2 Samuele 17:22 - Tonga Bible 1986

²² Viyo Davidi wangusoka, ndi ŵanthu wose wo ŵenga nayo pamoza, ndipo ŵangwambuka Yordane; pa matandakucha pengavi nanga njumoza yo wengavi kwambuka Yordane.

2 Samuele 17:22 ပူးပေါင်းရင်းမြစ်များ

2 Samuele 17:21

Wanguti ŵaruta, ŵanthu ŵa ŵangutuwa mu chisima, ŵanguruta kwachinene karonga Davidi. Wanguti kwaku Davidi, “Sokani, mwanbuke maji ruŵi; pakuti Ahitofele wampangiyani fundu yakumikana namwe.”

2 Samuele 17:23

Po Ahitofele wanguwona kuti pengavi yumoza yo wangurondo fundu yake, wangukwera pa mbunda yake, ndi kuruta ku nyumba yake ku muzi wake. Ndipo wanguti wanozga umampha vyose vyamu nyumba yake, wangujigwinjiriya; ndipo wangufwa, ndipo wanguŵikika mu muunda wa awiske.

2 Samuele 17:24

Davidi wangufika ku Mahanaini; Absalomu wangwambuka Yordane ndikhamu lose la ŵaYisraele.

Sumu 42:6

Mzimu wangu wawa pasi mukati mwangu, pa chifukwa ichi ndikumbuka imwe, kutuliya ku charu cha Yordane ndi cha Hermoni, kutuwa ku phiri la Mizara.

Nthanthi 27:12

Munthu wakuteska wawona urwani ndipo wabisama, kweni wauliuli wakiyakiya ndi wakomwiyapo.

Maŵerengedu 31:49

ŵangunena nayo, “Taŵateŵeti ŵako taŵerenga ŵankhondo wo ŵe pasi pidu, ndipo palivi nanga njumoza yo watisoŵapo.

Mateyu 10:16

“Awonani, ndikutumani imwe nge ndi mberere mukati mu zimphumphi. Viyo muŵe ŵachinjeru nge ndi zinjoka, ndi ŵakuzika nge ndi zinkhunda.

Yohane 18:9

alinga kuti ghafiskike mazu gho wanguti, “Weniwo mwandipaska, kuti ndatayapo yumoza waku wo cha.”