2 Mikoka 4:6 - Tonga Bible 1986

⁶ Wanguchita so vya kusambiyamo chumi, ndi wanguŵika vinkhonde kuchiri ku malaŵi ndi vinkhonde ku nkhonde, mu viŵiya ivi ndimo ŵasukiyanga vyo ŵachitiyanga sembe yakocha. Nyanja yenga yakusambamo ŵazukuru.

2 Mikoka 4:6 ပူးပေါင်းရင်းမြစ်များ

1 ŴaKaronga 7:38

Ndipo wanguchita vyakusambiyamo vya mkuŵa; chakusmbiyamo che chose chenga ndi mabafa machumi ghanayi (40), bafa lose lenga mukono yinayi, ndipo pa chakumapo che chose chaku vyo chumi penga chakusambiyamo.

1 ŴaKaronga 7:40

Hiramu wanguchita so viŵiya, zimbanu, ndi mabeseni. Viyo Hiramu wangufiska nchitu yose yo wanguchitiya karonga Solomoni yapa nyumba ya Ambuya.

2 Mikoka 4:2

Wanguchita so nyanja ya kusongono yakuzunguriya, yo mikono yake yenga chumi kuzunguriya likumba lake, kuzaza kwake kwenga mikono yinkhonde, ndi chipimu cha mikono machumi ghatatu (30) chingulongo kuzingiriya kwake.

Sumu 51:2

Mundisuke ku kubende kwangu, ndipo mundiphoto ku kwananga kwangu.

Chituwa 29:4

Mukazanga ndi Aroni ndi ŵana ŵake ŵanthurumi ku khomo la hema lakuwunganamo, ndi kuŵasambika ndi maji.

Chituwa 30:17

Ambuya anguti kwaku Mosese,

Ezekiele 40:38

Kwenga chipinda ndikhomo lake mu khonde la likomo, penipo mpasku wakocha wasukikanga.

ŴaLevi 1:13

Kweni vya mukati ndi marundi wakasukanga ndi maji. Ndipo mzukuru wakaperekanga vyose ndi kuvyocha pa jochero, ndi mpasku wakocha, mpasku wakupaskika wap moto, ndi mpasku wa fungu lakukondweska Ambuya.

ŴaLevi 1:9

kweni vya mukati mwake ndi marundi ghake ŵakasukanga ndi maji. Ndipo mzukuru wakawochanga vyose pa jochero kuŵa mpasku wakocha, mpasku wakupereka wapa moto, fungu lakukondweska Ambuya.

1 ŴaKorinte 6:11

Ndipo mwaŵanyake mwenga ŵaviyo. Kweni mwasambiskika, mwapaturiskika, mwarunjiskikiya mu zina la Ambuya Yesu Kristu, ndi mu Mzimu waku Chiuta widu.

ŴaHebere 9:14

uli ukongwako ndopa zo zaku Kristu, mweniyo mu Mzimu Wamuyaya wangujipereka wambura kalema kwaku Chiuta, zitozgenge njuŵi zinu ku nchitu zakufwa kwachiteŵete Chiuta wamoyo?

ŴaHebere 9:23

Viyo kungukhumbikwa kuti vikozgu vyaku vyo vyamu machanya vitozgeke ndi vyenivi, kweni vinthu ivyo vyeneko vyamumachanya ndi visopu vyakuzungura vyenivi.

1 Yohane 1:7

kweni asani titenda mu kungweruka ko, uli ndimo waliri iyo mu kungweruka, te nawo wanase yumoza ndimunyake, ndipo ndopa zo zaku Yesu, Mwana wake, zititozga ku ulakwi wose.

Chivumbuzi 7:14

Ndingunena nayo, “Fumu, muziŵa ndimwe.” Ndipo wangunena nane, “Yaŵa mbeniwo ŵatuwa mu suzgu yikuru yo, ndipo ŵasuka makhanju ghawo ndi ŵaghatuŵiska mu ndopa za Mwana-mberere yo.