2 Samuele 15:30 - Tonga Bible 1986

³⁰ Kweni Davidi wangukwera mu phiri la ma Olive, uku waliya masozi wachenda, wambura skapato ku marundi wangufuka mutu wake; ndipo ŵanthu wose wo ŵanguŵa nayo pamoza ŵangufuka mitu yawo, ŵaliyanga uku ŵakwera.

2 Samuele 15:30 ပူးပေါင်းရင်းမြစ်များ

2 Samuele 15:29

Viyo Zadoki ndi Abiatara ŵangupinga Bokosi la phanganu laku Chiuta ku were nalo ku Yerusalemu; ndipo ŵangujaririya kwenikuwa.

2 Samuele 19:4

Karonga wangubenekere chisku chake, ndipo wangubongo ndi mazu gha mkankha, “Owe mwana wangu Absalomu, Owe Absalomu mwana wangu, mwana wangu!”

2 Samuele 19:5

Sono Yoabu wangusere mu nyumba ku karonga wanguti, “Mwachitiska soni visku vya ŵanyamata ŵinu msana wale, wo ŵataska umoyo winu, ndi umoyo wa ŵana ŵinu ŵanthurumi ndi ŵana ŵinu ŵanthukazi, umoyo wa ŵawoli ŵinu ndi mbiligha zinu.

Estere 6:12

Ndipo Mordikayi wanguza so ku likomo la karonga. Kweni Hamani wangutinthimika kuruta ku nyumba yake wakuliya ndi wakuvunikiriya mutu wake.

Sumu 42:3

Masozi ghangu ghandiŵiya kurgha msana ndi usiku, penipo ŵanthu ŵakamba nane kwambura kurekezga, “Wepani Chiuta wako?”

Sumu 43:5

Wa wiyanji pasi, wa mzimu wangu, utamanthiyanji mukati mwangu? Gomezga mwaku Chiuta; chifukwa ndikamurumbanga so, movya wangu ndi Chiuta wangu.

Ezekiele 24:17

Fwifwinthiya, kweni kwakuvwika cha; kuchita kutenjere wakufwa cha. Manga chilemba chako, vwara viyato vyako; ungajaranga milomo yako cha, nanga nkhurgha chiŵande cha ŵakutenje.”

Ezekiele 24:23

Vilemba vikaŵanga ku mitu yinu, viyato ku marundi ghinu; kuti mukatenjenga nanga nkhuliya cha, kweni mukawondanga mu kwananga kwinu ndi kutamantha yumoza ku munyake.

Zekariya 14:4

Mu zuŵa lo marundi ghake ghamenge pa Phiri la Maolivi, lo le panthazi pa Yerusalemu ku atuli gha dazi, ndipo Phiri la Maolivi ligaŵikenge paŵi, kutuwa ku vuma mpaka ku zambwe ndi dambo lisani ukongwa; viyo chigaŵa cha phiri chinderenge ku nkhonde, ndi chinyake ku mwera.

Mateyu 5:4

“Mbakutumbikika ŵakutenje, pakuti iwo ŵasanguruskikenge.

Luka 19:29

Ndipo kunguŵa wachiŵandika ku Betefage ndi Betaniya, ku phiri lo lakuzumbulika la Olivete, wangutumapo ŵaŵi ŵa ŵasambizi,

Luka 19:37

Ndipo wachiŵandika iyo sono, ku sikiru la phiri la Olivete, ungwamba mzinda wose wa ŵasambizi kukondwere kuthamika Chiuta ndi liyowozi likuru pa chifwa chaku vyose vyanthazi vyo ŵanguwona;

Luka 19:41

Ndipo pakuŵandika, wati wawona msumba wo, wanguliriya pake,

Luka 21:37

Ndipo mu mazuŵa gho waŵanga mu kasopi wakusambizga; ndipo usiku ndi usiku watuliyanga ndi kutandara mu phiri lakutamulika Olivete.

Luka 22:39

Ndipo wangutuwako, wanguruta, mwa karusu, ku phiri la Olivete; ndipo ŵasambizi nawo ŵangumrondo.

Machitidu gha Ŵakutumika 1:12

Sono ŵanguwere ku Yerusalemu kutuwa ku phiri lo lizumbulika Olivete, lo le kufupi ku Yerusalemu, rwendo lapa sabata.

ŴaRoma 12:15

Kondwani pamoza ndi ŵakukondwa; tenjeni pamoza ndi ŵakutenje.

1 ŴaKorinte 12:26

Ndipo asani chiŵaru chimoza chikomwa, viŵaru vyose vikomwe pamoza nacho; asani chimoza chirumbika, viŵaru vyose vikondwere pamoza nacho.