2 Samuele 10:18 - Tonga Bible 1986

¹⁸ ŴaSiriya ŵanguthaŵa pa maso pa ŵaYisraele; ndipo Davidi wangubaya ŵaSiriya ŵapa magareta machumi pe chumi ghankhonde ndi ghaŵi (700), ŵapa kavalo vikwi machumi ghanayi (40,000) wangumlasa Shobaka nduna yankhondo yawo, mwakuti wangufwiya penipa.

2 Samuele 10:18 ပူးပေါင်းရင်းမြစ်များ

2 Samuele 10:17

Ichi chinguti chavwika kwaku Davidi, wanguwunganiska pamoza ŵaYisraele wose, ŵangwambuka Yordane, ŵanguza ku Helama. Ndipo ŵaSiriya ŵangujijarika kumikana ndi Davidi, ndipo ŵangurwa nayo.

2 Samuele 8:4

Ndipo Davidi wangukwamphuwa ŵanthu ŵa pakavalo, chikwi ndi machumi pe chumi ghankhonde ndi ghaŵi (1,700) ndi ŵankhondo ŵakwenda pasi vikwi machumi ghaŵi (20,000); ndipo Davidi wangufyo ŵakavalo wose ŵamagareta, kweni wangusiyapo ŵakwenere pa magareta machumu pe chumi (100).

1 ŴaKaronga 11:24

Ndipo wanguwunjika ŵanthurumi ŵapamoza nayo, ndipo wanguŵa murongozgi wa umba wachivwamba, ndipo ŵanguruta ku Damasko ŵanguja kwenikuwa ndipo ŵangumuvwarika ukaronga mu Damasko.

1 Mikoka 19:18

Ndipo ŵaSiriya ŵanguthaŵa pa maso pa ŵaYisraele; Davidi wangubaya ŵaSiriya ŵapa magareta vikwi vinkhonde ndi viŵi (7,000) ŵasilikali ŵakwenda pasi vikwi machumi ghanayi (40,000) ndiso wangubaya Shofaki wakulamula nkhondo yawo.

Sumu 18:38

Ndinguŵarasa porotu, mwakuti kuti ŵanguyuka so cha; ŵanguwa mu marundi ghangu.

Sumu 46:11

Ambuya ŵa maŵanja we pamoza nafwe; Chiuta waku Yakobe nchakudingang'amo chidu.

Sumu 68:2

Mo usi uputiya ndi mphepo, ndimo muŵambininiskiye; mo phura lisungonoke paurongo pa moto, viyo ndimo ŵasoŵe ŵaheni pa maso ghaku Chiuta.

Ŵeruzgi 4:2

Ndipo Ambuya anguŵaguliska mu janja laku Yabini karonga wa ŵaKanani, yo wawusanga mu Hazoro; wakurongozga liŵanja lake la nkhondo, wenga Sisera, mweniyo wajanga mu Harosheti-hagoimi.

Ŵeruzgi 4:22

Ndipo ehe, po Baraki wandondoloskanga Sisera, Jaelu wangutuwa kwachikumana nayo, wanguti kwaku iyo, “Zanga ndikurongo munthu yo upenja.” Viyo wanguruta ndi kusere kwaku iyo mu hema lake; ndipo muwa mungula Sisera wakufwa ndi chichiri cha hema mu gutu lake.

Ŵeruzgi 5:26

Ndi janja lake la maze wanguto chichiri cha hema janja lake la marghe linguto nyundo ya ŵanchitu; wangukoso Sisera kamoza pe mbwenu wanguswa mutu wake, wanguphwanya ndi kutolo gut lake.