2 Samuele 14:19 - Tonga Bible 1986

¹⁹ Karonga wanguti, “Kumbi janja laku Yoabu le nawe paku chose ichi?” Munthukazi wangwamuka wanguti, “Ndarapa umoyo winu, mbuyangu karonga, pa ku chose cho karonga wakamba, palivi yumoza wakuti wang'anamukiye ku janja la marghe pamwenga ku lamaze. Ndi mteŵeti winu Yoabu yo wangundipempha; ndiyo wanguŵika mazu ghose yagha mu mlomo wa mteŵeti munthukazi.

2 Samuele 14:19 ပူးပေါင်းရင်းမြစ်များ

2 Samuele 11:11

Uriya wanguti, “Bokosi la Ambuya ndi Yisraele ndi Yuda ŵaja mu misasa; ndipo mbuyangu Yoabu ndi ŵateŵeti ŵa mbuyangu wagona pa bwalo mu dondo; sono ine ndingaruta ku nyumba yangu, kwa chirgha ndi kumwa, ndi kugona ndi muwoli wangu? Po muliri ŵamoyo imwe, ndimo uliri wamoyo mzimu winu, kuti ndichitenge chinthu ichi cha.”

2 Samuele 14:18

Penipo karonga wangwamuka munthukazi yo, “Ungandibisanga kanthu cha nanga nkhamoza ko ndikufumbenge.” Munthukazi wanguti, “Kambani mbuyangu karonga.”

2 Samuele 14:3

ndipo uruti ku karonga, ukakambe nayo makani yagha.” Sono Yoabu wanguŵika mazu mu mlomo wake.

2 Samuele 18:13

Panyake, asani ndinguchita uheni pa umoyo wake (ndipo palivi kakubisika ku karonga), nanga ndimwe mwatinge mukandikaniyenge.”

2 Samuele 3:27

Po Abnere wanguti wawere ku Hebroni, Yoabu wangumtore ku mphepete mukati mwa likomo kurongoro nayo, pa ubende, penipa wangumugwaza pa moyo, ndipo wangufwa, pa chifukwa cha ndopa zaku Asahele mbali wake.

2 Samuele 3:29

Zidike pa mutu waku Yoabu, ndi nyumba yose ya awiske; ndi kuti nyumba yaku Yoabu yireke kusoŵeka nanga njumoza cha wakuŵa ndi nthenda yakusuruwa ndopa, pamwenga wakuŵa ndi makhate, pamwenga wakwende ndodo, pamwenga wakubayika ndi lipanga, pamwenga wakusoŵa chiŵande.”

2 Samuele 3:34

Manja ghako ghengavi kumangika, marundi ghako ghengavi kuŵikika mu unyoro; nge ndimo yumoza wawiya paurongo pa ŵaheni ndimu waŵiya iwe.” Ndipo linguwerezgapo ku muliriya khamu lo.

2 ŴaKaronga 2:2

Ndipo Eliya wanguti kwaku Elisha, “Uje pano nditukupempha, pakuti Ambuya ŵandituma kwachifika ku Betele.” Kweni Elisha wanguti, “Mo ajariya amoyo Ambuya, po iwe uchalipo wamoyo, kuti ndikakujowonga cha.” Viyo ŵanguruta ku Betele.

Chituwa 4:15

Iwe ukambenge nayo ndipo ukaŵikanga mazu gho mu mlomo wake; ndipo ine ndikaŵanga ndi mlomo wako ndi mlomo wake, ndipo ndikakusambizganinga chenicho mwamuchita.

Nthanthi 25:2

Mbunkhankhu waku Chiuta kubisa vinthu, kweni unkhankhu wa ŵakaronga nkhupenja kubowozga vinthu.

Nthanthi 4:27

Ungapatukiyanga ku marghe pamwenga ku maze; tuzgako rundi lako ku uheni.

Maŵerengedu 20:17

Viyo tizomerezgeni kuporota mu charu chinu, kuti tikaporotanga mu viŵera cha nanga ndi mu minda ya mphereska, pamwenga kuti tikamwanga maji mu visima vinu naku cha; tikendanga mu mseu wa Karonga pe, ifwe kuti tikapatukiyanga ku marghe pamwenga ku maze cha, mpaka po tajumpha mu charu chinu.”

Luka 21:15

chifukwa ine ndimpaskeninge mlomo ndi zeru, yeniyo zose mphindikwa zinu kuti ziziŵenge cha kwamukako chingana nkhumikirana namwe.

Marangu 28:14

asani kuti murandiya ku janja la marghe pamwenga ku maze cha, kusiya vyo ndikutauliyani zuŵa ili, ndi kurondo ŵachiuta ŵanyake ndi kuŵateŵete.

Marangu 5:32

Viyo muŵe ŵakuphwere kuchita nge ndimo Ambuya Chiuta winu wakulanguliyani, mungang'anamukiyanga ku marghe pamwenga ku maze cha.

Yoswa 1:7

Ukhome ŵaka ndipo uchinthi ukongwa; kuŵa wakuphwere kuchita kwakuyana ndi langulu lose lo mteŵeti wangu Mosese wangukulanguliya, ungalisiyanga kurata ku janja la marghe pamwenga la maze mwakuti uŵi ndi kusakata kwamampha ko kose ukayanga.

1 Samuele 1:26

Hana wanguti, “Ambuyangu! Po muliri wamoyo Ndine munthukazi mweniyo wanguma pano pa maso pinu, kuromba ku Ambuya.

1 Samuele 17:55

Po Sauli wanguwona Davidi waruta kwachimikana ndi muFilisti, wangufumba Abnere, nduna ya nkhondo, “Abnere, ndi mwana wakuyani mhurwa uyu?” Abnere wanguti, “Ndarapa umoyo winu, A! Karonga, nditumuziŵa cha.”

1 Samuele 20:3

Davidi wangwamuka wanguti, “Ausu ŵaziŵa umamphavi kuti, wareke Jonafani kuchiziŵa ichi, vinu wangaŵa ndi chitima! Kweni kwakuneneska, ndarapa Ambuya amoyo! Ndarapa umoyo wako, paja nthangara yimoza pe, pakati paku ine ndi nyifwa.”

1 Samuele 25:26

Iko sono, mbuyangu, Ambuya amoyo, ndipo mo muliri amoyo pakuwona kuti Ambuya amukanizgani ku mlando wa ndopa, ndi kukuwezge nduzga mwaŵeni ndi janja linu, sono mphanyi wose ŵarwani ŵinu ndi wose wo ŵapenja kuchitiya uheni mbuyangu ŵaŵe nge ndi Nabala.