2 Samuele 12:20 - Tonga Bible 1986

²⁰ Penipo Davidi wanguyuka pasi po wangugona, wangusamba, wangujipaka mafuta, ndipo wangusintha vivwalo vyake; ndipo wanguruta mu nyumba ya Ambuya, wangusopa; pavuli wanguwere ku nyumba yake, ndipo wanguti wafumba kurgha ŵangumujarikiya, wangurgha.

2 Samuele 12:20 ပူးပေါင်းရင်းမြစ်များ

2 Samuele 12:19

Kweni po Davidi wanguwona kuti ŵateŵeti ŵake ŵatokotezgana pamoza, Davidi wanguziŵa kuti mwana wafwa ndipo wanguti ku ŵateŵeti ŵake, “Kumbi mwana wafwa?” Iwo ŵanguti, “Wafwa.”

2 Samuele 12:21

Ŵateŵeti ŵake ŵangunena nayo, “Nchine chinthu ichi mwachita? Mungufunga kurgha munguliriya mwana po wenga weche ndi umoyo; sono po wafwa, muyuka muturgha.”

2 Samuele 14:2

Sono Yoabu wangutuma ku Tekoa; kwachitoko munthukazi wa zeru, ndi kunena nayo, “Ujiŵikemo nge ngwakutenje, uvware maraya gha malilo; ungajipakanga mafuta cha, kweni ujiwoneske nge ndi munthukazi yo watenjere wakufwa kwa mazuŵa ghanande;

2 Samuele 19:24

Sono Mefiboshete mwana waku Sauli wangusika kuzachikumana ndi karonga; wengavi kuvwara skapato, nanga nkhumeta mwembe wake nanga nkhusuka vivwaro vyake kutuliya pa zuŵa lo karonga wangurutiya mpaka pa zuŵa lo wanguwere mu chimangu.

2 Samuele 6:17

Ndipo ŵanguserezga Bokosi la Ambuya mukati, ndi kuliŵika pa malo ghake, mu hema lo Davidi wangulizenga; Davidi wangupereka mipasku ya kocha ndi mipasku ya chimangu paurongo pa Ambuya.

2 Samuele 7:18

Sono karonga Davidi wangusere mukati ndi kuja pa maso pa Ambuya, wanguti, “Ndine yani ine, A, Ambuya Chiuta, ndipo nyumba yangu nkhanthu uli, kuti mwandifikiska ine pano?

Jobu 1:20

Penipo Jobu wangusoka ndi wanguparuwa munjirira wake ndi wangumeta sisi la mutu wake, ndi kuwa pasi ndi kuromba,

Jobu 2:10

Kweni iyo wanguti kwaku iyo, “Ukamba kwakulingana nge yumoza wa ŵanthukazi ŵakupusa wangakambiya. Kumbi tikarondiyanga umampha kutuwa ku janja laku Chiuta, kumbi kuti tikarondiyanga uheni cha?” Mwaku chose ichi Jobu kuti wangunanga cha mukurongoro kwake.

Sumu 103:1

Rumbanga Ambuya, wa mzimu wangu, ndipo chose cha mukati mwangu, chirumbe zina lawo lakupaturika!

Sumu 103:8

Mba chitima ndi ŵawezi Ambuya, mba chizita mu kukaripa, kweni mbakuzala ndi chanju chakufikapo.

Sumu 39:9

Nde mbuwu, kuti ndibanuwa mlomo wangu cha; chifukwa imwe ndimwe mukuchichita.

Sumu 95:6

Zaninga, tikotame ndi kumusopa iyo; tiyeni tigwade paurongo pa Ambuya, Mlengi widu!

Nthanthi 3:7

Ungajisanduskanga wazeru mu maso ghaku wamweni; wopanga Ambuya, ndipo utuweko ku uheni.

Wakutaula 9:8

Mazuŵa ghose vivwalo vyako viŵenge vituŵa; mutu wako ureke kukavuka mafuta.

Mateyu 6:17

Kweni uchifunga iwe, tukutizga mutu wako, sambiska chisku chako,

Luka 7:46

Mutu wangu kuti ungupaka ndi mafuta cha: kweni iyo watukutizga ndi muro marundi ghangu.

Ruti 3:3

Usambe ndi ujipake mafuta ndipo uvwali vivwalo vyako vyamampha ndi uruti ku mbuli; kweni kwachijiziŵiska kwaku yo cha; mpaka penipo wamara kurgha ndi kumwa.

1 Samuele 15:25

Viyo sono, ndi murombani, gowokiyani kulakwa kwangu, ndipo muŵe pamoza nane, mwakuti ndikasope Ambuya.”

1 Samuele 15:31

Viyo Samuele ndi Sauli ŵanguwere vuli; ndipo Sauli wangusopa Ambuya.