2 Mikoka 7:10 - Tonga Bible 1986

¹⁰ Pa zuŵa la machumi ghaŵi ndi ghatatu (23) la mwezi wa chinkhonde ndi chiŵi wangutuma ŵanthu kuti ŵawerenge kwawo ŵakukondwa ndi kusangaruka mu mitima yawo chifukwa cha umampha wo Ambuya anguronga kwaku Davidi, ndi kwaku Solomoni, ndi ku ŵaYisraele ŵanthu ŵawo.

2 Mikoka 7:10 ပူးပေါင်းရင်းမြစ်များ

1 ŴaKaronga 8:66

Pa zuŵa la chinkhonde ndi chitatu wanguwawezga wanthu, ndipo ŵangutumbika karonga, ndi ŵanguruta ku mizi yawo ŵakukondwa ndi ŵachimwemwe mu mtima chifukwa cha umampha wo Ambuya angurongo kwaku Davidi muŵanda wawo ndi kwaku Yisraele khamu lawo.

2 Mikoka 29:36

Ndipo Hezekiya ndi ŵanthu wose ŵangukondwa chifukwa chaku vyo Chiuta wanguchitiya ŵanthu, pakuti chinthu ichi chinguchitika kwaruŵi.

2 Mikoka 30:26

Viyo mwenga chimwemwe chikuru mu Yerusalemu.

2 Mikoka 6:41

“Ndipo sono yukani Ambuya Chiuta murutenge mu malo ghinu ghakupumuliyamo, imwe ndi bokosi la phanganu la nthazi zinu. Ŵazukuru ŵinu, Ambuya Chiuta, ŵavwarikike ndi utaski, ndipo ŵatuŵa ŵinu ŵakondwe mu umampha winu.

2 Mikoka 7:11

Viyo ndimo Solomoni wangumariya nyumba ya Ambuya ndi nyumba ya karonga; vyose vyo Solomoni wangunozga kuchita mu nyumba ya Ambuya ndi mu nyumba yaku iyo mweneko wangufiska umampha.

2 Mikoka 7:9

Ndipo pazuŵa la chinkhonde ndi chitatu ŵanguchita ungano wakujariya; chifukwa ŵanguŵa ndi ungano wakupaturiya jochero kwa mazuŵa ghankhonde ndi ghaŵi, ndi mazuŵa ghankhonde ndi ghaŵi gha dghera.

Nehemiya 8:10

Sono ŵanguti kwaku wo, “Rutaninga kwinu, kargheninga mafuta ndi kamweninga vinyo wakunowa ndipo vinyake mukatumiyenge yo walivi kujilongosore; pakuti zuŵa ili ndakupaturika ku Ambuya widu; ndipo mungaŵanga ŵachitima cha, pakuti chimwemwe cha Ambuya ndi nthazi yinu.”

Sumu 100:2

Teŵeteni Ambuya ndi kukondwa! Zaninga pa maso pawo ndi kumba!

Sumu 105:3

Kondwani pakuti ifwe te ŵawo; yangarenge mitima yaku wose ŵakupenja Ambuya!

Sumu 106:5

Ndiwone kusakata kwa ŵanthu ŵinu, ndi kusangana muvyamampha vya mtundu winu, mu likondwa lakujikuzga la ŵanthu ŵinu.

Sumu 32:11

Kondwani mu Ambuya, ndipo sekeriyani, mwaŵarunji mwe, kamburani ndi chimwemwe, mose mwa ŵakunyoroka mtima!

Sumu 92:4

Nchitu zinu zanthazi, Ambuya, zitindikondweska; pa chifukwa chaku vyo mwachita nditumba ndi chimwemwe.

Chituwa 18:1

Yetero, mzukuru wa Midiani, msibweni waku Mosese, wanguvwa vyose vyo Chiuta wanguchitiya Mosese ndi ŵaYisraele ŵanthu ŵake mwenimo Ambuya angutuzgiya ŵaYisraele mu Egipiti.

Ezekiele 45:25

Pa zuŵa la chumi ndi ghankhonde, mu mwezi wa chinkhonde ndi chiŵi ndi mu mazuŵa ghankhonde ndi ghaŵi gha dghera, wakaperekanga viyo kwakukozgana pa mipasku yapa ulakwi, mipasku yakocha, mipasku ya vyakurgha, ndi unandi wa mafuta kwakuyana.

Machitidu gha Ŵakutumika 16:34

Ndipo wachiŵakwezge ku nyumba yake, wanguŵayariya gome, ndipo wangukondwa ukongwa, pamoza ndi wose ŵamu nyumba yake, ŵati ŵavwana mwaku Chiuta.

Machitidu gha Ŵakutumika 2:46

Ndipo zuŵa ndi zuŵa, pakujaririya kwachitatata ndi mtima umoza mu kasopi ŵakumenya chiŵande, ŵarghanga, chaukurgha mu chimwemwe ndi chiyanamtima,

Marangu 12:12

Ndipo mukakondwanga pa nthazi pa Ambuya Chiuta winu, imwe ndi ŵana ŵinu ŵanthurumi ndi ŵana ŵinu ŵanthukazi, ŵanchitu ŵinu ŵanthurumi ndi ŵanchitu ŵinu ŵanthukazi ndi muLevi yo wamumizi yinu, pakuti walivi nanga ndi chihara pamoza ndi imwe.

Marangu 12:18

Kweni mukavirghanga panthazi pa Ambuya Chiuta winu mu malo ghenigho Ambuya Chiuta winu wakasankhanga, imwe ndi mwana winu munthurumi ndi mwana winu munthukazi, wanchitu winu munthurumi ndi wanchitu winu munthukazi, ndi muLevi yo we mukati mu mizi yinu. Ndipo mukakondwanga panthazi pa Ambuya Chiuta winu, po muchita milimu yinu yose.

Marangu 12:7

Kweniko ndiku mukarghiyanga pa nthazi pa Ambuya Chiuta winu, ndipo mukakondwanga, imwe ndi ŵamunyumba zinu wose, pakuchita vyose vyo Ambuya Chiuta winu wamatumbikani navyo.

Marangu 16:11

Viyo mukakondwanga paurongo pa Ambuya Chiuta winu, imwe ndi mwana winu munthurumi ndi mwana winu munthukazi, muLevi yo wemu mizi yinu, mlendo wambura awiske, choko cho che mukati mwinu, pa malo gho Ambuya Chiuta winu wakasankhanga, kuti mudanepo zina lake.

Marangu 16:14

Mutenere kukondwa pakurgha dghera linu, imwe ndi mwana winu munthurumi ndi mwana winu munthukazi, wanchitu winu munthurumi, ndi wanchitu winu munthukazi, muLevi mlendo, wambura awiske, ndi choko wo ŵemu mizi yinu.

ŴaFilipi 4:4

Kondwere ni mu Mbuya nyengo zose; ndikambenge so, Kondwani.