2 Samuele 14:11 - Tonga Bible 1986

¹¹ Munthukazi wanguti, “Ndimuŵeyani karonga, muŵeyere Ambuya Chiuta winu, mwakuti wakuwezge nduzga pa ndopa wareke kubaya so ŵanyake, ndipo mwana wangu wareke kubayika.” Karonga wanguti, “Ndarapa Ambuya amoyo, kuti liwengepo pasi cha nanga ndi sisi limoza lapa mutu wa mwana wako.”

2 Samuele 14:11 ပူးပေါင်းရင်းမြစ်များ

Chiyambo 14:22

Kweni Abramu wanguti ku karonga wa Sodomu, “Ndarapa ku Ambuya Chiuta Wapachanya Limu, Mlengi wa kuchanya ndi pasi,

Chiyambo 31:50

Asani wamusuzga ŵana ŵangu, pamwenga wamutoliyapo ŵanthukazi ŵanyake pa ŵana ŵangu, chingana palivi munthu pamoza nafwe, kumbuka, Chiuta ndi kaboni pakati pako ndi ine.”

2 Samuele 14:10

Karonga wanguti, “Asani munthu we yose warongoro nawe kanthu ke kose, mutore kunu kwangu, ndipo kuti wakukwaskenge so cha.”

2 Samuele 14:12

Sono munthukazi wanguti, “Ndimpemphani, ndamteŵeti munthukazi winu ndikambe namwe mazu ghamoza mbuyangu karonga.” Iyo wanguti “Kamba.”

2 Samuele 14:21

Sono karonga wangunena ndi Yoabu, “Awona, ndizomerezga ichi; ruta, kamuwezge munyamata Absalomu.”

1 ŴaKaronga 1:52

“Asani wakajirongonga kuti ndi munthu wakwenere, kuti sisi lake nanga ndi moza likawanga pasi cha; kweni asani utimbanizi wasanirika mŵaku iyo, wakafwanga.”

Yeremiya 4:2

ndipo asani mukarapanga, ‘Mo ŵajaliya Ambuya ŵamoyo,’ mu uneneska, mu urunji, ndi mu kunyoroka, sono ndipo mitundu yikatumbikikiyanga mwaku imwe, ndipo mwaku imwe yikatumbwiyanga.”

Maŵerengedu 35:19

Wakuwezge nduzga ndopa iyo yija ndiyo wakabayanga wakubaya yo; asani wakumana nayo, wamubaye.

Maŵerengedu 35:21

pamwenga kumupuma ndi janja mukutinkha, kuti wafwa, iku yo wamupuma wabayike, ndi mubaya, wakuwezge nduzga ndopa, ndiyo wabaye wakubaya yo, asani wakumana nayo.

Maŵerengedu 35:27

ndipo asani muwezgenduzga ndopa wamusaniya ku bwalo ku mphaka ya muzi wake wakutaskikiyamo, ndipo watumubaya; kuti wakaŵanga ndi mrandu cha.

Mateyu 10:30

Kweni masisi nagho gha mutu winu ghaŵerengeka ghose.

Machitidu gha Ŵakutumika 27:34

Chifukwa chenichi ndikuŵeyereni kutoku chaukurgha: pakuti chenichi chituŵiya ku utaski winu; chifukwa kuti lisosokenge cha sisi laku mutu wa yumoza waku imwe.”

1 Samuele 14:45

Viyo ŵanthu wangunena ndi Sauli, “Kumbi wakafwanga nadi Jonafani, yo wachita nchitu yikuru iyi ya upundi mu Yisraele? Wangafwa cha! Mo aliri Ambuya amoyo kuti liwengepo pasi cha nanga ndi sisi limoza lakumutu wake; chifukwa wachitiya pamoza ndi Chiuta msana wale.” Viyo ŵanthu ŵanguwombo Jonafani, kuti wangufwa cha.

1 Samuele 20:42

Viyo Jonafani wanguti kwaku Davidi, “Rutanga mu chimangu, ifwe tose taŵi tarapiyana mzina la Ambuya kuti, ‘Ambuya akaŵanga pakati paku ine ndi iwe, pakati pa mbeu yangu ndi mbeu yako muyaya.’ ” Pavuli Davidi wangusoka, wanguruta, ndipo Jonafani wanguwere ku muzi.

1 Samuele 28:10

Ndipo Sauli wangumurapiya pa Ambuya, “Ambuya amoyo, palivi chilango cho chingakuziya pa chinthu ichi.”