chakupong'e ndi mwa ndipo wangumubaya, mwengavi lipanga mu janja lake.

1 Samuele 23:23

Chifukwa ichi wonani, ndipo muziŵiske malo ghose gho wagwenthiyako ndi kubisamamo, mukawere so kunu ndi makani ghauneneska ndipo asani wemu charu cho ndazamupenja mukati mu vikwi vyose vyaku Yuda.”