2 Samuele 1:20 - Tonga Bible 1986

²⁰ Mungataulanga ichi mu Gata cha, rekani kuchimemeza mu miseu ya Ashikeloni; vinu ŵangakondwere ŵana ŵanthukazi ŵa ŵaFilisti vinu ŵana ŵanthukazi ŵa mbura kuchinjika ŵangalankhanga.

2 Samuele 1:20 ပူးပေါင်းရင်းမြစ်များ

Ezekiele 16:27

Awona, chifukwa cho, ndatambasuliya janga langu paku iwe, ndi kuchepeska phande la vyakurgha vyako, ndi kukupereka ku ususi wa ŵarwani ŵako, ŵana ŵanthukazi ŵa ŵaFilisti, wo ŵanguchita soni ndi umoyo wako wa ukazuzi.

Ezekiele 16:57

wenga undavumbulike uheni wako? Sono waŵa ulaka ndiyo, chinthu chakunyozeka ku ŵana ŵanthukazi ŵa Edomu ndi ku ŵakuzengezgana ŵawo wose, ndi ku ŵana ŵanthukazi ŵa ŵaFilisti, ŵakukuzingirizga ŵatikuyeya.

Mika 1:10

Mungachikambanga mu Gata, mungariyanga nanga nkhamanavi; mu Betele-Afra mujikunkhuzge mu fuvu.

Ŵeruzgi 11:34

Pavuli Jefta wanguwere ku muzi wake pa Mizipa, ndipo ehe, mwana wake munthukazi wangutuwa kuzachikumana nayo ndi ŵabangwi ndi kuvina; uyu wenga mwana wake yumoza pe; pake paku iyo wengavi mwana munthurumi pamwenga munthukazi.

Ŵeruzgi 14:19

Ndipo Mzimu wa Ambuya unguza ndi nthazi paku iyo, wanguruta ku Ashikeloni ndi wangubaya ŵanthu machumi ghatatu (30) ŵa msumba wo, wanguto miskowu yawo ndi wangupaska maraya ghapa, dghera kwaku wo ŵangukamba mtharika yiya. Mu ukari wakukole wanguwere ku nyumba ya awiske.

1 Samuele 14:6

Ndipo Jonafani wangukamba ndi munyamata wakupinga vidya vyake, “Tiye tambukiye ku linga la ŵanthu ŵambura kuchinjika yaŵa panyake Ambuya atichitiyenge nchitu; chifukwa palivi ko kangakanizga Ambuya kureka kutaska, manyi mpha unandi pamwenga pa umana.”

1 Samuele 17:26

Sono Davidi wangurongoro ndi ŵanthu wo ŵenga pafupi nayo, “Kukamuŵiyanganji munthu yo wangabaya muFilisti uyu, ndi kutuzgapo chitozeru pa Yisraele? Pakuti ndiyani nayo muFilisti wambura kuchinjika uyu, kuti wanyozenge maŵanja ghaku Chiuta wamoyo?”

1 Samuele 17:36

Ndamteŵeti winu ndabayapo zinkharamu ndi ŵachipembere ndipo muFilisti uyu wambura kuchinjika wakaŵanga nge njimoza yaku zo, pakuti wanoza maŵanja ghaku Chiuta wamoyo.”

1 Samuele 18:6

Davidi wachiwe kukubaya mu Filisti, wachiza ku muzi ŵanthukazi ŵangutuwa mu misumba yose ya ŵaYisraele, ŵambanga ndi kuvina, kwachikumana ndi karonga Sauli, ndi zing'oma ndi sumu za chimwemwe, ndi virumbu vya kumbiya sumu.

1 Samuele 31:4

Sono Sauli wangunena ndi wakupinga vidya vyake, “Wewepuwa lipanga lako, undigwaze nalo vinu ŵambura kuchinjika aŵa ŵangaza ŵangandigwaza ndikunditombozga.” Kweni wakupinga vidya vyake wangukana; chifukwa wangopa ukongwa, viyo Sauli wanguto lipanga lake ndi wangujiwiya paku lo.

1 Samuele 6:17

Ivi ndi vitupatupa vya golide, vyo ŵaFilisti ŵanguwezge ku Ambuya nge ndi mpasku wa paulakwi: ku Ashidodi chimoza, ku Gaza chimoza, ku Ashikeloni chimoza, ku Gata chimoza, ndiku Ekroni chimoza;