2 Mikoka 2:16 - Tonga Bible 1986

¹⁶ ndipo tikatemanga miti yose yo mungakhumba kutuwa ku Lebanoni, ndi kuza nayo kwaku imwe mu maphaka mu nyanja pe mpaka kufika nayo ku Yopa, mwakuti kutuwa ko muzachiyitore ku Yerusalemu.”

2 Mikoka 2:16 ပူးပေါင်းရင်းမြစ်များ

1 Mikoka 22:2

Davidi wangulangula kuti wawungange pamoza ŵalendo wo ŵenga mu charu cha Yisraele, ndipo wanguŵika ŵakusema mya yakuzenge nyumba yaku Chiuta.

2 Mikoka 30:25

Wumba wose waku Yuda, ŵazukuru, ndi ŵaLevi, ndi wumba wose wo ungutuwa ku Yisraele, ndi ŵalendo wo nawo ŵangutuwa ku charu chaku Yisraele, ndi ŵalendo wo ŵanguja mu Yuda ŵangukondwere.

2 Mikoka 8:7

Ŵanthu wose wo ŵangusiyika ndi ŵaHiti, ndi Amori, ndi ŵaPerezi, ndi ŵaHivi, ndi ŵaYebusi wo kuti ŵenga ŵaYisraele cha,

2 Mikoka 8:8

ŵana ŵawo wo ŵangusiyika mu charu, ŵeniwo ŵaYisraele ŵengavi kuŵamara, Solomoni wanguŵachichizga wose yaŵa kumusonkhe msonkhu mpaka kunu kule.

Ezra 3:7

Viyo ŵangupereka ndrama ku ŵakusema mya, ndi ku ŵakuŵaja miti, ndi so vyakurgha ndi vyakumwa, ndi mafuta ku ŵaSidoni ndi ŵaTuro, kuti ŵazenge ndi miti ya milanji kutuwa ku Lebanoni kuzachidula ku nyanja ku Yopa, kuyana ndi vyo Sirusi waku Perese wanguŵapaska.

Yona 1:3

Kweni Yona wangusoka kuthaŵiya ku Tarshishi, kutuwapo paurongo pa Ambuya wangusikiya ku Yopa, ndi wangusaniya ngarawa yakulazgiya ku Tarshishi. Viyo wanguripa maripiro pakiyo, ndi wangusere mwaku yo, kuruta nawo ku Tarshishi, kuthaŵa paurongo pa Ambuya.

Yohane 1:3

Vyose vingulengeke mwaku iyo; ndipo kwambura iyo kuti kangulengeka cha chingana nkhanthu kamoza ko kaŵapo.

Machitidu gha Ŵakutumika 10:32

Viyo tumanga ku Yopa, ndi ujidaniye Simoni, yo wazumbulika so Petro; watandara iyo mu nyumba yaku Simoni, mfufuta, ku mphepete ku nyanja.’

Machitidu gha Ŵakutumika 9:36

Ndipo mu Yopa mwenga msambizikazi yumoza, zina lake Tabita lo ling'anamuwa kuti Dorka: mweniyo munthukazi wenga wakuzara milimu yamampha ndi vyalisungu vyo wachitanga.

Machitidu gha Ŵakutumika 9:38

Ndipo pakuŵa Luda kufupi ku Yopa, ŵasambizi, ŵati ŵavwa kuti Petro wenga kweniko, ŵangutuma ŵanthurumi ŵaŵi, ŵakumuŵeyere, “Ungaziulika cha kufika kwidu.”

Machitidu gha Ŵakutumika 9:42

Ndipo kunguziŵikwa mu Yopa yose: ndipo ŵanandi ŵanguvwaniya mu Ambuya.

Machitidu gha Ŵakutumika 9:43

Ndipo kunguŵa kuti wangutandara iyo mazuŵa ghanandi mu Yopa kwaku yumoza, Simoni, mfufuta.

Yoswa 19:46

ndi mejarakoni ndi Rekoni pamoza ndi chigaŵa cho chilereskana ndi Yopa.

Yoswa 9:27

Kweni zuŵa liya Yoswa wanguŵachita kuŵa ŵakudumuwa nkhuni ndi ŵakunegha maji, kuneghe mpingu ndi jochero la Ambuya kurutiliya mpaka ku zuŵa lino, mu malo gho iyo wangasankha.