2 Samuele 17:25 - Tonga Bible 1986

²⁵ Sono Absalomu wanguŵika Amasa kuŵa chirongozgi wa nkhondo mu malo mwaku Yoabu. Amasa wenga mwana wa munthu zina lake Itra muIshimaele, yo wanguto Abigaili mwana munthukazi waku Nahasha, mzichi waku Zeruya anyina aku Yoabu.

2 Samuele 17:25 ပူးပေါင်းရင်းမြစ်များ

2 Samuele 17:26

Yisraele ndi Absalomu ŵangugoŵa mu charu cha Gileada.

2 Samuele 19:13

Muneniyeni Amasa, ‘Kumbi asi ndiwe chiwanga changu ndi nyama yangu? Chiuta wandichitiye ndipo wasazgiyepo so, asani iwe kuti ukaŵanga nduna ya nkhondo yangu cha, kutuwa ku sono, mu malo mwaku Yoabu.’ ”

2 Samuele 19:14

Ndipo wanguguza mitima ya ŵaYuda wose nge ndi munthu yumoza; mwakuti ŵangutuma mazu ku karonga, “Weniko imwe ndi ŵateŵeti ŵinu wose.”

2 Samuele 20:4

Karonga wangunena ndi Amasa, “Unganiska ŵaYuda mu mazuŵa yagha ghatatu ndipo nawe uŵe penipano.”

1 ŴaKaronga 2:28

Penipo makani yagha ghanguza kwaku Yoabu, pakuti Yoabu wanguzomerezgana ndi Adoniya chingana wengavi kuzomerezana ndi Absalomu, Yoabu wanguthaŵiya ku hema la Ambuya ndi wanguko masengwe gha chiguŵa cha sembe.

1 ŴaKaronga 2:32

Ambuya akawezgiyanga nchitu zake za ndopa pa mutu wa mweneko, chifukwa, kwambura kuziŵa ada Davidi, wangukoso ndi wangubaya ndi lipanga ŵanthu ŵaŵi ŵarunji kwakuruska iyo, ndi ŵamampha kwakuruska iyo, Abneri mwana waku Neri mura wa nkhondo yaku Yisraele, ndi Amasa mwana waku Jeteri, mura wa nkhondo yaku Yuda.

1 ŴaKaronga 2:5

“Ndipo so uziŵa chenicho Yoabu mwana waku Zeruya wanguchita kwangu, ndi mo wanguchitiya ndi ŵara ŵaŵi wakulamula maŵanja ghankhondo gha ŵaYisraele, Abnere mwana waku Neri, ndi Amasa mwana waku Jeteri, ŵeniwo ŵangubaya, kutaya theyu mu nyengo ya chimangu ndopa zo zingudika mu nkhondo, ndipo kuŵika ndopa zambura kalema pa lamba lamu chiunu changu, ndi pa viyato vya marundi ghangu.

1 Mikoka 12:19

Ŵanyake ŵa ŵina Manase ŵanguthaŵa kwaku Davidi po wanguza ndi ŵaFilisti kuzachirwa nkhondo ndi Sauli (kweni Davidi wengavi kovya ŵaFilisti chifukwa ŵakaronga ŵawo pakuchita upu ŵangumuwezga, ŵanguti wagurukenge kuruta ku mbuyake Sauli ku urwani wakutayamu mitu yidu).

1 Mikoka 2:13

Jese wangupapa Eliabu wa umwali, Abinadabu wachiŵi, Shimeya wachitatu,