2 Samuele 10:12 - Tonga Bible 1986

¹² Khwima mtima, tiŵe ŵanthurumi pa khamu lidu, ndi pa msumba yaku Chiuta widu; Ambuya atichitiye cho nchakuŵakondweska.”

2 Samuele 10:12 ပူးပေါင်းရင်းမြစ်များ

2 Samuele 10:11

Ndipo wanguti, “Asani ŵaSiriya ŵaŵa ŵanthazi kwangu, ipo iwe ukandovyanga; kweni asani ŵaAmoni ŵaŵa ŵanthazi kwako, ine ndizenge kukovya.

2 Samuele 15:26

kweni asani atiti, ‘Ndilivi likondwa mwaku iwe’, awona, ine nde pano wachite nane chose cho chingamuŵiya chamampha.”

1 Mikoka 19:13

Khwima mtima, timiliye ŵanthu ŵakwidu ndi misumba yaku Chiuta widu, ndipo Ambuya achite cho nchamampha kwaku iwo.”

2 Mikoka 32:7

“Khomani ndi kukhwima mtima, mungopanga pamwenga kutenthema chifukwa cha karonga wa Asiriya ndi chiliŵanja chose cho wenacho; chifukwa kwe yumoza pamoza nafwe yo ngwanthazi kuruska yo wendi iyo.

Nehemiya 4:14

Ndipo ndingulereska, ndi ndingusoka ndi ndingunene ŵaraŵara, ndi zinduna, ndi ŵanthu wose, “Mungawopanga cha. Kumbukani Ambuya, wo mbara ndi ŵakofya, ndipo imwe murwiye ŵabali ŵinu, ŵana ŵinu ŵanthurumi ndi ŵanthukazi, ŵawoli ŵinu ndi mizi yinu.”

Nehemiya 4:8

ndipo iwo wose ŵanguzomerezgana kuzachichita nkhondo ndi Yerusalemu ndi kuti ŵatimbanizge mitima ya ŵanthu ŵa mwenimo.

Estere 4:16

“Ruta ukawunganiske ŵaYuda wose wo ŵemu msumba wa Susa, mufunge kurgha ndi kumwa mazuŵa ghatatu, usiku ndi msana. Ine ndi ŵateŵeti ŵangu ŵanthukazi nafwe tikafunganga kwakulingana ŵaka. Sono pavuli ndamsere ku karonga nanga ichi nchakupambana ndi dangu; ndipo asani nkhufwa, ndifwenge ŵaka.”

Jobu 1:21

Wanguti, “Ndinguza wankhuli kutuwa mu nthumbo ya ama ndipo wankhuli nkhawenga, Ambuya angundipaska, ndipo Ambuya alonda, litumbikike zina la Ambuya.”

Maŵerengedu 13:20

muwone minda manyi nja nyata yamampha pamwenga nchipalamba, kumbi miti yiriko pamwenga kulivi. Muŵe ŵakukhwima mtima, mukaweko ndi vipasi vya charu cho”. Iyi yenga nyengo yakwambiya kufya vipasi.

1 ŴaKorinte 16:13

Khazgani, ngangamikani mu chivwanu chinu muŵe ulaka mbanthurumi.

Marangu 31:6

Muŵe ngwa ndi ŵachiganga cheneko, mungawopanga cha pamwenga kuŵa ŵakofyerwa chifukwa chawo, pakuti Ambuya Chiuta winu waruta namwe pamoza. Kuti wakatondekanga cha, chingana nkhumurekani mwija.”

Marangu 31:7

Sono Mosese wangudana Yoswa ndi wanguti kwaku iyo, “Uŵe gwa ndi wachiganga cheneko paurongo pa ŵaYisraele wose, pakuti ukarutanga ndi yaŵa ŵanthu kwachisere mu charu cho Ambuya akurapiya ku auskemwe kuŵapaska, ndipo iwe wakuŵaŵikamo kuti chiŵe chawo.

ŴaHebere 11:33

Weniwo mu chivwanu ŵangugoda maufumu, ŵanguchita urunji, ŵangufikapo pa mapanganu, ŵangujara milomo ya zinkharamu,

ŴaHebere 13:6

Viyo ifwe taŵakuchintha mtima tititi, “Mbuya ndi Movya kwaku ine; kuti ndopenge cha: munthu wandichitiyenge chine?”

Yoswa 1:18

Yo yose wakagarukiyanga dangu lako ndi kureka kuvwiya mazu ghako, mwaku chose cho wamulanguliya, wabayike. Uŵi ŵaka wanthazi ndi wakukhwima.”

Yoswa 1:9

Asi ndakulanguliya? Uŵi wanthazi, khwima; ungopanga cha, nanga nkhufipa mtima; pakuti Ambuya Chiuta wako we pamoza nawe ko ukayanga.”

Ŵeruzgi 10:15

Ndipo ŵaYisraele ŵanguti ku Ambuya, “Talakwa; tichitiyeni chose cho nchamampha kwaku imwe; kweni titukuŵeyani tipozomoskeni, msana wale.”

1 Samuele 14:12

Ndipo ŵanthu ŵamu linga pa kwamuka Jonafani ndi munyamata wakupinga vidya, ŵanguti, “Kweriyani kuno, ndipo timurongoninga kanthu.” Jonafani wangunene wakupinga vidya, “Zanga kuvuli kwangu; pakuti Ambuya aŵapereka mu janja la ŵaYisraele.”

1 Samuele 14:6

Ndipo Jonafani wangukamba ndi munyamata wakupinga vidya vyake, “Tiye tambukiye ku linga la ŵanthu ŵambura kuchinjika yaŵa panyake Ambuya atichitiyenge nchitu; chifukwa palivi ko kangakanizga Ambuya kureka kutaska, manyi mpha unandi pamwenga pa umana.”

1 Samuele 17:32

Davidi wanguti kwaku Sauli, “Mtima wa munthu ureke kugongowa chifukwa chaku iyo; ndamuŵanda winu ndirutenge kwachirwana ndi muFilisti yuwa.”

1 Samuele 3:18

Viyo Samuele wangumukambiya vyose ndipo kuti wangubisa kanthu cha. Ndipo Eli wanguti, “Ndi Ambuya; iko achite cho chingaŵa chamampha kwaku iwo.”

1 Samuele 4:9

Khwimani; ndipo mujikhozge nge mbanthurumi, mwa ŵaFilisti, vinu mungaŵa ŵaŵanda ku ŵaHebere nge ndimo iwo ŵanguŵiya kwaku imwe; jikhozgeni mwaŵeni nge mbanthurumi, ndipo rwani.”