2 Mikoka 7:16 - Tonga Bible 1986

¹⁶ Chifukwa sono ndayisankha ndi kuyipatuwa nyumba yo mwakuti zina langu liŵenge mwaku yo muyanya; maso ghangu ndi mtima wangu vikaŵanga mwaku yo nyengo yose.

2 Mikoka 7:16 ပူးပေါင်းရင်းမြစ်များ

1 ŴaKaronga 8:16

‘Kutuliya zuŵa lo ndingutuzgiya khamu langu Yisraele mu charu cha Egipiti, ndengavi kusankhapo msumba umoza mu mafuku ghose gha ŵaYisraele, mwakuti ndimu yizengeke nyumba, kuti zina langu lijenge mwenimo; kweni ndingusankha Davidi kuŵa wa­kutufuliya khamu langu la Yisraele.’

1 ŴaKaronga 8:35

“Asani kuchanya kwajarika ndipo kulivi vuwa chifukwa chakuti ŵakulakwiyani, asani ŵaromba mu nyumba iyi, ŵazomera zina linu, ndipo ŵang'anamukako ku ulakwi wawo penipo imwe mwaŵasuzga,

1 ŴaKaronga 8:44

“Asani khamu linu lituya ku nkhondo kwachirwana ndi ŵarwani ŵawo, pa nthowa yose yo muŵatumiyengemo, ndipo, ŵarombenge ku Ambuya kurata ku msumba weniwo mukusankha ndi nyumba yeniyo ndazenge zina linu,

1 ŴaKaronga 8:48

asani ŵang'anamuka ndi chinjeru chawo chose ndi ndi mtima wawo wose mu charu cha ŵakupindikana ŵawo, wo ŵanguŵayore ku umkoli, ndipo ŵaromba kwaku imwe kurata ku charu chawo, chenicho mungupaska ku auskeu, msumba wo mukusankha, ndi nyumba yo ndazenge zina linu,

1 ŴaKaronga 9:3

Ndipo Ambuya anguti kwaku iyo, “Ndavwa rombu lako ndi kuŵeyere kwako, ko wachita paurongo pangu; ndayituŵiska nyumba yo wazenga, ndipo ndaŵika zina langu mwenimo muyaya, maso ghangu ndi mtima wangu vikaŵanga mwenimo nyengo yose.

2 ŴaKaronga 21:4

Ndipo wanguzenga majochero mu nyumba ya Ambuya gho Ambuya anguti, “Mu Yerusalemu ndikaŵikangamo zina langu.”

2 Mikoka 30:8

Sono mureke kungangamiska mitima yinu nge ndimo auskemwe ŵanguŵiya, kweni mujipereke ku Ambuya, ndi muzi ku malo ghawo ghakupaturika, ghenigho aghapatuliskiya ku nchitu yawo kwa muyaya, ndi muŵateŵete Ambuya Chiuta winu, mwakuti ukari wawo wakofya utuweko kwaku imwe.

2 Mikoka 6:20

mwakuti maso ghinu ghajurikiye pa nyumba iyi msana ndi usiku, pa malo gho mwapangana kuti muŵikengepo zina linu, kuti muvwenge rombo lo ndamteŵeti winu ndiromba kurazga ku malo ghinu.

2 Mikoka 7:12

Ndipo Ambuya angumuwoneke Solomoni ndi usiku, ndi anguti kwaku iyo, “Ndavwa rombo lako, ndipo ndajisankhiya malo yagha kuŵa nyumba yakuperekiyamo sembe.

2 Mikoka 7:15

Sono maso ghangu ghajurikenge ndi makutu ghangu ghategherezgenge ku rombo lakuchitikiya mu malo yagha.

2 Mikoka 7:17

Chingana ndiwe; asani wendenge paurongo pangu, nge ndimo Davidi ausu ŵangwende, kuchita kwakulingana ndi vyose vyo ndakulanguliya, kusunga vipangizgu vyangu ndi vyeruzgu,

Sumu 132:13

Ambuya asankha Zioni; akhumba kumanga uja wawo penipa;

Sumu 132:14

“Apa ndipo ndikajanga muyaya; apa ndipo ndikajanga chifukwa ndakhumbapo.

Zekariya 3:2

Ndipo Ambuya anguti kwaku Satana, “Ambuya akuchenye iwe Satana! Ambuya wo asankha Yerusalemu akuchenye! Kumbi ndatinge ichi nchisindi chakubulika ku moto?”

Mateyu 3:17

Ndipo, wonani, liu linguvwika kutuwa kuchanya, lakuti, “Mweniyo ndi Mwana wangu, nkhwanjiwa, mwaku mweniyo ndikondwere.”

Marangu 12:21

Asani malo gho Ambuya Chiuta winu wakasankhanga kuŵikamu zina lake ghe kutali ndi imwe, iku mungabaya ng'ombe yose chingana ndi mberere yose yamu mskambo winu zenizo Ambuya Chiuta winu wamupaskani, nge ndimo nditumulanguliyani; ndipo murghiyenge mu mizi yinu che chose cho munweke.

Marangu 16:11

Viyo mukakondwanga paurongo pa Ambuya Chiuta winu, imwe ndi mwana winu munthurumi ndi mwana winu munthukazi, muLevi yo wemu mizi yinu, mlendo wambura awiske, choko cho che mukati mwinu, pa malo gho Ambuya Chiuta winu wakasankhanga, kuti mudanepo zina lake.

ŴaKolose 2:9

Pakuti mwaku iyo ndimo mwe uzali wose wauchiuta muliŵavu,