2 Samuele 10:16 - Tonga Bible 1986

¹⁶ Ndipo Hada­dezere wangutuma, kwachito ŵaSiriya wo ŵenga kusirgha ku Efrate; ŵanguza ku Helama, pamoza ndi Shobaka nduna ya nkhondo yaku Hadadezere paurongo pawo.

2 Samuele 10:16 ပူးပေါင်းရင်းမြစ်များ

2 Samuele 10:15

Kweni ŵaSiriya ŵanguti ŵawona kuti ŵathereskeka ndi ŵaYisraele, ŵanguwungana pamoza.

2 Samuele 10:17

Ichi chinguti chavwika kwaku Davidi, wanguwunganiska pamoza ŵaYisraele wose, ŵangwambuka Yordane, ŵanguza ku Helama. Ndipo ŵaSiriya ŵangujijarika kumikana ndi Davidi, ndipo ŵangurwa nayo.

1 ŴaKaronga 11:23

Chiuta wanguyuska so Rezoni mwana waku Eliada, nge ngwakupindikana kwaku iyo, yo wanguthaŵa ku mbuyake Hadadezeri karonga waku Zeba.

1 Mikoka 18:3

Davidi wangupunda so Hadadezere karonga waku Zoba, kurupi ndi Hamati wachiruta kwachiŵika chikumbusku chake pa msinji wa Efrate.

1 Mikoka 18:5

Ndipo penipo ŵaSiriya ŵaku Damasko ŵanguza kuzachiwovya Hadadezere karonga waku Zoba, Davidi wangubaya ŵaSiriya vikwi machumi ghaŵi pachanya viŵi (22,000).

1 Mikoka 19:16

ŴaSiriya ŵanguti ŵawona kuti ŵapundika ndi ŵaYisraele wangutuma mathenga kwachito ŵaSiriya wo ŵenga kusirgha kwa msinji wa Efrate, ndi Shofaki wakulamula nkhondo yapa Hadadezere ndiyo so wenga murongozgi wawo.