2 Samuele 16:22 - Tonga Bible 1986

²² Sono wangutandika hema pachanya pa bagha laku Absalomu; ndipo Absalomu wangusere mu mbiligha za awiske pa maso gha ŵaYisraele wose.

2 Samuele 16:22 ပူးပေါင်းရင်းမြစ်များ

Chiyambo 35:22

Penipo Yisraele wajanga mu charu chiya Rubene wanguruta ndi wangula ndi Biliha mbiligha ya awiske; ndipo Yisraele wanguvwa ichi. Sono ŵana ŵanthurumi ŵaku Yisraele ŵenga chumi ndi ŵaŵi (12).

2 Samuele 11:2

Ndipo kunguŵa kuti, zuŵa limoza nyengo ya mazulo, Davidi wati wasoka pa chita po wangugona kupumuwa wachenda pa bagha la nyumba wanguwona munthukazi wachisamba; ndipo wenga munthukazi wakutowa ukongwa.

2 Samuele 15:16

Viyo karonga wangudanjiya ndi mbumba yose pavuli pake. Ndipo karonga wangusiya mbiligha chumi zakusunga nyumba.

2 Samuele 20:3

Ndipo Davidi wanguza ku nyumba yake ku Yerusalemu, karonga wanguto mbiligha ziya wangusiya kuti zisungenge nyumba, wanguŵaŵika mu nyumba pasi pa ŵalonda wanguŵapaska kurgha, kweni kuti wangusere kwaku wo cha. Viyo ŵangujaririka mpaka zuŵa la nyifwa yawo, ŵajanga ulaka nge ndi vyoko.

Yesaya 3:9

Ŵakaboni ŵawo ŵatesi ŵachita ukaboni paku wo, ŵamemeza uheni wawo nge ndi Sodomu, kuti ŵatiwubisa cha. Owe kwaku iwo! Pakuti ŵajitole uheni pa ŵeneko.

Yeremiya 3:3

Chifukwa chenichi manthonera ghakanizgika ndipo vuwa ya chifuku palivi; ndipuuli iwe wendi chisku cha ureŵi, ukana kuchita soni.

Yeremiya 8:12

Kumbi ŵanguchita soni penipo wanguchita ukazuzi? Awa, kuti ŵanguchita soni ndi keni kamana cha; ŵengavi kuziŵa kuzimbwa. Chifukwa cho ŵakawanga mukati mu ŵakuwa, penipo ndikaŵalanganga ŵakathereskekanga, atiti Ambuya.

Ezekiele 24:7

Chifukwa ndopa zo wakudiska zeche mukati mwake; wanguzinika pa jarawi, kuti wanguzidira pasi kuti waziwundi ndi fuvu cha.

Maŵerengedu 25:6

Ndipo awonani, yimoza wa ŵaYisraele wanguza ku ŵabali ŵake ndi munthukazi muMidiani, pa maso paku Mosese ndi wumba wose wa ŵaYisraele, penipo ŵaliyanga pa khomo la hema lakuwunganamo.

ŴaFilipi 3:19

Ŵeniwo kamaridu kawo nkhutayika, waku ŵeniwo chiuta ndi rufu lawo, ndi unkhankhu wawo we mu soni yawo, wo ŵaghanaghaniya vyapanupasi.