2 Samuele 16:1 - Tonga Bible 1986

¹ Penipo Davidi wangujumpha pachanya pa phiri kamanavi, Ziba munyamata waku Mefiboshete wangukumana nayo, wenga ndi mbunda ziŵi zakuŵa ndivyakujapo vyake, zingupinga maburunga gha viŵande machumi pe chumi ghaŵi (200), makhoroza gha mphereska za kumira machumi pe chumi (100) vipasi vya chihanya machumi pe chumi (100), ndi thumba la chikopa lakuzaza vinyo.

2 Samuele 16:1 ပူးပေါင်းရင်းမြစ်များ

2 Samuele 15:30

Kweni Davidi wangukwera mu phiri la ma Olive, uku waliya masozi wachenda, wambura skapato ku marundi wangufuka mutu wake; ndipo ŵanthu wose wo ŵanguŵa nayo pamoza ŵangufuka mitu yawo, ŵaliyanga uku ŵakwera.

2 Samuele 15:32

Ndipo Davidi wanguti wafika pachanya pa phiri, po ŵasopiyanga Chiuta, ehe, Hushai mu Arki wanguza ku kumana nayo wakuŵa ndi khanjo laku paruka ndi fuvu pa mutu wake.

2 Samuele 19:17

ndi pamoza nayo ŵanthu chikwi ŵaku Benjamini. Ziba, mteŵeti wa nyumba yaku Sauli, pamoza ndi ŵana ŵake ŵanthurumi, chumi ndi ŵankhonde ndi ŵateŵeti ŵake machumi ghaŵi ruŵi ŵangusikiya ku Yordane paurongo pa karonga,

2 Samuele 19:32

Barzilai wenga wakukota ukongwa wa umoyo wa virimika machumi ghankhonde ndi ghatatu (80); ndipo ndiyo wapaskanga kurgha karonga po wajanga pa Mahanaimi; pakuti wenga munthu msambasi ukongwa.

1 Mikoka 12:40

Ndipo ŵanase ŵawo kutuwa ku Isakara, Zebuluni, ndi Naftali ŵanguza ndi vyakurgha pa mbunda ndi pa ŵagamila ndi pa nyulu ndi pa ng'ombe, ufwa, nkhuyu mphereska, vinyu, mafuta, ng'ombe zinthurumi, ndi mberere zinandi; mwenga likondwa likuru mu Yisraele.

Nthanthi 18:16

Mpasku wamunthu utumulongosole iyo malo ndipo utumutole paurongo pa ŵanthu ŵakuzirwa.

Yeremiya 40:10

Ine ndikajanga pa Mizipa, kumumiyani paurongo pa ŵaKaldiya wo ŵakazanga kwaku ifwe; kweni imwe unjikani vinyo, ndi vipasi vya chipwepwe ndi mafuta, ndipo muvilonge mu viyaŵi vinu, ndipo muje mu misumba yinu yeniyo mwato.”

Yeremiya 40:12

sono ŵaYuda wose ŵanguweko ku malo ghose kweniko ŵangudikiskikiya, ŵanguza ku charu chaku Yuda, kwaku Gedaliya pa Mizipa; ndipo ŵanguwunjika vinyo ndi vipasi vya chipwepwe vyakuzala ukongwa.

Amosi 8:1

Ambuya Chiuta wangundiwoneska viyo; wonani sokora ya vipasi vya chihanya,

Mika 7:1

Owe ine! Pakuti ndaŵa nge ndi vipasi vyo vyavunika ndi chihanya, nge ndi vipasi vyakujaliya vuli pavuna, kulivi mphereska zakurgha, kulivi nkhuyu zakwamba kufya zo ndingakhumba.

1 Samuele 10:3

Mwamurutiyapo mwamufika pa muti wamu Taboro; po mwamukumana ndi ŵanthu ŵatatu wo ŵarata kwaku Chiuta pa Betele, yumoza wapinga twana twa mbuzi tutatu, munyake wapinga maburunga ghatatu gha viŵande, munyake wapinga vinyo mu thumba la chikopa.

1 Samuele 16:20

Sono Jese wanguto mbunda wanguyipingizga viŵande, ndi thumba la vinyo ndi kamwana kambuzi, wangu vitumizga kwaku Sauli pa janja laku Davidi.

1 Samuele 25:18

Penipo Abigaili wangutinthimika, wanguto viŵande machumi pe chumi ghaŵi (200) mathumba gha vinyo ghaŵi, mberere zinkhonde zakubayiya limu, myeso yinkhonde ya trigu wakukazinga, makhoroza machumi pe chumi (100) gha mphereska za kumira, ndi maburunga machumi pe chumi ghaŵi (200) gha nkhuyu, wanguviŵika pa zimbunda.