2 Mikoka 7:6 - Tonga Bible 1986

⁶ Ŵazukuru ŵanguma pa malo ghawo; ŵaLevi nawo so viyo ndi vyakumbiya sumu ku Ambuya vyo karonga Davidi wanguchita vyakutumbikiya Ambuya, chifukwa nchamuyaya chifundu chawo, mo Davidi watumbikiyanga Ambuya wachitakataka; ndipo ŵazukuru ŵambanga mbata panthazi pawo, ŵaYisraele wose ŵanguma.

2 Mikoka 7:6 ပူးပေါင်းရင်းမြစ်များ

1 Mikoka 13:8

Davidi ndi ŵaYisraele wose ŵakondwanga paurongo paku Chiuta ndi nthazi zawo zose ndi kumba ndi zing'oma, ndi ŵazeze, ndi bangwe ndi mbata.

1 Mikoka 15:24

Shebaniya, Yoshafati, Netanele, Amasai, Zekariya, Benai, ndi Eliezere, ŵazukuru ŵatenere kumba mbata paurongo pa bokosi laku Chiuta. Obededomu, ndi Yehiya nawo so ŵenga ŵalinda likomo ku bokosi.

1 Mikoka 16:34

Wongani Ambuya chifukwa mbamampha, chifukwa ncha muyaya chifundu chawo!

2 Mikoka 23:18

Ndipo Yehoyada wanguŵika ŵalinda ŵa nyumba yaku Chiuta pasi pa ŵaLevi wo Davidi wanguŵapatu riya ku uteŵeti wa nyumba yaku Chiuta kupereka sembe zakocha kwaku Chiuta nge ndimo kukulembeke mu marangu ghaku Mosese, ndi Kusekere ndi kumba nge mo kungumikikiya ndi Davidi.

2 Mikoka 29:25

Wanguŵika ŵaLevi mu nyumba ya Ambuya, ndi vimbumbuli, ŵazezi, ndi ŵabangwe, kwakuyana ndi langulu laku Davidi ndi laku Gadi muwona wa karonga ndiwaku Natani mchimi pakuti langulu lingutuwa kwa Ambuya mu ŵamchimi ŵake.

2 Mikoka 29:27

Viyo Hezekiya wangulangula kuti sembe yakocha yiperekeke pa jochero. Ndipo penipo sembe yakocha yaperekekanga, mathamiku ku Ambuya nagho ghangwambika; malipenga ghangumbika pamoza ndi vyakumbiya vinyake vyaku Davidi karonga.

2 Mikoka 5:12

ndipo wose ŵaLevi ŵakumba, Asafi, Hemani, ndi Yedutuni ŵana ŵawo ŵanthurumi ndi ŵana ŵanyawo ŵanguvwara saru za bafuta, ŵenga ndi ŵabangwe, ndi ŵazeze ndi ŵafyoliro, ŵanguma ku vuma kwa jochero pamoza ndi ŵazukuru machumi pe chumi pachanya machumi ghaŵi ŵakumba mbata.

2 Mikoka 5:13

Wenga mlimu wawo wakumba mbata ndi wakumba ndi mlomo pe kuti ŵavwikenge nge ndi munthu yumoza kutumbika ndi kuwonga Ambuya). Ndipo ŵangutumphuska sumu ndi zimbata, ndi ŵabangwe ndi vinthu vinyake vyakumbiya sumu ŵangukankhuska Ambuya, ŵatinge: “Pakuti iwo mbamampha, chifukwa nchamuyaya chifundu chawo.” Ndipo nyumba ya Ambuya yinguzazika ndi mtambo.

2 Mikoka 7:3

Ndipo ŵana wose ŵaku Yisraele, wanguti ŵawona moto uchiza pasi, ndi unkhankhu wa Ambuya pachanya pa kasopi, ŵangusindama visku vyawo pasi pakuyarikika ndi mya ndi ŵangusopa, ndi ŵanguwonga Ambuya, kuti, “Chifukwa mbamampha ndi nchamuyaya chifundu chawo.”

2 Mikoka 7:5

Karonga Solomoni wangupereka sembe za ng'ombe vikwi machumi ghaŵi ndi viŵi (22,000) ndi mberere vikwi machumi pe chumi ndi machumi ghaŵi (120,000). Viyo ndimo karonga ndi ŵanthu wose ŵangupaturiya nyumba yaku Chiuta.

Ezra 6:18

Ndipo ŵangumika ŵazukuru mu vigaŵa vyawo ndi ŵaLevi mu malo ghawo kuteŵete Chiuta mu Yerusalemu nge ndimo kungulembeke mu buku laku Mosese.

Sumu 106:1

Rumbani Ambuya! Wongani Ambuya chifukwa mbamampha, chifukwa chanju chawo chakufikapo ncha muyaya!

Sumu 107:1

Wongani Ambuya chifukwa mbamampha; chifukwa ncha muyaya chifundu chawo!

Sumu 138:8

Mukafiskanga che chose cho mukupangana nane, Ambuya, nchamuyaya chifundu chinu. Fiskani nchitu yo mwayamba.

Sumu 87:7

Ŵakumba ndi ŵakuvina wose ŵatiti, “Vyakujamo vyango vyose vye mwaku imwe.”

Yesaya 52:6

Chifukwa ichi ŵanthu ŵangu ŵakaziŵanga zina langu: mu zuŵa liya ŵakaziŵanga kuti ndine ndikamba; ndine nde pano.”

Amosi 6:5

wo ŵatumba sumu za waka ndikalilidu kazeze ndi kujipangiya vyakumbiya nge ndi Davidi;

Yoswa 6:4

Ndipo ŵazukuru ŵankhonde ndi ŵaŵi ŵapingenge mbata zinkhonde ndi ziŵi za masengwe gha ŵabira paurongo pa bokosi la phanganu; ndipo pa zuŵa la chinkhonde ndi chiŵi mukendanga kuzunguliya msumba kankhonde ndi kaŵi, ŵazukuru ŵakambanga mbata zo.