2 Samuele 11:11 - Tonga Bible 1986

¹¹ Uriya wanguti, “Bokosi la Ambuya ndi Yisraele ndi Yuda ŵaja mu misasa; ndipo mbuyangu Yoabu ndi ŵateŵeti ŵa mbuyangu wagona pa bwalo mu dondo; sono ine ndingaruta ku nyumba yangu, kwa chirgha ndi kumwa, ndi kugona ndi muwoli wangu? Po muliri ŵamoyo imwe, ndimo uliri wamoyo mzimu winu, kuti ndichitenge chinthu ichi cha.”

2 Samuele 11:11 ပူးပေါင်းရင်းမြစ်များ

2 Samuele 11:10

Wanguti ŵamukambiya Davidi, “Uriya kuti wangusikiya ku nyumba yake cha.” Davidi wangunena ndi Uriya, “Asi watuliya ku lwendo? Chifukwa nchine ulivi kusikiya ku nyumba yako?”

2 Samuele 14:19

Karonga wanguti, “Kumbi janja laku Yoabu le nawe paku chose ichi?” Munthukazi wangwamuka wanguti, “Ndarapa umoyo winu, mbuyangu karonga, pa ku chose cho karonga wakamba, palivi yumoza wakuti wang'anamukiye ku janja la marghe pamwenga ku lamaze. Ndi mteŵeti winu Yoabu yo wangundipempha; ndiyo wanguŵika mazu ghose yagha mu mlomo wa mteŵeti munthukazi.

2 Samuele 20:6

Davidi wangunena ndi Abishai, “Sono Sheba mwana waku Bikri ŵakatichitiyanga uheni kwakuruska Absalomu; uto ŵateŵeti ŵa mbuyako, mulondo, vinu wangajitore mizi ya malinga ghakukho ndikutiserezga mu masuzgu.”

2 Samuele 7:2

karonga wangunena ndi Natani mchimi, “Awona sono ine ndija mu nyumba ya miti ya milanji kweni Bokosi la Ambuya lija mu hema.”

2 Samuele 7:6

Kuti ndaja mu nyumba cha kutuliya pa zuŵa lo ndingukwezge ŵaYisraele kutuwa mu Egipiti mpaka zuŵa linu, kweni ndaŵa wakwendendeka mu hema nge nchakujamo changu.

Maŵerengedu 32:6

Kweni Mosese wangunena ndi ŵaGadi ndi ŵina Rubene, “Kumbi ŵabali ŵinu ŵarutenge ku nkhondo po imwe mwaja panu?

Yohane 13:14

Viyo asani ine, Ambuya ndi Msambizgi, ndasambiska marundi ghinu, namwe mutenere kusambiskana marundi.

2 Timote 2:12

asani tikunthiyapo, tiusiyenge pamoza nayo: asani timkanenge, iyo nayo wamkana ifwe:

1 Samuele 1:26

Hana wanguti, “Ambuyangu! Po muliri wamoyo Ndine munthukazi mweniyo wanguma pano pa maso pinu, kuromba ku Ambuya.

1 Samuele 14:18

Sauli wanguti kwaku Ahija, “Nditore kunu bokosi laku Chiuta.” Chifukwa pa nyengo yiya bokosi laku Chiuta lendanga ndi ŵaYisraele.

1 Samuele 17:55

Po Sauli wanguwona Davidi waruta kwachimikana ndi muFilisti, wangufumba Abnere, nduna ya nkhondo, “Abnere, ndi mwana wakuyani mhurwa uyu?” Abnere wanguti, “Ndarapa umoyo winu, A! Karonga, nditumuziŵa cha.”

1 Samuele 20:3

Davidi wangwamuka wanguti, “Ausu ŵaziŵa umamphavi kuti, wareke Jonafani kuchiziŵa ichi, vinu wangaŵa ndi chitima! Kweni kwakuneneska, ndarapa Ambuya amoyo! Ndarapa umoyo wako, paja nthangara yimoza pe, pakati paku ine ndi nyifwa.”

1 Samuele 25:26

Iko sono, mbuyangu, Ambuya amoyo, ndipo mo muliri amoyo pakuwona kuti Ambuya amukanizgani ku mlando wa ndopa, ndi kukuwezge nduzga mwaŵeni ndi janja linu, sono mphanyi wose ŵarwani ŵinu ndi wose wo ŵapenja kuchitiya uheni mbuyangu ŵaŵe nge ndi Nabala.

1 Samuele 4:4

Viyo ŵanthu ŵangutumike ku Shilo, ndipo ŵanguza nalo bokosi la phanganu la Ambuya ŵa maŵanja, ŵeniwo akujarikika pa makerubi; ŵana ŵaŵi ŵaku Eli, Hofini ndi Finehasi, ŵenga kwenikuwa ndi bokosi la phanganu laku Chiuta.