2 Samuele 11:2 - Tonga Bible 1986

² Ndipo kunguŵa kuti, zuŵa limoza nyengo ya mazulo, Davidi wati wasoka pa chita po wangugona kupumuwa wachenda pa bagha la nyumba wanguwona munthukazi wachisamba; ndipo wenga munthukazi wakutowa ukongwa.

2 Samuele 11:2 ပူးပေါင်းရင်းမြစ်များ

Chiyambo 12:11

Penipo wanguŵandika kusere mu Egipiti, wanguti kwaku Sarai muwoli wake, “Ndiziŵa kuti we munthukazi wakutowa pakukuwona;

Chiyambo 3:6

Viyo penipo munthukazi wanguwona kuti muti wo wenga wamampha kurgha, ndi so kuti wenga wamanyanda mu maso, ndi kuti muti wenga wakukhumbikwa kupaska zeru, wanguto chipasi ndi wangurgha; ndipo wangupaskako so murumi wake, ndipo wangurgha.

Chiyambo 34:2

ndipo penipo Shekemu mwana waku Hamoro muHivi, nduna ya charu cho, yingumuwona, yingumuko ndi kula nayo, yingumuyuyuwa.

Chiyambo 39:6

Viyo wangusiya vyose vyo wenga navyo mu mtufu waku Yosefe, ndipo wachiŵa ndi iyo wachitanga so kanthu nanga nkhamoza cha kweni kurgha pe kweniko warghanga. Sono Yosefe wenga wakutowa ndi wakunozga pakumulereska.

Chiyambo 6:2

ŵana ŵanthurumi ŵaku Chiuta ŵanguwona ŵana ŵanthukazi ŵa ŵanthu kuti ŵenga ŵakutowa ndipo ŵangujitole ŵawoli ŵeniwo ŵangusankha.

2 Samuele 13:1

Ndipo Absalomu, mwana munthurumi waku Davidi, wenga ndi mzichi wake wakutowa yo zina lake lenga Tamara, ndipo nyengo yinguti yarutapo Amunone, mwana munthurumi waku Davidi, wangumwanja.

2 Samuele 14:27

Absalomu wangupapa ŵana ŵanthurumi ŵatatu, ndi mwana munthukazi yumoza yo zina lake lenga Tamara; wenga munthukazi wakutowa ukongwa.

2 Samuele 4:5

Sono ŵana ŵaku Rimoni mwina Beroto, Rekaba ndi Bana, ŵanguruta, ndipo akhumba ndi msana pakati ŵangufika ku nyumba yaku Ishiboshete, po iyo wangugona kupumuwa ndi msana.

2 Samuele 4:7

Ŵanguti ŵasere mu nyumba, iyo wagona pachita chake mu chipinda chakugona, ŵangumupuma, ndi ŵangumubaya, ndipo ŵangumudumuwa mutu, ŵanguti ŵato mutu wake, ŵangwenda usiku wose nthowa yaku Araba.

Jobu 31:1

“Ndachita phanganu ndi maso ghangu, ndingalereska uli nanga pa mwali?

Sumu 119:37

Wezgani maso ghangu ku kulereska vyo vyambura chanduwu; ndipaskeni umoyo mu nthowa zinu.

Nthanthi 19:15

Ukata utaya mutulo tuzitu, ndipo munthu mulesi wakakomwanga ndi nja.

Nthanthi 31:30

Mayera ghanyenga, ndipo kutowa nako nchawaka, kweni munthukazi wakopa Ambuya warumbikenge.

Nthanthi 6:25

Unganwekanga kutowa kwake mu mtima wako, ndipo wangakusompho ndi nkhope zake cha;

Nthanthi 7:8

wadumuwa mu museu pafupi ndi chisongo chake, wachito museu waku nyumba yake

Yeremiya 19:13

Nyumba za Yerusalemu ndi nyumba za ŵakaronga ŵaku Yuda, nyumba zose zenizo pa mitenje yake vyachema vikochekiyapo ku liŵanja lose la kuchanya, ndi mipasku yakumwa yikudikiyapo ku ŵachiuta ŵanyake, zikakazuzgikanga, nge ndi malo gha Tofeti.’ ”

Mateyu 10:27

Cho ndikuneniyani mu mdima, kambani pakweru, ndipo cho mutuvwa mu makutu kwakutokotezga memezani pa mabagha.

Mateyu 24:17

wapa nyumba pachanya wangasika cha kwachito vyamu nyumba yake;

Mateyu 5:28

Kweni ine ndikuneniyani, kuti yose wakulereska munthukazi kumkhumbira, wareŵa nayo kali mu mtima wake.

Machitidu gha Ŵakutumika 10:9

Kweni ndi mlenji, ŵachiruta ŵeniŵa mu nthowa ndi kuŵandika ku msumba wo, Petro wangukwere pa nyumba pachanya kwachiromba, akhumba pa ora lachinkhonde ndi chomoza.

Marangu 22:8

“Muchizenga nyumba yifya, muyichitiyenge chiguŵa cha pa mutenje winu, alinga kuti mureke kutole kalema ka ndopa pa nyumba yinu, asani weyose wangawa kutuwa paku yo.

Marangu 5:21

“ ‘Ungaŵiniwa muwoli wamunyako, ungaŵiniwa nyumba ya munyako, munda wake, chingana ngwanchitu wake munthurumi, chingana ngwachitu wake munthukazi, ng'ombe yake, chingana ndi mbunda yake, chingana nkhanthu kose kamunyako.’

1 Petro 4:7

Kweni umari waku vyose waŵandika: viyo muŵe ŵavinjeru, ndipo ziziyani ku marombu.

1 Yohane 2:16

Pakuti chose chamu charu nchilakalaka cha nyama, ndi chilakalaka cha maso, ndi chitumbwa cho cha umoyo, kuti nchakutuliya ku Dada cha, kweni nchaku charu cho.

1 Samuele 9:25

Ndipo ŵanguti ŵasikiya mu msumba kutuwa ku malo gha pachanya chita chingunozgeke Sauli pachanya pa bagha, ndipo ŵangugona.