2 Mikoka 19:3 - Tonga Bible 1986

³ Kweni kamampha kawonekamo mwaku imwe chifukwa mungutuzgamo chikozgo cha Ashera mu charu ndi kuŵikapo mtima winu pakumpenja Chiuta.”

2 Mikoka 19:3 ပူးပေါင်းရင်းမြစ်များ

1 ŴaKaronga 14:13

Ndipo ŵaYisraele wose ŵakamutenjenga, ndi kumuŵika, pakuti ndiyo pe waku Yeroboamu yo wakazanga ku muwunda, chifukwa mwaku iyo mukusanirika kanthu kakukondweska Ambuya, Chiuta waku Yisraele, mu nyumba yaku Yeroboamu.

2 Mikoka 11:16

Ndipo wo ŵanguŵika mitima yawo pakupenja Ambuya Chiuta waku Yisraele, kutuwa mu mitundu yose yaku Yisraele ŵanguza ku Yerusalemu kuzachibayiya sembe Ambuya Chiuta, wa mbuya.

2 Mikoka 12:12

Ndipo wanguti wajiyuyuwa, ukari waku Chiuta ungugowoka kwaku iyo kuti wareke kumparghang'iya limu; ndipo vinthu vingwenda so umampha mwaku Yuda.

2 Mikoka 12:14

Ndipo wanguchita viheni chifukwa mtima wake wangureka kuŵika pakupenja-penja Ambuya.

2 Mikoka 15:12

Ndipo ŵangupangana phanganu kuti ŵaŵapenje Ambuya Chiuta, wa ŵambuyawo, ndi mtima wawo wose ndi umoyo wawo wose;

2 Mikoka 15:15

Ndipo ŵaYuda ŵangusekere pa rapu, chifukwa ŵangurapa ndi mtima wawo wose, ŵangumpenja ndi khumbo lawo lose ndipo ŵangumsaniya, ndipo Chiuta wanguŵapaska chipumulo kwakuzunguliya.

2 Mikoka 20:3

Ndipo Yehosafati wangutenthema wangujilongosole kupenja Ambuya wangumemeza kufunga kurgha mwaku Yuda yose.

2 Mikoka 20:33

Kweni malo gha pachanya kuti ghangutoreka cha, chifukwa ŵanthu ŵengavi kunozgeka mitima yawo fikepo paku Chiuta wa ŵambuyawo.

2 Mikoka 22:9

Wati wachita viyo wangumpenja Ahaziya wangukoreka wachibisama mu Samaria, wanguza nayo kwaku Yehu, wangumbaya. Ŵangumuŵika, chifukwa ŵanguti “Ndi mzukuru waku Yehoshafati yo wangurembe Chiuta ndi mtima wake wose.” Ndipo nyumba yaku Ahaziya yengavi Yumoza wanthazi wakuti wangasunga ufumu.

2 Mikoka 27:6

Viyo Yotamu wanguŵa wanthazi chifukwa wangunozga nthowa zake paurongo pa Ambuya Chiuta wake.

2 Mikoka 30:19

mweniyo wapenja Chiuta, Ambuya, Chiuta wa awiske, nanga wangureka kutozgeka kwakuyana ndi marangu ghakutozgeka gha malo ghakupaturika.”

Ezra 7:10

Chifukwa Ezra wanguŵikapo limu mtima wake kupenjeska dangu laku Chiuta ndi kulichita, ndi kusambizga vilangulu vyake ndi vyeruzgu vyake mwaku Yisraele.

Sumu 57:7

Mtima wangu wakhozgeka, A Chiuta, mtima wangu wakhozgeka! Ndimbenge ndi ndikoŵerenge!

ŴaRoma 7:18

Chifukwa ndiziŵa kuti mwangu, ndikwesa kuti, mu liŵavu langu kuti kajamo kanthu kamampha cha: pakuti kukhumba kwe nane, kweni kuchita kamampha ko kuti kuliko cha.

1 Samuele 7:3

Penipo Samuele wangunena ndi nyumba yaku Yisraele, “Asani mung'anamukiya ku Ambuya ndi mtima winu wose, iku tuzgani ŵachiuta ŵachilendo ndi Ashitaroto mukati, rongozgiyani mitima yinu ku Ambuya, mteŵetiyeni iyo, ndipo wakamupozomoskaninga mu janja la ŵaFilisti.”