2 Samuele 15:31 - Tonga Bible 1986

³¹ Ndipo kunguneneka kwaku Davidi kuti, “Ahitofele njumoza mukati mu ŵachigaruka chaku Absalomu.” Davidi wanguti, “A! Ambuya, ndimurombani, usanduskeni wakupusa upu waku Ahitofele.”

2 Samuele 15:31 ပူးပေါင်းရင်းမြစ်များ

2 Samuele 15:12

Ndipo po Absalomu waperekanga zisembe, wangudana Ahitofele muGilono, wa muupu waku Davidi, kutuwa ku muzi wake ku Gilo. Ndipo chiŵembu chingukuwa ndi nthazi ndipo ŵanthu ŵakurondo Absalomu ŵakuwanga kuwanga mu unandi.

2 Samuele 16:23

Fundu yo Ahitofele wangupereka mu mazuŵa gha yinguŵa uli nge munthu wayifumba kwaku Chiuta; viyo ndimo fundu zose zaku Ahitofele zingurumbikiya kwaku wose ŵaŵi Davidi ndi Absalomu.

2 Samuele 17:14

Absalomu pamoza ndi ŵanthurumi wose ŵaYisraele, ŵanguti, “Fundu yaku Hushai mu Arki ndiyo yamampha kuruska yaku Ahitofele.” Chifukwa Ambuya angumika kususka fundu yamampha yaku Ahitofele, mwakuti Ambuya asiskiye uheni paku Absalomu.

2 Samuele 17:23

Po Ahitofele wanguwona kuti pengavi yumoza yo wangurondo fundu yake, wangukwera pa mbunda yake, ndi kuruta ku nyumba yake ku muzi wake. Ndipo wanguti wanozga umampha vyose vyamu nyumba yake, wangujigwinjiriya; ndipo wangufwa, ndipo wanguŵikika mu muunda wa awiske.

2 Samuele 17:5

Ndipo Absalomu wanguti, “Danani Hushai mu Arki nayo, mwakuti timuvwi mo waghanaghaniya.”

2 Samuele 17:7

Sono Hushai wangunena ndi Absalomu, “Fundu yo Ahitofele wapereka pa nyengo iyi kuti njamampha cha.”

Jobu 5:12

Wang'anamuskiya panyake fundu za ŵanthu ŵarghargha, mwakuti manja ghawo ghareke kufiska cho ŵakhumba.

Sumu 109:3

Ŵatindikambiya vinthu vyakofya, ŵarwana nane kwambura kafukwa.

Sumu 3:1

Ambuya, mbanandi mbwenu ŵakupindikana nane! Mbanandi ŵakundiyukiya;

Sumu 41:9

Nanga ndi mwanasi wangu wapa mtima mwaku mweniyo ndingugomekezga, yo wangurgha kurgha kwangu, nayu so wandisoske chitende chake.

Sumu 55:10

Msana ndi usiku ŵazunguliyazunguliya pa malinga ghake, ndipo utimbanizi ndi suzgu vye mukati mwake,

Sumu 55:12

Yo watindinyoza kuti ndi murwani cha, asani kwenga viyo mphanyi ndakunthiyapo; kuti ngwakupindikana cha yo watindisunjizga, asani kwenga viyomphanyi ndingubisama kwaku iyo.

Yesaya 19:3

mzimu wa ŵaEgipiti mukati mwawo yikakhutulikanga, ndikatimbanizganga vyo ŵarongoso; ndipo wakafumbiriyanga ku ŵangoza ndi ŵavyanusi, ndi ŵakuukwa ndi zifwiti,

Yesaya 44:25

Yo wasuska vyakuloska vya ŵatesi, ŵakombezi wati ŵasanduska ŵabeleŵeza; mweniyo wawezge vuli ŵanthu ŵazeru, ndipo zeru yawo yisanduka kupusa;

Yohane 13:18

Kuti ndinena imwe mose cha; ine ndiziŵa wo ndatondo: kweni kuti lifiskike lembo lo, ‘Wakurgha chiŵande pamoza nane wasoske paku ine chitende chake.’

1 ŴaKorinte 1:20

We pani wazeru? We pani mlembi? We pani wasuskano wa mgonezi uno? Asi Chiuta wayipusiska zeru ya charu?

Yakobe 3:15

Zeru yeniyo kuti njakusikiya kutuwa kuchanya cha, kweni njapasi, yaviŵaru, ya udemone.