2 Samuele 14:27 - Tonga Bible 1986

²⁷ Absalomu wangupapa ŵana ŵanthurumi ŵatatu, ndi mwana munthukazi yumoza yo zina lake lenga Tamara; wenga munthukazi wakutowa ukongwa.

2 Samuele 14:27 ပူးပေါင်းရင်းမြစ်များ

2 Samuele 11:2

Ndipo kunguŵa kuti, zuŵa limoza nyengo ya mazulo, Davidi wati wasoka pa chita po wangugona kupumuwa wachenda pa bagha la nyumba wanguwona munthukazi wachisamba; ndipo wenga munthukazi wakutowa ukongwa.

2 Samuele 13:1

Ndipo Absalomu, mwana munthurumi waku Davidi, wenga ndi mzichi wake wakutowa yo zina lake lenga Tamara, ndipo nyengo yinguti yarutapo Amunone, mwana munthurumi waku Davidi, wangumwanja.

2 Samuele 18:18

Absalomu weche wamoyo wangujitore ndi kujimikiya mzati wo we mu Dambo la Karonga, pakuti “Ndilivi mwana munthurumi wakuti wasungi zina langu mwakuti likumbukikenge?” Viyo wanguwudana mzati uwa zina lake; ndipo udanika chikumbusku chaku Absalomu mpaka ku zuŵa lino.

Yesaya 14:22

“Ine ndikaŵayukiyanga,” atiti Ambuya ŵa maŵanja, “ndipo ndikadumuwangako ku Babiloni zina ndi ŵakujapo, ŵakupapika kwaku wo, ndi mphapu yakuvuli, atiti Ambuya.

Yeremiya 22:30

Viyo atiti Ambuya: “Umulembe munthu uyu kuti ngwambura mwana, munthu mweniyo kuti wakasakatanga cha mu mazuŵa ghake: pakuti palive wa mphapu yake yo wakajanga pa chitengo chaku Davidi, ndi kuwusa so mwaku Yuda.”