2 Samuele 15:32 - Tonga Bible 1986

³² Ndipo Davidi wanguti wafika pachanya pa phiri, po ŵasopiyanga Chiuta, ehe, Hushai mu Arki wanguza ku kumana nayo wakuŵa ndi khanjo laku paruka ndi fuvu pa mutu wake.

2 Samuele 15:32 ပူးပေါင်းရင်းမြစ်များ

2 Samuele 1:2

ndipo pa zuŵa la chitatu, wonani, munthu wanguza kutuliya ku ugoŵi waku Sauli, ndi vyakuvwara vyakuparuka ndi fuvu ku mutu wake. Wanguti wafika kwaku Davidi, wanguwa pasi wangumulambiya.

2 Samuele 13:19

Ndipo Tamara wangudira vyoto pa mutu wake, wanguparuwa laya lo wanguvwara; ndi wanguŵika manja ghake pa mutu wangwenda ndi kuliya kukuru wachiruta.

2 Samuele 15:30

Kweni Davidi wangukwera mu phiri la ma Olive, uku waliya masozi wachenda, wambura skapato ku marundi wangufuka mutu wake; ndipo ŵanthu wose wo ŵanguŵa nayo pamoza ŵangufuka mitu yawo, ŵaliyanga uku ŵakwera.

2 Samuele 16:1

Penipo Davidi wangujumpha pachanya pa phiri kamanavi, Ziba munyamata waku Mefiboshete wangukumana nayo, wenga ndi mbunda ziŵi zakuŵa ndivyakujapo vyake, zingupinga maburunga gha viŵande machumi pe chumi ghaŵi (200), makhoroza gha mphereska za kumira machumi pe chumi (100) vipasi vya chihanya machumi pe chumi (100), ndi thumba la chikopa lakuzaza vinyo.

2 Samuele 16:15

Absalomu ndi ŵanthu wose, ŵanthurumi ŵaku Yisraele, ŵanguza ku Yerusalemu, ndi Ahitofele pamoza nayo.

2 Samuele 17:5

Ndipo Absalomu wanguti, “Danani Hushai mu Arki nayo, mwakuti timuvwi mo waghanaghaniya.”

1 ŴaKaronga 11:7

Solomoni wanguzenge Kemoshi ukazuzi waku Moabu malo gha pachanya, ndi Moleki ukazuzi wa ŵina Amoni pa phiri kuvuma kwa Yerusalemu.

1 ŴaKaronga 4:16

Bana mwana waku Hushai, mu Ashere ndi Beloti.

1 Mikoka 27:33

Ahitofele wenga nduna ya Karonga, ndipo Hushai muArki wenga bwezi la Karonga.

Sumu 3:7

Sokani, Ambuya mwe! Nditaskeni mwa Chiuta wangu! Pakuti Imwe mwakoso ŵarwani ŵangu wose pa dakama, mwaphwanya minyu gha ŵaheni.

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Sumu 91:15

Ŵakandidananga, ndikaŵamukanga; ŵachiŵa musuzgu, ndikaŵanga pamoza nawo ndiŵapozomoskenge ndi kuŵatumbika.

Luka 19:29

Ndipo kunguŵa wachiŵandika ku Betefage ndi Betaniya, ku phiri lo lakuzumbulika la Olivete, wangutumapo ŵaŵi ŵa ŵasambizi,

Yoswa 16:2

kutuwa ku Betele mpaka ku Luzi, yijumpha mpaka ku Ataroti, charu cha ŵa Araka;

1 Samuele 4:12

Munthu waku Benjamini wakuthaŵa ku nkhondo, wanguza pa Shilo zuŵa leniliya, wakuŵa ndi vivwalo vyakuparuka ndi fuvu ku mutu wake.