2 Samuele 17:23 - Tonga Bible 1986

²³ Po Ahitofele wanguwona kuti pengavi yumoza yo wangurondo fundu yake, wangukwera pa mbunda yake, ndi kuruta ku nyumba yake ku muzi wake. Ndipo wanguti wanozga umampha vyose vyamu nyumba yake, wangujigwinjiriya; ndipo wangufwa, ndipo wanguŵikika mu muunda wa awiske.

2 Samuele 17:23 ပူးပေါင်းရင်းမြစ်များ

2 Samuele 15:12

Ndipo po Absalomu waperekanga zisembe, wangudana Ahitofele muGilono, wa muupu waku Davidi, kutuwa ku muzi wake ku Gilo. Ndipo chiŵembu chingukuwa ndi nthazi ndipo ŵanthu ŵakurondo Absalomu ŵakuwanga kuwanga mu unandi.

2 Samuele 15:31

Ndipo kunguneneka kwaku Davidi kuti, “Ahitofele njumoza mukati mu ŵachigaruka chaku Absalomu.” Davidi wanguti, “A! Ambuya, ndimurombani, usanduskeni wakupusa upu waku Ahitofele.”

2 Samuele 16:23

Fundu yo Ahitofele wangupereka mu mazuŵa gha yinguŵa uli nge munthu wayifumba kwaku Chiuta; viyo ndimo fundu zose zaku Ahitofele zingurumbikiya kwaku wose ŵaŵi Davidi ndi Absalomu.

2 Samuele 17:22

Viyo Davidi wangusoka, ndi ŵanthu wose wo ŵenga nayo pamoza, ndipo ŵangwambuka Yordane; pa matandakucha pengavi nanga njumoza yo wengavi kwambuka Yordane.

1 ŴaKaronga 16:18

Ndipo penipo Zimri wanguwona kuti msumba watoreka, wangusere mu chipinda cha mukati cha nyumba ya karonga wangocha ndi moto nyumba ya karonga iyo we mukati, ndipo wangufwa,

2 ŴaKaronga 20:1

Mu mazuŵa ghanigha Hezekiya wangutama ndipo wenga pafupi kufwa. Ndipo Yesaya mchimi mwana waku Amozi wanguza kwaku iyo, ndi wangunena nayo, “Viyo atiti Ambuya, ‘Rongoso umampha nyumba yako, pakuti ukafwanga, kuti ukachilanga cha.’ ”

Jobu 31:3

Kumbi kuti soka liwiya ŵakulakwa cha, ndi masuzgu kuti ghawiya ŵakuchita ubendezi cha?

Sumu 109:20

Iyi yiŵe mphoto yakutuliya ku Ambuya pa wakupindikana ŵangu, wo ŵakamba vinthu vyakofya nge ndi ivi paku ine!

Sumu 5:10

Muŵapingizge kunanga kwawo, A Chiuta muŵawiske mu fundu za ŵeneko; chifukwa cha unandi wa mphurupuru zawo muŵataye kubwalo, pakuti ŵamugarukiyani imwe.

Sumu 55:23

Kweni imwe A Chiuta, muŵapong'enge pasi, mu zenje la pharghaniko; ŵanthu ŵakudiska ndopa ndi ŵakupusika kuti ŵafiskenge mazuŵa gha umoyo wawonanga mphakatikati cha. Ine ndigomekezgenge mwaku imwe.

Nthanthi 16:18

Kujikuzga kudanjiya paurongo papharghaniku, ndi mtima wakujikuzga paurongo pa kuwa.

Nthanthi 19:3

Penipo ubeleŵeza wa munthu utole nthowa yake ku phasulu, mtima wake ukalipiya Ambuya.

Yesaya 38:1

Mu mazuŵa ghenigha Hezekiya wangutama ndipo wenga pafupi kufwa. Ndipo Yesaya mchimi mwana waku Amozi wanguza kwaku iyo, wanguti, “Viyo atiti Ambuya: Nozga umampha nyumba yako; pakuti ukafwanga, kuti ukachiranga cha.”

Mateyu 27:5

Ndipo wati wapong'a pasi vyasiliva vyo mu kasopi, wanguruta; ndipo wakutuwako wangujigwinjiriya.