2 Mikoka 7:9 - Tonga Bible 1986

⁹ Ndipo pazuŵa la chinkhonde ndi chitatu ŵanguchita ungano wakujariya; chifukwa ŵanguŵa ndi ungano wakupaturiya jochero kwa mazuŵa ghankhonde ndi ghaŵi, ndi mazuŵa ghankhonde ndi ghaŵi gha dghera.

2 Mikoka 7:9 ပူးပေါင်းရင်းမြစ်များ

1 ŴaKaronga 8:2

Ndipo wose ŵaYisraele ŵamguwungana ku karonga Solomoni pa dghera mu mwezi wa Etanimu, wo ndi mwezi wa chinkhonde ndi chiŵi.

1 ŴaKaronga 8:65

Viyo Solomoni wanguchita dghera pa nyengo yiya, ndi ŵaYisraele wose pamoza nayo, umba ukuru, kwamba pakuserere kwa Hamati kuya ku Kamsinje ka Egipiti, paurongo pa Ambuya Chiuta widu, mazuŵa nkhonde ndi ghaŵi.

2 Mikoka 30:23

Viyo wumba wose unguzomerezgana kusunga dghera kwa mazuŵa ghankhonde ndi ghaŵi; viyo ŵangusunga dghera kwa mazuŵa ghankhonde ndi ghaŵi ndi likondwa.

2 Mikoka 7:10

Pa zuŵa la machumi ghaŵi ndi ghatatu (23) la mwezi wa chinkhonde ndi chiŵi wangutuma ŵanthu kuti ŵawerenge kwawo ŵakukondwa ndi kusangaruka mu mitima yawo chifukwa cha umampha wo Ambuya anguronga kwaku Davidi, ndi kwaku Solomoni, ndi ku ŵaYisraele ŵanthu ŵawo.

Nehemiya 8:18

Ndipo zuŵa ndi zuŵa kwamba pa zuŵa lakudanga mpaka ku zuŵa lakumariya, ŵanguŵerenga mu buku la dangu laku Chiuta, ŵangusunga dghera mazuŵa ghankhonde ndi ghaŵi: ndipo pazuŵa la chinkhonde ndi chitatu penga unganu wakutemeka, kwakulingana ndilangulu.

Chituwa 29:37

Mukachitanga mphepeska mazuŵa ghankhonde ndi ghaŵi chifukwa cha jochero la sembe, ndi kulipatuwa ndipo jochero la sembe likaŵanga lakupaturika kwakuruska; che chose chakukwaska jochero la sembe chikasandukanga kuŵa chakupaturika.

Yoele 1:14

Patuwani zuŵa lakufunga kurgha mudane unganu wakupaturika. Unjikani ŵaraŵara ndi ŵakuja mu charu wose mu nyumba ya Ambuya Chiuta winu; ndi muliliye ku Ambuya.

ŴaLevi 23:36

Mu mazuŵa ghankhonde ndi ghaŵi mukaperekanga sembe zapa moto ku Ambuya; pa zuwa la chinkhonde ndi chitatu muchitenge ungano wakupaturika ndi kupereka sembe yapa moto ku Ambuya; mbungano wakusopa; kuti mu kachitanga nchitu cha.

Maŵerengedu 7:10

Ndipo ŵarongozgi ŵangupereka mipasku yakupatuliya jochero la sembe pa zuŵa lo lingupakikiya; ŵangupereka mpasku wawo paurongo pa jochero la sembe.

Marangu 16:8

Mu mazuŵa ghankhonde ndi limoza mukarghanga chiŵande chambura mtupu ndipo pa zuŵa la chinkhonde ndi chiŵi kukaŵanga ungano wakupaturika wa Ambuya Chiuta winu; mungachitanga mlimu cha mwaku lo.