2 Samuele 13:28 - Tonga Bible 1986

²⁸ Penipo Absalomu wangulanguliya ŵanyamata ŵake, wanguti, “Muje maso po mwamuwone kuti mtima waku Amunone wakondwa ndi vinyo, ndi chikamba namwe kuti, ‘Kosoni Amunone,’ imwe mukamubaye. Kopa cha; ndamulanguliyani, khwimani muŵe vinkhara.”

2 Samuele 13:28 ပူးပေါင်းရင်းမြစ်များ

Chiyambo 9:21

ndipo wangumwa vinyo, ndi wanguloŵe, ndipo wangula nkhuli mu hema.

2 Samuele 11:13

Ndipo Davidi wangumudana ndipo wangurgha ndi kumwa pa maso pake, viyo kuti wangumuroŵereska; ndi mazulo wangutuwa kwachigona pa chita chake pamoza ndi ŵateŵeti ŵa mbuyake, ndipo kuti wangusikiya ku nyumba yake cha.

2 Samuele 11:15

Mu kalata mwenga makani ghakuti, “Uŵike Uriya pa nthazi ipo po nkhondo njirwani, imwe muwere kuvuli mumusiye, mwakuti walasike, wafwe.”

2 Samuele 12:10

Sono pa chifukwa ichi lipanga kuti lituwengepo cha pa nyumba yako, chifukwa wayeya ine, ndipo watomuwoli waku Uriya muHiti kuŵa muwoli wako.’

2 Samuele 13:27

Absalomu wangumchichizga mpaka wanguzomerezga Amunone pamoza ndi ŵana ŵanthurumi wose ŵa karonga kuruta nayo.

2 Samuele 14:6

Ndipo mteŵeti munthukazi winu wenga ndi ŵana ŵanthurumi ŵaŵi, ndipo ŵangwambana yumoza ndi munyake ku dondo; pengavi yumoza wakuŵataska viyo yumoza wangupuma munyake ndi kumbaya.

1 ŴaKaronga 20:16

Ndipo wangutuwa ndi msana pakati, panyengo yo Benehadadi wamwanga ndi kuloŵe mu misasa, iyo pamoza ndi mafumu machumi ghatatu ndi ŵaŵi (32) wo ŵamovyanga.

Estere 1:10

Pa zuŵa la chinkhonde ndi chiŵi, po mtima wa karonga wati wasangaruka ndi vinyo wangunene Mehumani, Bista, Harbona, Bigitani, Abagita, Zetara ndi Karkasi, nduna zinkhonde ndi ziŵi zo zatakatakiyanga karonga Ahaswerusi,

Sumu 104:15

Wapanga vinyo kuti wakondweskenge mtima wake, mafuta kuŵaliska chisku chake, ndi kurgha kwakumupaska nthazi.

Chituwa 1:18

Viyo karonga wa Egipiti wangudana ŵazamba wo, ndi wanguti kwaku wo, “Chifukwa chine mwachita ichi, ndipo mwazomerezga ŵana ŵanthurumi kuŵa ŵamoyo?”

Wakutaula 10:19

Chiŵande chibikikiya vidala, vinyo wakondweska umoyo, ndipo ndrama zitovya mu vinthu vyose.

Wakutaula 9:7

Rutanga, karghenge kurgha kwako ndi likondwa, ndi kumwa vinyo wako mu chimwemwe cha mtima; pakuti Chiuta wakuzomerezga kale nchitu zako.

Danyele 5:30

Mu usiku weniuwa Beleshazara karonga wa ŵaKaldiya wangubayika,

Nahumu 1:10

Nge ndi minga yakuhoma ŵanyekenge, nge nchivwati chakumira.

Luka 21:34

“Kweni jichenjeriyeni, vinu yingavimbirwa mitima yinu ndi mgutu, ndi vinyo mukari ndi maphuruputiro gha chijariyu chino, ndi zuŵa liya lingamuwiyani kwamabuchibuchi;

Machitidu gha Ŵakutumika 5:29

Kweni Petro ndi ŵakutumika ŵangwamuka, ndipo ŵanguti, “Kutenere kuvwiya Chiuta kwakuruska munthu.

Yoswa 1:9

Asi ndakulanguliya? Uŵi wanthazi, khwima; ungopanga cha, nanga nkhufipa mtima; pakuti Ambuya Chiuta wako we pamoza nawe ko ukayanga.”

Ŵeruzgi 19:22

Ndipo po wapumuwanga ndi kufwasa mtima, ehe, ŵanthu ŵankhaza ŵamu msumba wo ŵanguzinga nyumba yo ŵakugong'oska pa khomo, ŵanguti ku mweneko wa nyumba, “Mutuzge munthu yo waza mu nyumba yako, kuti timuziŵe.”

Ŵeruzgi 19:6

Viyo ŵanthu yaŵa ŵaŵi ŵanguja pasi ŵangurgha ndi kumwa pamoza; ndipo wiske wa munthukazi wanguti ku munthu yo, “Zomera ugone pano usiku uno, ndipo mtima wako ukondwe.”

Ŵeruzgi 19:9

Ndipo penipo munthu yo ndi mbiligha yake ndi mteŵeti wake ŵangusoka kuti ŵarutenge, musibweni wake, wanguti kwaku iyo, “Ehe, zuŵa la pendama kale mdima wafika, ndipempha ugone usiku uno. Awona, lumwi lisere, ugone pano ndipo mtima wako ukondwe; sono la mawa ukayukanga ndi mlenjilenji pa ulendo wako ndipo urutenge kwako.”

Ruti 3:7

Ndipo penipo Boazi wangurgha ndi wangumwa, ndi mtima wake ungusangaruka, wanguruta kwa chila pa umari wa ndundu ya barile. Sono Ruti wanguza kwakunyanyata ndi wanguvunuwa marundi ghake ndi wangula pasi.

1 Samuele 18:22

Ndipo Sauli wangulanguliya ŵateŵeti ŵake, “Murongoro nayo pa ubende Davidi, kuti, ‘Awona, karonga wakondwa nawe, ŵateŵeti ŵake wose ŵatukwanja; sono mphanyi wa ŵamkosano wa karonga.’ ”

1 Samuele 28:10

Ndipo Sauli wangumurapiya pa Ambuya, “Ambuya amoyo, palivi chilango cho chingakuziya pa chinthu ichi.”

1 Samuele 28:13

Karonga wangunena nayo, “Ungopanga cha; kumbi uwonanji?” Munthukazi wanguti, “Ndiwona chiuta wakwera kutuliya ku charu chapasi.”