2 Samuele 16:4 - Tonga Bible 1986

⁴ Karonga wangunena ndi Ziba, “Awona, vyose vyo vyenga vyaku Mefiboshete sono vyako.” Ndipo Ziba wanguti, “Nde pasi pinu, ndiŵeya mphanyi ndasaniya wezi nyengo yose mu maso ghinu mbuyangu karonga.”

2 Samuele 16:4 ပူးပေါင်းရင်းမြစ်များ

2 Samuele 14:22

Ndipo Yoabu wanguwa pasi kavunama, wangumulambiya, ndi wangutumbika karonga; Yoabu wanguti, “Msana wale mteŵeti winu waziŵa kuti ndasaniya wezi mu maso gha mbuyangu karonga, mwakuti karonga wazomera pempho la mteŵeti wake.”

2 Samuele 14:4

Munthukazi waku Tekoa wanguti waza ku karonga, wanguwa pasi kavunama, wangumulambiya, ndipo wanguti, “Wovyani, Owe karonga.”

2 Samuele 14:8

Penipo karonga wangunena ndi munthukazi yo, “Rutanga ku nyumba yako, Ine nkhalangulanga vya paku iwe.”

2 Samuele 16:3

Ndipo karonga wanguti, “Nanga mwana wambuyako wepani?” Ziba wanguti, “Awonani, wemu Yerusalemu; pakuti wanguti: ‘Msana wale nyumba yaku Yisraele yindiwezgiyenge ufumu wa ada.’ ”

2 Samuele 16:5

Penipo karonga Davidi wanguti wafika ku Behulimi, kungumuziya munthu wamu mbumba ya nyumba yaku Sauli, yo zina lake lenga Shimei, mwana waku Gera; ndipo wachiza wendanga uku watuka.

2 Samuele 19:27

Ndipo wangundipusikiya ndamteŵeti winu kwaku imwe mbuyangu karonga. Kweni mbuyangu karonga we nge ndi mthenga waku Chiuta; viyo chitani cho nchamampha kwaku imwe.

2 Samuele 9:6

Ndipo Mefiboshete mwana waku Jonafani, mwana waku Sauli wanguza kwaku Davidi, ndipo wanguwa pamaso pake kumulambiya. Ndipo Davidi wanguti, “Mefiboshete!” Iyo wangwamuka, “Awonani, ndamteŵeti winu.”

2 Samuele 9:9

Sono karonga wangudana Ziba, munyamata waku Sauli wangunena nayo, “Chose cho chenga chaku Sauli ndi chaku nyumba yake, chose ndapereka ku mwana wa mbuyako.

Chituwa 23:8

Ndipo mungarondanga vinda chifukwa vinda yiburumutizga maso gha ŵeruzgi, ndipo yibendezga mrandu waku wo mbarunji.

Nthanthi 18:13

Asani munthu watamuka wenga wandavwe, nkhupusa kwake ndi soni.

Nthanthi 18:17

Mweniyo wadanga kukonkhoska makani ghake waoneka uli warunjika mpaka penipo munyake watuza ndi wafumbana nayo.

Nthanthi 19:2

Kuti kuyamu cha kuti munthu wajenge wambura chinjeru, ndipo mweniyo wachita fulumila ndi marundi ghake wataya nthowa yake.

Marangu 19:15

“Kaboni yumoza pe kuti wakaruskanga pa mrandu we wose wa munthu cha, pamwenga pa kuchimwa kwe kose wangachita; kweni pa ukaboni wa ŵakaboni ŵaŵi pamwenga wa ŵakaboni ŵatatu, po ndipo mrandu ukazomerezgekanga.