2 Samuele 12:16 - Tonga Bible 1986

¹⁶ Viyo Davidi wanguŵeyere Chiuta chifukwa cha mwana; wangufunga kurgha, wangusere ndipo wangugona pasi pa waka usiku wose.

2 Samuele 12:16 ပူးပေါင်းရင်းမြစ်များ

2 Samuele 12:15

Pavuli paku ichi Natani wanguwere ku nyumba yake. Ndipo Ambuya angulanga mwana yo muwoli waku Uriya wangupapiya Davidi, wangutama.

2 Samuele 12:22

Iyo wanguti, “Mwana weche wamoyo ndingufunga kurgha ndinguliya, chifukwa ndinguti, ‘Njani waziŵa panyake Ambuya andichitiyenge lisungu, kuti mwana waŵenge wamoyo?’

2 Samuele 13:31

Penipo karonga wangusoka, wanguparuwa maraya ghake, wangugona pa dongo; ndipo ŵateŵeti ŵake wose wo ŵanguma, pafupi nayo ŵanguparuwa maraya ghawo.

1 ŴaKaronga 21:27

Ndipo penipo Ahabu wanguvwa mazu gho, wanguparuwa vyakuvwara vyake, wanguvwara chigudulu ndi wangufunga, ndi wangugona mu chigudulu, ndipo wangwendayenda ndi chitima.

Nehemiya 1:4

Ndinguti ndavwa mazu yagha ndinguja ndi ndinguliya, ndipo ndingutenje mazuŵa ghanandi; ndipo ndingulutiriya kufunga ndi kuromba paurongo paku Chiuta wa kuchanya.

Estere 4:16

“Ruta ukawunganiske ŵaYuda wose wo ŵemu msumba wa Susa, mufunge kurgha ndi kumwa mazuŵa ghatatu, usiku ndi msana. Ine ndi ŵateŵeti ŵangu ŵanthukazi nafwe tikafunganga kwakulingana ŵaka. Sono pavuli ndamsere ku karonga nanga ichi nchakupambana ndi dangu; ndipo asani nkhufwa, ndifwenge ŵaka.”

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Sumu 69:10

Pondingujiyuyuwa ndi kufunga, chingunditore kusunjizgika ku ŵanthu.

Yesaya 22:12

Mu zuŵa liya Ambuya Chiuta wa maŵanja wangulangula kuliya ndi kutenje, kumeta maphara ndi kuvwara vigudulu;

Yesaya 26:16

Ambuya mwe, mu suzgu ŵangukupenjani, ŵangupereka rombu, penipo likhwechu linu lenga paku iwo.

Danyele 6:18

Viyo karonga wanguruta ku nyumba yake, wangukana kurgha usiku wose ndipo chingana vyakumbiya vyengavi kutoreke kwaku iyo, ndi tulo nato twengavi kuzamo mu maso ghake.

Danyele 9:3

Viyo ndingurazga chisku changu kwa Ambuya Chiuta, kumufumba mu kuromba, ndi mu kuŵeyere, kufunga kurgha, ndi kuvwara chigudulu ndi kujidiriya choto.

Yona 3:9

Ndiyani waziŵa, pamwenga Chiuta wangagowoka, ndi wangareka, ndi kuweko ku ukari wake wakofya, mwakuti tireke kuyowa?”

Machitidu gha Ŵakutumika 9:9

Kweni ŵangumrongozga ndi wambura kulereska mazuŵa ghatatu, ndipo kuti wangurghachingana nkhumwa cha.

Yoswa 7:6

Sono Yoswa wanguparuwa vyakuvwara vyake, ndipo wanguwa pasi kavunama paurongo pa bokosi la Ambuya mpaka mazulo iyo pamoza ndi ŵaraŵara ŵa ŵaYisraele; ndipo ŵangujidiya fuvu ku mitu yawo.