2 Samuele 11:1 - Tonga Bible 1986

¹ Mu chirimika pa maliwondwe nyengo yo ŵakaronga ŵatuliyanga ku nkhondo, Davidi wangutuma Yoabu, ndi ŵanyamata ŵake pamoza nayo, ndi Yisraele yose; ndipo ŵanguphwanya ŵaAmoni, ŵanguko Raba. Kweni Davidi wangujaririya mu Yerusalemu.

2 Samuele 11:1 ပူးပေါင်းရင်းမြစ်များ

2 Samuele 10:14

ŴaAmoni ŵanguti ŵawona kuti ŵaSiriya ŵathaŵa, nawo so ŵanguthaŵa pa maso paku Abishai, ŵangusere mu muzi. Sono Yoabu wanguwe ku kurwana ndi ŵaAmoni, wanguza ku Yerusalemu.

1 ŴaKaronga 20:22

Ndipo mchimi wangundere kufupi ndi karonga wa ŵaYisraele, wangunena nayo, “Zanga jikhomeske, ndipo ughanaghane umampha cho ukachitanga; pakuti mu nyengo ya maliwondwe karonga waku Siriya waka kweriyanga paku iwo.”

1 ŴaKaronga 20:26

Mu nyengo ya maliwondwe Benehadadi wanguwungang'a ŵa Siriya, ndi kukwere ku Afeke, kwachirwana ndi ŵaYisraele.

1 Mikoka 20:1

Mu maliwondwe ku umari wa chirimika, pa nyengo yeniyo ŵakaronga ŵarutiya ku nkhondo, Yoabu wangurongozga nkhondo ndi wanguparghang'a charu cha ŵaAmoni, ndipo ŵanguza ndi kugoŵe Raba. Kweni Davidi wanguja ku Yerusalemu, Yoabu wangukoso Raba ndi wanguŵathereska.

2 Mikoka 36:10

Mu nyengo ya chifuku Nebukadanezara wangutuma ŵanthu kuza nayo ku Babiloni pamoza ndi viyaŵi vya nyumba yaku Chiuta, wangumika Zedekiya mbali wake kuŵa karonga mu Yuda ndi mu Yerusalemu.

Sumu 60:9

Njani yo wakanditoliyanga mu muzi wa malinga ghakukho? Njani wandirongozgenge ku Edomu?

Wakutaula 3:8

nyengo yakwanja, ndi nyengo yakutinkha; nyengo ya nkhondo, ndi nyengo ya chimangu.

Yeremiya 49:2

Chifukwa cho, ehe, mazuŵa ghakazanga, atiti Ambuya, ndikachiskanga mumemezu wankhondo kuti uvwike kwachirwana ndi Raba wa Amoni; ukaŵanga chimbumira cha mapopa, ndipo mizi yake yikawochekanga ndi moto; sono Yisraele wakapokanga wo ŵangupoka iyo, atiti Ambuya.

Yeremiya 49:3

“Tenje, Heshiboni, we, pakuti Ai wachitika mapopa! Liyani, mwa ŵana ŵanthukazi ŵaku Raba! Jivwarikeni vigudulu, tenjeni, ndi chimbiyani uku ndi uku vivwati vya mphaka! Pakuti Milkomo wakayanga mu umkoli ŵazukuru ŵake ndi mafumu ghake.

Ezekiele 21:20

lemba nthowa chifukwa cha lipanga lakutuwa ku Raba wa ŵaAmoni ndi ku Yuda ku Yerusalemu walinga.

Amosi 1:14

Viyo ndipembenge moto mu linga la Raba ndi ukawochanga malinga ghake, ndikamphomezi mu zuŵa la nkhondo; ndi chimphupuru mu zuŵa la kanthenga;

Zekariya 14:3

Ndipo Ambuya atuwenge kurwana ndi mitundu yo nge ndi pa ŵaturwa mu zuŵa la nkhondo.

Marangu 3:11

(Wangujako wamoyo Ogi pe, karonga waku Bashani, mu ŵaRefa. Chita chake chenga chavisulo, che mu Raba msumba ŵina Amoni. Utali wake wenga mikono yinkhonde ndi yinayi, usani wake mikono yinayi, nge nchipimo cha mkono wa munthu.)

1 Samuele 18:30

Ndipo mafumu gha ŵaFilisti ghazanga ku nkhondo, ndipo pose po ŵanguziya, Davidi wanguchita umampha kuruska ŵateŵeti wose ŵaku Sauli; mwakuti zina lake linguvwika ukongwa.