2 Samuele 16:8 - Tonga Bible 1986

⁸ Ambuya awezga nduzga paku iwe, ndopa zose za nyumba yaku Sauli, pa malo ghaku mweniyo iwe wausa; ndipo Ambuya apereka ufumu mu janja la mwana wako Absalomu. Ehe, kupasuka kwe paku iwe; chifukwa we munthu wa ndopa.”

2 Samuele 16:8 ပူးပေါင်းရင်းမြစ်များ

2 Samuele 1:16

Davidi wangunena nayo, “Ndopa zako ziŵi pa mutu wako; pakuti mlomo wako wakuŵiya kaboni wamweni, kuti, ‘Ndabaya wakupakika wa Ambuya.’ ”

2 Samuele 19:19

wangunena ndi karonga, “Mbuyangu wareke kundiŵerenge uheni wangu nanga nkhukumbuka mo mteŵeti winu wanguchitiya uheni zuŵa liya po mbuyangu watuliyanga mu Yerusalemu; ndimuŵeyani karonga mureke kuvisunga ku mtima.

2 Samuele 19:21

Abishai mwana waku Zeruya wangwamuka, “Kumbi kuti wabayikenge cha pa chifukwa ichi Shimei? Chakuti watukanga wakupakika wa Ambuya?”

2 Samuele 21:1

Ndipo kunguwa chilara mu mazuŵa ghaku Davidi kwa virimika vitatu, chirimika kulondo chirimika; ndipo Davidi wangupenja chisku cha Ambuya. Ambuya anguti, “Pe mrandu wa ndopa paku Sauli ndi pa nyumba yake, chifukwa ŵanguŵika ku nyifwa ŵaGibeoni.”

2 Samuele 21:9

ndipo wanguŵapereka mu manja gha ŵaGibeoni, ndipo ŵanguŵapayika pa phiri pa maso pa Ambuya, wose ŵankhonde ndi ŵaŵi ŵangumaliya pamoza. Ŵanguperekeka ku nyifwa mu mazuŵa ghakudanga gha chivuna, pa kwamba kwa chivuna cha barile.

1 ŴaKaronga 2:8

Ndipo pamoza nawe pe so Shimei mwana waku Pera, muBenjamini waku Bahurimu, yo wangunditemba ndi thembu lakuŵaŵa mu zuŵa liya ndinguya ku Mahanaimu, kweni wanguti wasika kuzachikumana nane pa Yordane, ndingumurapiya pa Ambuya, kuti, ‘Kuti ndikakubayanga ndi lipanga cha.’

Sumu 3:2

ŵanandi ŵakamba vya paku ine, mwaku Chiuta mulivi chovyu chake.

Sumu 4:2

Mwa ŵanthu mwe, mpaku zuŵanji ulemu wangu uŵenge wa soni? Mpaka zuŵanji mwanjenge mazu ghawaka, ndikupenja mautesi?

Sumu 55:3

Ndatimbanizgika ndi kuwawata kwa murwani, chifukwa cha kuzingizga kwa ŵaheni; pakuti ndi wo ŵatinditore suzgu, ndipo mu ukari wawo ŵatindizingizga.

Sumu 7:4

asani ndamuwezge uheni mwanasi wangu, pamwenga kuphanga vya murwani wangu kwambura kafukwa,

Nthanthi 26:2

Uli ndi kaŵeruŵeru mu mwenera wake, uli ndi kaŵeruŵeru mukuphuluruka kwake, thembo lo ndambula kafukwa kuti likonda cha.

Chivumbuzi 16:6

Chifukwa ŵanthu ŵangudiska ndopa za ŵakupaturika ndi ŵamchimi, ndipo mwapaska iwo ndopa, kuti ŵamwenge. Mbakwenere kuzimwa!”

Ŵeruzgi 9:24

mwakuti nkhaza zo zinguchitika ku ŵana machumi ghankhonde ndi ghaŵi ŵaku Yerubala zitenere kuza, ndi kuti ndopa zawo zisikiye paku Abimeleke mwana munyawo, yo wanguŵabaya, ndi paŵanthu ŵamu Shekemu wo ŵangukhozga manja ghake kuti wabaye ŵabali ŵake.